同期黃宗澤林峰做型男，而走出「雪櫃」的他卻變炮灰，又陪跑視帝！

6歲無綫前綠葉王、彭家麗細佬彭冠中，由改名為彭比得、彭國梁到彭皓鋒，終於俾佢博到，喺美國「US Hollywood International Film Festival」仲拎咗個「最佳男配角」獎。彭皓鋒話，喺TVB呢16年，好彩拍得夠多，所以依家大陸少少地方嘅人都認得佢。他參演過TVB90%的電視劇，失意離開大台後竟在美國拎咗個最佳男配角！

可是，喺無綫17年嘅馬國明呢？42歲，圈中著名鑽石黃老五，一擲二千萬擲買太古城特色戶。與之同期嘅林峰、吳卓羲、陳鍵鋒、黃宗澤同黎諾懿，走的只剩佢同黎諾懿。

之前馬國明因為遲遲未動筆同無綫續約，慘被打入雪櫃，依家即使續咗約，工作雖然排得密麻麻，好似啱啱拍完部《降魔的》，即刻去咗新加坡登台搵錢，明年仲有部《深宮計》。默默耕耘認真工作，但好多嘢都唔系佢控制。

其實依家播出嘅劇集《流氓皇帝》早於兩年前已經拍好，但因為當時馬明同TVB未傾好續約嘅事，導致《流氓皇帝》劇被抽起。本身大台高層講明會力捧馬明，不過因為未傾掂續約，所以第一次被抽起。後來，到高層點頭say Yes，仲安排拍劇集宣傳片，點知臨門一腳撻Q，大台轉捧王浩信，將該檔期改播Signal Wong處男擔正嘅《樓奴》。有指系因為高層都系覺得馬明「唔乖」，所以連宣傳片拍攝都取消埋。

到依家馬明乖乖同大台續約，之前被hold起放入倉底嘅劇集，終於可以重見天日，不過都系淪為「炮灰」，cut淨16集(另一說法系17集)。而且今晚就系萬千星輝頒獎禮啦，得番3日時間，又邊谷得起喎。

劇集可以重見天日，本身系一件開心事，不過網民對《流》劇好多負皮，戳馬明唔抵，網民覺得：「都系舊版好睇啲」，「要馬明做小丑」，「我都留意到馬明做親都系戇X仔，俾啲好角色佢啦」。

今年馬國明只系憑《為食神探》，同陳展鵬、黃宗澤、廖啟智、王浩信爭視帝，有報道話佢「又陪跑」，仲有報道稱其劇集專攝「炮灰檔」，

佢有份擔正嘅劇集全部喺「炮灰期」播出

《為食神探》

今年8月播出嘅《為食神探》點解會喺炮灰？因為唔好睇嘍。個Cast有香香公主、翠如BB，黃心穎同馬明都搞唔掂。同埋網民都戳馬明慘，大家都「唔忍心」睇佢繼續做諧星。

《鐵馬尋橋》

2010年播出嘅《鐵馬尋橋》，大家最記得都應該系鄭嘉穎唱「人在遠方，蟬沒有和唱」，同埋嗰一下「啊！」又何曾諗起馬明呢？雖然系金牌監製李添勝嘅作品，不過就被安排於喺復活節檔期（3月17日－4月18日）播出，撞正長假期，唔做炮灰就奇啦。李添勝受訪時都認過套劇做咗炮灰，佢仲好嬲豬添！

《女拳》

2011年3月播嘅劇集《女拳》，更系「2010無綫節目巡禮劇集」之一，當中馬國明做游三水一角。原本佢就好崇拜黃飛鴻，不過後尾就做唔到佢徒弟，之後踏上「成魔之路」添！大結局入面，馬明更被梁嘉琪持刀狂捅，真系相當重口味。有指本身3月嘅檔期系播《天與地》，不過後來改播《女拳》，結果都系成績麻麻。

順帶一提，與其話佢系「陪跑王」、「炮灰王」，不如話馬國明系客串王。因為佢份人易話為冇咩所謂，監製拍膊頭搵佢幫手嗰陣，佢都即時答應，所以成日見佢客串「亂入」，nice到冇朋友。同樣，派到咩角色俾佢，佢都唔會say no……

之前馬國明接受訪問時都話，對於爭視帝，佢好隨緣，呢兩年都系。上年《梟雄》馬國明系客串，今年套《為食神探》……浪費左成班演員。馬國明話:「我啲劇都唔系啲攞獎嘅戲，系大家笑完就算嘅戲。大家心照。」咁對爭視帝有冇信心？佢接受傳媒訪問時就好坦白:「獎我不嬲好隨緣，我愛獎金多啲。」

由《回到三國》到《為食神探》到《流氓皇帝》，馬國明戲路都系搞笑，有網民不忍佢要「扮後生」、「做戇X仔」、「小丑」，其實佢對演喜劇冇乜信心，但作為演員，佢覺得應該咩都磨練下，「

唔可以話避咗唔拍，演員應該咩都要識演，總之信心就練到有信心嘍

馬國明貴為大台小生，有樣又有觀眾緣，但系唔知點解大部份佢拍嘅劇都變為「炮灰」，原因咪就系因為佢黑仔蘿。

雖然這次《流》劇做咗炮灰，不過馬明都唔使灰心嘅，喺雪櫃行番出嚟又系一條好漢啦！啱唔啱先？有曝光總好過冇曝光嘛，加上《流》劇播完後，馬明會有新劇《降魔的》接住播，觀眾又可以Keep住見佢個靚仔樣喇！

?轉載授權微信：lama129

? 商務QQ：1900556960

?投稿郵箱：tghkchannel@163.com