萬千星輝頒獎典禮2016，誰才是你心目中的視後視帝？

《萬千星輝頒獎典禮2016》舉行在即，近日熱播的台慶劇陸續爆出視帝郭晉安、女配龔嘉欣等人選，令獎項競爭更為激烈！ 昨晚舉行的「TVB職藝員聯歡晚宴2016」集合近二千名全台職藝員及高層，候選大熱包括黎耀祥、王浩信、陳展鵬、曹永廉、龔嘉欣等均有現身，向一眾台前幕後埋身拉票。

有份入圍「最佳男主角」等四項提名的王浩信，與太太陳自瑤（Yoyo）齊齊現身「TVB職藝員聯歡晚宴2016」，二人互相支持，冧爆全場，浩信表示「最佳女配角」已投太太，Yoyo則笑說：「我仲未投票喎，梗系投老公啦！（有咩計幫佢拉票？）各位朋友如果想投我嘅，唔該轉曬去投我老公啦！佢喺《EU超時任務》真系做得好好，佢喺我心目中已經拎咗視帝！」浩信聞言即笑說：「照你咁講，我都當自己拎咗視帝！」

講到入圍「最佳男主角」，問是否視陳展鵬為勁敵？浩信笑言：「佢（陳自瑤）成日睇展鵬啲劇睇到眼甘甘！（有信心奪獎？）劇集歌曲獎好大機會系展鵬同胡定欣喎！之前已經橫掃星馬，佢哋合唱嗰陣啲眼神同火花簡直殺死人！不過我都要呼籲下，叫朋友投我一票，自己最想拎嘅系劇集搭檔獎，因為我同朱千雪系套劇度真系好合拍。」

黎耀祥與好兄弟曹永廉分別憑《公公出宮》獲提名「最佳男主角」及「最佳男配角」，他倆組「兄弟檔」上台谷票。有望衝擊四屆視帝的祥仔，表示一班兄弟會落力為男配大熱曹永廉谷票，反觀自己角遂獎項的信心卻是「一半半」，又指睇好郭晉安拎獎：「安仔啦！呢啲災難劇，展鵬就動作劇，我哋《公公出宮》梗系要支持啦！」阿廉聞言獲兄弟全力支持，大表開心，祥仔即笑謂：「都廿幾年啦！」阿廉互寸說：「你年年都唔撐我，你套劇有份咪撐我蘿！」問阿廉有何方法拉票？祥仔搶答說：「除衫嘍！」說到男、女配角會投誰時，阿廉指女配角會投拍檔林夏薇，而男配角則會投給自己，因為怕不夠票。祥仔又寸阿廉講定得獎感言：「你依家好講定呀，到時唔知有冇機會講！」

已連奪馬來西亞及新加坡兩個視帝獎項的陳展鵬，大有機會再奪無綫台慶視帝成就「大滿貫」！展鵬收工才趕至，表示個人比較低調，對於奪視帝信心，他說：「系比往年開心，但平常心，做好自己，攞唔到咪再努力嘍！（視帝投自己？）我會投黎耀祥，因為一年拍幾套劇，要拍出嚟有唔同都唔容易。（視後投定欣？）系呀！好朋友、情意結，今年都應該系佢?喇！我心目中都系揀佢，睇下佢識唔識做，會唔會請食飯啦！

我上年已經開始投佢。

在台慶劇《幕後玩家》中爆喊成為女配大熱的龔嘉欣，以短裙現身拉票，獲不少職藝員集郵，人氣力壓同為女配大熱的勁敵王君馨，她表示與王君馨已約好互投，同時嘉欣亦會向高層埋手箍票： 「今晚最齊人，就今晚開始啦！我有信心嘅，依家感覺狀態幾好。」她還積極準備戰衣，會以泳衣內襯薄紗，騷腿迎戰王君馨！

角逐台慶頒獎典禮的「最佳女配角」王君馨，與角逐同一獎項的龔嘉欣同於無綫盤菜宴上，但表現明顯不似龔嘉欣積極，她則較低調，當問到可會趁結婚前作最後衝刺和努力為攞獎拉票？君馨表示：「冇特別呀！一年一度盤菜宴，有同事搵我影相已經好開心，大家食番餐啦！其實獎項方面，自己控制唔到，攞獎都要靠天時、地利、人和，既然控制唔到就唔諗咁多，無論有冇獎，我做咩角色都好努力！（結婚前有獎會覺得更完美？）唔會，我態度都系一樣。（嘉欣好積極拉票喎？）都替佢開心，大家有份提名都有份量。（唔努力拉票？）呢啲系人的做法，自己唔會擔心，「花曼」（《城寨英雄》角色）都多人支持！」

至於有關岑麗香溫哥華結婚，問君馨可會出席？當提到姊妹出嫁即感動嗚咽說：「撞曬期！同香香講我可以唔出席頒獎禮而去佢婚禮，香香同我講，今年我好大機會，一定要我出席，仲話如果我攞獎，就系佢最好嘅結婚禮物！我咪等香香返嚟，請佢食飯啦，都要計劃下遲啲佢幫我做姊妹啲嘢！」

昨晚，視後大熱之選的胡定欣也出席TVB於電視廣播城舉行的《TVB職藝員聯歡晚宴2016》，問她會甚樣向現場同事拉票時，她笑言年年都會上台拉票，不過近排日日開工，私底下都未有時間拉票，問是否好有信心都不用拉票，她說：「系有信心嘅，平時見到啲同事都話好支持《城寨英雄》，相信經過兩個頒獎禮，觀眾都應該有佢哋嘅心水。」問視後一票她會投給邊位勁敵時，定欣說：「又唔好話系勁敵，個個都好好，田蕊妮、萬綺雯、朱千雪個個都好好。」

之前於馬來西亞奪視後獎時，表示如攞埋無綫視後獎項大滿貫時，就會跟陳展鵬來個世紀之吻，她笑言：「乜我有講過咩！（諗住走數？）唔系！我唔知喎！到時大家咪知蘿！投票啦！投多啲票啦！」至於男、女配角，定欣指競爭好激烈，至於視帝方面，定欣坦言會投展鵬說：「視帝得一個?啫！唔投佢都唔知投邊個，佢系我心目中嘅視帝，都希望拳佬、刁蘭可以一齊攞獎啦！」

2016，Who is the King&Queen？

?轉載授權微信：lama129

? 商務QQ：1900556960

?投稿郵箱：tghkchannel@163.com