佗B照踩高踭鞋！吳若希跳跳扎冇有怕林峯點算？吳千語與王力宏北京過聖誕

娛樂 12-18

今日快報

背鄧九雲另結新歡？何韻詩咀女助手斷正

藝人何韻詩於2012年正式出櫃，公開自己是同志，之後她跟台灣藝人鄧九雲傳撻著，但何韻詩一直沒有公開與鄧九雲的身份，早前何韻詩開騷，鄧九雲都有到場支持，兩人的關係不言而喻！

鏡頭一轉，何韻詩竟然被拍得與女助手方迦南（Canaan）喺石灘咀嘴，呢位新請番嚟嘅嫩口助手二十歲出頭，早前先啱啱大學畢業，幾個月前就入咗何韻詩嘅公司做阿詩嘅助手，二人仲一拍即合極速撻著！二人被拍得去到貝沙灣睇日落，仲肩並肩坐咗喺石灘度，初時大家都小心翼翼，阿詩就四圍望睇嚇有冇人??到佢哋，見冇人就即刻行動升級，出手搭落Canaan膊頭度，Canaan個頭就乘勢挨住阿詩，用冧到爆嘅眼神望實阿詩，二人坐坐嚇仲又咀又錫手又互喂，儼如一對情侶一樣，旁若無人！今次阿詩同女助手石灘談情被斷正，唔知佢同鄧九雲嘅感情會唔會大受影響呢？

佗B照踩高踭鞋！吳若希跳跳扎冇有怕

歌手吳若希（Jinny）出席甜品店pop up store開張，是她宣布佗B後首次出席公開活動。現場見她雖然佗B四個多月，但手腳仍然纖幼，身穿紅色長裙的她腹部微隆，經常用手護肚，但仍百無禁忌地穿上約四吋厚底高踭鞋，期間又派蛋糕給記者。

講到Jinny宣布佗B後首次出席公開活動，她表示是此工作是之前接下的，問到酬勞可是很好？她表示：「Win win，呢個代言費幾好。」講到她穿上高踭鞋，問到其老公可批准？她表示：「冇唔畀我著。（怕唔怕你有危險？）我已經成日行行走走跳跳扎，佢最驚我踎低同狗玩。」

講到她佗B要停工，可有被老闆鬧？她謂：「冇，佢仲講得閑過嚟探我。（有冇影響工作？）本身今年我都想請假，而依家有小朋友都系請假時期。」問到可會出席今年樂壇頒獎禮？她表示：「暫時決定唔會，但如果有需要我出現都會出席。（老闆系咪好努力幫你爭取好多嘢？）老闆話我仲細個，同埋合約都仲有排，時間仲好長，依家畀心機學做媽媽歌手。呢行都有好多媽媽級歌手，事業、家庭都兼顧得好，所以成績都好，所以我學緊。（但你唔去頒獎禮，怕唔怕冇咗金曲金獎？）今年好多好quality嘅歌手，例如JW（王灝兒）、林奕匡、陳柏宇。（但佢哋唔系TVB「親生」？）我相信公司唔系計呢個。」

梁小冰退會與慧妍斷聯絡：我唔鐘意搞嘢

藝人梁小冰、張嘉兒及龐卓欣等於尖沙咀欣賞芭蕾舞劇。小冰透露自幼學習芭蕾舞，更曾有機會擔任芭蕾舞老師：「學到試過（腳指）反曬甲，瘀曬同黑曬。當時再考試就做芭蕾舞老師，但當時有機會選港姐，所以我揀咗做演員。」小冰表示其9歲兒子正在學跳Hip Pop：「佢三歲睇片就自動波學跳舞，5歲時參加比賽，自編自導同搞埋服裝，最後贏咗。（畀佢學芭蕾？）佢有興趣，但冇學校教男仔跳。」問可會讓熱愛跳舞的兒子入行？小冰笑指兒子偏愛做幕後工作：「唔會，佢做編劇同導演幾叻，燈光都自己搞。佢話冇興趣做演員，鐘意做幕後。」

談到工作，她稱想多留港拍戲，目前已經了接一部本地電影。問退出「慧妍雅集」後，相關人士可有聯絡她？小冰透露由始至終未接過相關電話，但指退會是最好的解決方法：「唔想提起唔開心嘅人同事，退會系最好解決方法，我唔鐘意搞咁多嘢。」

林峯點算？吳千語與王力宏北京過聖誕

藝人吳千語首次接拍古裝電影，於剛開機的《古劍奇譚之流月昭明》中扮演仙女，與王力宏、高以翔及宋茜等大演對手戲。

發布會上，千語表示即將要接受連串武術訓練，片場內還要吊威也飛來飛去，她希望帶給觀眾及粉絲們耳目一新的感覺。由於電影將拍攝至明年3月才煞科，預計聖誕節要於北京片場內度過，但千語興奮地說：「王力宏是我偶像，相信與他合作一定愉快。」咁男友林峯隨時要孤獨過聖誕？

【默認奉子成婚】阮民安爆Eva佗B 29周

組合

E-Kids

成員阮民安（

Tommy

）被傳入紙結婚，他接受記者訪問時，提到緋聞女友張倚雯（

Eva

）的肚時，他笑言：「

Eva

個肚系愈嚟愈大?，佢又受歡迎喎，見佢

Instagram

有好多

fans

。咁呀？祝福佢呀！或者你哋又可以問嚇佢嘅響應，如果你哋搵到佢嘅話，可能佢又有另一個發表呢。」

問到為何Tommy這麼怕提婚事？他即強調：「冇人驚，唔系驚！系私事唔需要同大家分享太多。每個人都有選擇權，尤其喺呢啲情況之下，我選擇就系唔去公開，唔去講，唔關驚唔驚事。」至於提到日後或會被拍到簽紙或行禮，他則稱要看緣分，就像這次記者找到擬結婚通知書也是緣分，又叫大家研究真假：「到有一日，原來有呢啲動作，又可能畀你哋知道呢，可能到時大家又可以互相問候一下，研究一下。冇刻意唔講，又冇刻意唔畀你哋知，總之唔會承認或否認，你哋要講咪去講，冇問題。」

提到將於1月舉行的演唱會，Tommy坦言覺得很高興：「我有時會諗，如果呢單新聞你哋一路問，喜事嘅新聞系真嘅話，咁都幾旺喎好似。我聽個女仔（指Eva）講個BB系29周，夾啱時間，Big Bang都嚟開騷，好鬼好彩，好旺呀！」不過E-Kids開騷卻與Big Bang的第一場騷撞期，Tommy笑言要用15張E-Kids飛換3張Big Bang尾場飛，或者爭取6時看完首場才開騷。問到Eva會否去看E-Kids演唱會？Tommy坦言對方應該來到：「死啦，依家好驚，佢一嚟到咪好大件事？」他又指很多圈來朋友也會捧場。

後台回復「

劇集預告或0

」，可查看

《致命復活》

第二十七集和

《流氓皇帝》

第五集

哦！