何猷君認戀新歡 吳雨霏拒評方力申是否花心男
袁嘉敏否認有拍性愛戲：會採取法律行動
袁嘉敏有份演出的內地網路電影發了一輯性愛場面戲，電影公司指背向鏡頭大演火辣床上戲的女主角是袁嘉敏，但因體型較為龐大，跟袁嘉敏一點也不相像，記者致電袁嘉敏，她亦一口否認相中人是自己，她謂：「我只系拍咗一日戲，根本冇呢啲場面，見到咁嘅情況真系好苦惱，覺得好有問題，都信唔過嘅，咁樣去詆毀一個演員。」袁嘉敏指會找北京律師商量，應會採取法律行動，為自己討公道。
自爆好易凼 祖兒初戀主要節目系行路？！
樂壇天后容祖兒（Joey）為無線遊戲節目《我愛香港》錄像，自言首次任該節目嘉賓，事前不停追看之餘，更特別以運動裝「戰鬥格」現身。以灣仔區代表上陣的祖兒，表示早於18歲時已在該區蒲，問到初戀可是於灣仔發生，Joey不諱言當時拍拖有逛過灣仔的建築及店鋪，更謂：「細個冇任何娛樂節目，行街就系最大娛樂，我可以由深水埗行去尖沙咀，再搭船行埋中環，所以同我拍拖好易。
於估字環節中，Joey要戴上耳筒猜洪卓立口中所說的文字，抵死的主持曾志偉玩前已向Joey謂：「最簡單系呢句，你只要講出心聲就得！」之後Joey身後的熒光幕打出「師父師叔師兄，我鍾意師兄多啲囉」，擺明將她與「師兄」劉浩龍的戀情上枱，起初祖兒邊估邊吞口水、企起身兼踢曬腳，狀甚緊張，不過未幾便成功猜中。事後被問到會否介意戀情被擺上枱？Joey笑謂：「黐線啦！冇乜新意囉！」
強勢小插入
昨日萬聖節，藝人張栢芝趁機搞鬼一番，張栢芝工作室亦透過微博上載相片。相片中張栢芝戴上卡通人物帽子兼配上大框眼鏡，與一名小朋友自拍合照，小朋友化妝後成個吸血殭屍一樣，張栢芝亦相當配合張開口作狀咬人吸血，與小朋友造形相映成趣，不少網民看後大讚二人都十分可愛，連張栢芝工作室都發文留言：「萬聖節，童心未泯，萬聖節大『變臉』，一點也不恐怖，張栢芝好萌，好萌啊。」
【有啲嘢】吳雨霏拒評方力申是否花心男
歌手吳雨霏（Kary）出席活動時，獲頒時尚獎項，她坦言很開心，因自己出道時常被人指不懂衣著，故這個獎份外有意義。問老公洪立熙有否做她的形象指導？Kary說：「佢唔系好理我點著。（造人進度點？）順其自然。」她提及在歌唱事業方面休息了約一年半，故這個月開始會重新寫歌，透露最快明年初有新歌推出，她又坦言非常緊張，望來年有新開始。
另外，提到好友鄧麗欣揚言希望與已經分手的男友方力申做回朋友，問Kary可會做中間人？她回應：「做番朋友好正常，呢啲睇緣分。（你幫嚇手囉。）唔想做啲咁刻意嘅嘢，緣分到就會做番朋友，都識咗咁多年。（方力申散咗之後有緋聞，覺唔覺得佢系花心男？）唔知喎，大家太關心佢哋兩個嘅感情狀況，我諗佢哋兩個唔系好恨拍拖住。（唔系喎，鄧麗欣好恨喎。）點解我唔知嘅？我好關心佢。（介紹男仔畀佢識？）佢系我好姊妹，想介紹個好嘅男仔畀佢識。（老公啲朋友？）嗰啲結咗婚，我都戥佢心急，希望佢開心。」
45歲靚靚曬素顏 網民激贊：唔化妝仲好
藝人張智霖（Chilam）同老婆袁詠儀（靚靚）參演內地真人騷節目，為《一年級．畢業季》齊齊化身星級導師，Chilam擔任老師，而靚靚就做助教。佢兩個為咗節目效果，仲要「犧牲」色相，自我「摧毀」男神、女神形象！
開頭節目主持人話因為靚靚輸咗，所以提出卸妝唱歌呢個懲罰。現場嘉賓聽到，即起鬨叫Chilam不如用肉色絲襪笠頭唱歌當懲罰，靚靚見到咁就即刻霸氣咁話要表演卸妝，但又幫手起鬨叫Chilam絲襪笠頭唱歌，實行娛己娛人！
Chilam表演完絲襪笠頭之後，就輪到靚靚即場卸妝，見到靚靚一啲都唔Hea，真系落得好認真，連唇膏都抹埋，真系全素顏畀你睇！網友話靚靚雖然已經45歲，但系佢卸妝前同卸妝後冇咩分別，完全系零毛孔兼皮光肉滑，仲有網友贊靚靚唔化妝仲好睇?！其實唔止網友咁講，就連Chilam都話：「我覺得她不化妝更好看。」
袁紫僑冧認戀猷君 前度周志文送祝福
賭王何鴻燊四房兒子何猷君身邊向來不乏女伴，之前被影到與混血新歡女友打得火熱，但近日又傳與組合少女標本成員袁紫僑（CoCo）撻著，兩人趁著萬聖節，分別化身小丑同小丑女電影情侶造型去萬聖節派對狂歡。
不過日前CoCo被問到與猷君發展可能時，她曾表示無機會，但今日CoCo訪問時，終於承認與猷君拍拖。女主角袁紫僑公開認愛後，男主角何猷君亦大方承認蜜運中，他接受訪問時，心情明顯很開心，並風騷地說：「系呀，佢（CoCo）都講到好明顯啦，我都冇乜好否認啦，哈哈哈！Anyway,我依家離開緊香港喎！」
早年曾跟CoCo拍過拖的周志文，坦言有有看到報道，但他並沒特別留意，他謂：「拍拖好開心，佢搵到一個好對象。（會否有酸溜溜嘅感覺？）件事過咗咁耐，都唔會酸，誠心祝福佢！」
※鍾嘉欣下周現身香港 傳王菲演唱會門票1張賣3萬8
※35歲阿嬌心急想嫁人 吳雨榮休林峰承諾約飲酒食飯
TAG:HK娛樂頻道 |