大劉新婚後首次出巡甘比笑曬口 80歲謝賢否認再做老竇

娛樂 12-18

新歌推薦

瘋人不癲

= 張美儀 =

今日快報

咩玩法？新婚大劉著睡衣「夢遊」出巡

華人置業前主席劉鑾雄（大劉）早前自揭家醜後，現年65歲的他剛在日前再婚，雖然之前高調宣揚婚事，但最終跟女友甘比匿埋大宅簽字結婚，新郎大劉在婚後首次露面，於昨日下午四時零五分，帶住新娘子甘比乘坐車牌「11」的房車由高士美道大宅駛出，最嚇人的是大劉在日光日白竟然身穿藍白色直條的睡衣與睡褲，他更手持拐杖，「夢遊」出巡！直駛旗下位於尖沙咀的商場，當甘比見到記者上前拍照時，她即拉上窗帘，兩人未有下車，座駕再轉到銅鑼灣另一商場，游勻港九，之後再往深水灣一未完工的住宅視察，「夢遊」個半小時便返回大宅。

吳業坤後悔紅館表演差　想改善唱功

歌手吳業坤（坤坤）接受電台訪問，回顧今年的工作表現，他覺得自己超額完成：「好似上紅館咁，真系奇蹟嚟，但系時候要restart喇，好似打機咁，總會有game over嘅時候，我覺得自己用曬啲嘢喇，系時候再儲番啲嘢。」

吳業坤又坦言後悔在紅館開騷時，沒有好好享受這個舞台：「覺得有啲對唔住自己，當時冇好好享受，因為一直記住啲step，提醒自己唔好出錯。」問到他覺得自己可進步的地方？坤坤認為是其歌藝：「我覺得自己嘅唱法冇咩突破，所以要搵嚇老師上堂，有時唔可以太故步自封。（歌曲上？）我哋傾好下年要做多啲多元化嘅歌，唔好諗市場住。紅館騷有一萬二千人支持我，有佢哋喺度，我做歌都應該至少有一萬二千人聽，我唔需要一定要有幾百萬點擊。」

強勢小插入

昨日系天王黎明（Leon）50歲嘅生日，生日快樂呀，Leon！ Leon入行超過三十年，咁多年嚟真系大娛樂家，畀咗好多花生我哋食，仲有「明福俠」、「金句王」嘅稱號，真系一有佢出現嘅地方，個個都會捧場同支持呀！其實Leon有幾經典，真系就算空肚唔食早餐都數到啦！Leon至少有10樣不可不知嘅威水史！1.永遠嘅男神 2.廣告天王 3.金句王 4.「神級公關」5.索女多籮籮 6.好好先生 7.情有獨「J」 8.泳褲系底線 9.明福俠 10.跳舞

80歲謝賢否認再做老竇：系嘅就正！

藝人謝賢日前於內地網路被瘋傳指他將以八十歲高齡再次成為人父，因其31歲女友CoCo被傳有喜。一眾網民見狀搞笑狂贊謝賢老當益壯，至於當事人謝賢接受電話訪問時作出否認：「梗系唔系真啦，系嘅我都恭喜我自己。幫我多謝內地傳媒咁關心我，我一啲都冇嬲，因為呢啲（新聞）控制唔到。」

然而向來風趣的謝賢，曾於朋友間笑言自己因育有型男謝霆鋒為兒子，故被外界認定擁有優良的DNA。他笑稱曾有不少異性向自己表示想與他生B，因與他結合而誕下的仔女定必「優質」，足見謝賢對乖仔霆鋒可謂相當自豪！

【沒有最丑只有更丑】法拉教人化藝妓妝？

藝人陳法拉近年喺紐約醉心修讀戲劇，仲不時喺網上分享校園生活，等一班粉絲唔使心掛掛。唔知系咪去到外國人都輕鬆啲，法拉呢排密密曬丑相，完全唔顧自己嘅女神形象，曬開有鋪癮嘅佢今日又再嚟啦！

法拉喺Instagram上載化妝短片，一開頭畀個又pure又無暇嘅素顏樣大家睇，連素顏都咁靚，認真「屈機」！點知佢愈化愈奇怪，化上粗眉加「藝妓嘴」，之後仲畫埋皺紋扮老，唔少網友都畀佢呢個妝容嚇親，但都有人話眨眼睇有幾分似伍詠薇，唔知大家又覺得似唔似呢？

古巨基爆老婆有「點燈」：大大力咁點！

歌手古巨基為「浪琴錶香港國際賽事」擔任表演嘉賓，近期飛來飛去工作的基仔表示聖誕會在紐約舉行巡迴演唱，倒數則在上海，他說：「呢幾日喺香港會同屋企人做冬。其實我間中都喺香港，有返嚟錄音，剛剛錄完新碟系同哥哥（張國榮）致敬，入面都系翻唱哥哥嘅歌，只有一首新歌系送畀哥哥。今年系佢60大壽，本來想今年出，但製作上延遲咗，會二月推出。今次只碟扣除開支會捐畀哥哥嘅歌迷會。」提到頒獎禮，基仔坦言很久沒有參與，問他是否搵錢至上？他說：「唔系，我都有留意叱吒五強架！」

至於造人大計，基仔稱一直有計劃：「我都想快啲成功，有實行緊，雖然要周圍飛，但老婆都一齊飛，雖然唔知made in邊度，但唔緊要，made咗就得。（佢有點你燈？）有呀，大大力咁點，點到著火。（生仔系2017年最大目標？）都系嗰句『有計劃』，順其自然，儘力做，之後就交畀個天，話系目標就太大壓力，呢樣嘢唔可以有壓力。（鍾意仔定女？）仔女都可以，如果女就多個上世情人，仔就多個buddy，有就得，照殺。」

後台回復「

劇集預告或0

」，可查看

《致命復活》

第二十二集和

《流氓皇帝》

第一集

哦！