老婆選擇離婚李潤庭兩度鞠躬道歉蔡思貝避談麥秋成拖胡楓落水

娛樂 12-18

今日快報

老婆選擇離婚　李潤庭兩度鞠躬道歉

無線《東張西望》主持李潤庭被爆背妻偷食，搭上已為人妻的小三，日前坦承出軌兼認錯的他語出驚人，指太太早知道有第三者存在！昨天他返電視城被高層「照肺」後，隨即開記者會交代事件，李潤庭未講嘢，網民已不停畀嬲表情。　

記者會下午三時半開始，李潤庭首先向今次受影響家人、太太講對唔住，以黑框眼鏡及灰色衫見人的他，表現得好淡定，他說：「今次件事，我應行出嚟道歉，系我一個人嘅錯，要鄭重同家人及其他人受影響嘅人道歉，除家人外亦影響咗公司，我好過意唔去！我要承擔番男人嘅責任，將傷害停止，我一個人承擔就可以！」然後李潤庭深深一鞠躬。

問到公司有咩處分？他說：「公司對我處分我欣然接受！（見高層？）了解來龍去脈，話會點樣幫我！（事件發生後有冇同老婆傾過？）有，佢傷心、失望，呢刻我要承擔責任。（關係如何？）冷靜期！（同小三有冇聯絡？）冇，都唔應該聯絡！我都需要時間沉殿情緒。（同小三關係會結束？）當然會結束。（開始咗幾耐？）唔講，不想再挖出嚟講傷害更多人。（你話太太一早知「小三」存在？）系誤會，系報道出咗之前知，我唔好，冇好好交代清楚，系自己問題，搞到件事唔清楚。（會離婚？）絕對尊重太太決定，唔到我去揀，選擇權喺佢手上，呢刻佢系選擇離婚。（你哋一齊住？）系。（分房瞓？）系！太太、外父外母對我好失望，系我最大感受，我除咗道歉之外，要向雙方家人及愛錫我哋朋友，要佢哋經歷咁尷尬時刻，系我錯！」

【搵食材】佘詩曼做導遊陪徐崢行大澳

之前於內地真人騷贏得廚藝冠軍的佘詩曼（阿佘），現時有「美女廚神」稱號，更被不斷獲邀參加各式各樣的飲食節目，就連內地演員徐崢主理的全新節目《食在冏途》，也選定阿佘當嘉賓，日前更專程拉大隊來香港拍攝。

據知節目每集都有不同嘉賓，代表香港的就只有佘詩曼、林峯及歐陽震華三位。而阿佘當天就特別往大澳拍攝，充當導遊的她，帶徐老闆嘆盡大澳地道美食、走遍小巷橫街大買特產虎蝦米干，阿佘心情大靚笑說：「今次被徐崢邀請當然開心，開正我嗰瓣，既可代表香港介紹美食，又可以將大澳地道食材推介畀內地觀眾。」

成為美女廚神後的阿佘工作不斷，最重要入得廚房，完全為賢妻鋪路，阿佘笑說：「如果系嘅話，都只是意外收穫吧！我反而覺得依家生活上有啲改變，以前只會識得出街搵嘢食，搵間靚餐廳，但依家我可以親自下廚煮啲好菜式畀朋友、家人分享，令我終於明白媽咪平日煮嘢食嘅感覺，放咗好多愛心喺啲菜式上，嗰份滿足感真系好大！」

陳法拉曬自畫像變身「惡婆」

藝人陳法拉正身在紐約茱莉亞學院修讀戲劇碩士課程，密密上載Instagram甫相曬新生活，開心些牙美國嘅體驗，佢近排仲好似變咗另一個人咁，早前就已經上載過化舞台妝扮畀人打歪個鼻嘅自拍，明顯勁enjoy校園生活。

近日佢繼續一反常態，唔再以靚女樣示人，仲有咁丑得咁丑，上載一張惡形惡相嘅黑白自拍，八婆嘴、睜大對眼、勁深法令紋，唔系有個account ID都真系認佢唔到，配合佢嘅兇悍表情，再有埋角色自畫像做對比得嚟，吖，又真系好似喎衰鬼！另一張相又見到佢大玩Hip hop造型，做曬「Yo yo check this out」手勢，又戴晒黑超咁，睇嚟呢個美國學藝之旅，真係為法拉嘅人生打開另一頁！

繼續避談麥秋成　蔡思貝拖胡楓落水

藝人蔡思貝現身電視城，受訪時講到與麥秋成疑似分手一事，她表現態度輕鬆，繼續以「向來不講感情事」來招架，思貝說：「我不嬲都話感情事唔多提，希望大家foucs番我工作。（感情有變？）我啲感情擺喺拍劇度，今次個角色有新嘗試，戴假牙、有疤痕，令我完全做另一個人，好有滿足感。（二人關係如何？）身邊不嬲都好多好多朋友，麥秋成系其中一個。（有朋友話你哋少見？）拍劇時連爸爸、媽媽都少見！（對方喺ig上寫浪費時間喎？）你哋諗多咗，我都會無端端寫啲感性嘢！佢ig寫感情事，可能睇咗書或戲有感而發呢......唔知啦！（會了解？）其實冇乜特別了解，唔系咩大件事。」

鄧麗欣畀導演冷落：佢凈系同麥明詩傾偈