TVB萬千星輝陳展鵬胡定欣齊封帝後，《城寨英雄》成年度最佳劇集！

《萬千星輝頒獎典禮2016》昨晚如期舉行，

今年

視帝寶座

，最終由賽前大熱《城寨英雄》飾演「拳佬」的陳展鵬奪得！展鵬憑劇集先後奪得馬來西亞及新加坡視帝寶座，而昨天又在TVB台慶頒獎禮中再奪視帝，完成大滿貫！另外，

視後寶座

則由《城寨英雄》胡定欣奪得！

陳展鵬擊敗勁敵郭晉安，他得奬後獲眾兄弟送上祝福，又與出爐視後兼緋聞女友胡定欣擁抱，他說：「今年系我入行第21年，呢個奬系曾經畀過機會我嘅人，我會永遠記住你哋。多謝監製、編劇，多謝創造拳佬呢個角色，同埋要多謝所有工作人員。要多謝我嘅父母，佢哋每年頒奬禮都問我攞飛，但我希望系同你哋一齊分享喜悅，仲要多謝觀眾一直對我嘅支持。」

胡定欣非常淡定，佢話：「一年時間過得好快，上年冇諗過會拎呢個獎，好似做咗一場夢咁，今年再拎呢個獎，真系好多謝投我票嘅每一位！」之後佢多謝《城寨》嘅每一位，佢先多謝牙佬、花曼，到最後先多謝拳佬，佢話：「祝你今晚成功！」最後佢多謝到場嘅爸爸、媽媽同細佬。

袁偉豪憑藉《城寨英雄》中的

牙佬

在《萬千星輝頒獎典禮2016》中奪得

最受歡迎電視男角色

。他除了感謝公司高層及觀眾之餘，更特意感謝不久前分手的女友岑杏賢，更愈講愈激烈，眼淚幾乎奪眶而出：「近呢三年有個朋友喺後面支持我，多謝你Jennifer！」他不但因工作時間長、忽略女方而向女方致歉，亦指自己因同樣理由對父母感到抱歉。

女配角大熱之一王君馨憑《城寨英雄》「花曼」一角奪得「

最受歡迎電視女角色

」。

王君馨獲悉得獎時激動眼紅紅，一度硬咽表示：「多謝珍姐（曾勵珍）、Sandy（余詠珊），多謝你哋話我適合做演員，因為我原本初入行時系諗住做歌手……多謝監製Lam、Jazz，今次拍住Jazz，我知道佢嘅要求好高，但好多謝佢畀『花曼』呢個角色我。」

《萬千星輝頒獎典禮2016》「

最受歡迎劇集歌曲

」獎也由陳展鵬、胡定欣合唱的《從未知道你最好》擊敗胡鴻鈞《記住忘記我》以及何雁詩《愛需要勇氣》之後獲得，

這是繼新加坡後再次奪得歌曲獎項

。

胡定欣和陳展鵬兩人，坦言未有想過會奪得歌曲獎，定欣更表示：「我哋都好鍾意呢首歌，多謝Herman（何哲圖）搵我地唱呢首歌。我哋喺度想再呼籲，我哋身邊有位朋友仔，佢一直好鍾意唱呢首歌，不過佢依家昏迷緊，希望大家可以幫佢打氣，等佢快啲醒番，我哋可以再唱呢首歌畀佢聽。」

毫無疑問，TVB台慶頒獎禮「

最佳劇集

」也由《城寨英雄》一劇奪得，一眾《城寨英雄》的台前幕後工作人員齊齊上台接受祝賀。

此劇演員陳展鵬、胡定欣、袁偉豪及王君馨分別獲得視帝、視後及最受歡迎電視男、女角色獎項

，

「最受歡迎劇集歌曲」獎亦由此劇的主題曲的《從未知道你最好》奪得

，成績斐然。監製文偉鴻上台時坦言等了廿年，才拍到最心愛的功夫題材，證明夢想是要堅持。

最佳女配角

則由入行8年的龔嘉欣憑《幕後玩家》「爆喊大婆」一角奪得！她2013年和2015年分別提名過「最佳女配角」，不過都與女配失之交臂，這次可謂得償所願！

嘉欣未上台先爆喊，真系感動到不得！佢一上台就話：「呢個獎真系好難攞！多謝公司畀呢個獎我，多謝阿Joe（《幕後玩家》監製陳維冠）咁信我，畀「程思汝」呢個角色我做！」之後佢又多謝埋爺爺麻麻：「你哋今晚提前做冬我都食唔到，你哋永遠系我最大後盾！」

最佳男配角

最終由曹永廉奪得，早前他在《星和無綫電視大獎2016》中奪得「我最愛TVB男配角」，他當時說：「我入行廿三年，呢個獎證明我冇轉錯行！」一番感言，感動了不少人！這次，

台上領獎時，他說：「感激TVB養大我，投我票嘅人，亦都好多謝曾勵珍！我有好多缺點，到依家都改好，好感激畀我演細雞呢個角色。」最後他都不忘多謝家人、老婆和外父的支持。

曹永廉攞獎，唔少網民話點解唔系「高天鷲」吳岱融攞，仲話公公竟然鍊贏鷲哥，完全接受唔到咁話喎！不過都有好多網民都話，曹永廉其實都做得好好，仲話今年唔攞等幾時之餘，同時仲大讚吳岱融雖然冇獎攞，但都好有風度咁恭喜曹永廉！

張頴康早於《TVB馬來西亞星光薈萃頒獎典禮2016》奪得飛躍進步男藝人獎，這次他回到主場，在《萬千星輝頒獎典禮2016》擊敗吳業坤、張彥博等大熱奪得

飛躍進步男藝員

獎項，可謂吐氣揚眉，恭喜恭喜！

張頴康在介紹入圍名單時已獲得台下全場掌聲，激動得面紅紅的他在台上表示：「我講咗拎到獎系唔會喊嘅，TVB有好多有實力嘅演員，我拎到獎，唔代表我好戲，只不過系我比佢哋幸運少少。我要多謝老婆（麥雅緻）支持我實現演員夢，如果冇你陪我系唔會成事，我愛你，我會做個好演員同照顧家庭。」

2016萬千星輝頒獎禮

飛躍進步女藝員

獎

由

李佳芯獲得

，她在台後接受訪問直言好開心，因為事前沒想過獲獎，她謂：「因為之前喺新加坡攞左飛躍獎，所以香港冇諗，當聽到叫自己名嘅時候，好激動！（一向同獎無緣？）系，由細到大都冇乜參加過比賽。（喺台上面想喊喎？）系呀，再講就喊，喺台上好多謝珍姐（曾勵玲）同樂小姐（樂易玲），再講落去會控制唔到！」

無綫台慶頒奬禮今年頒發三位「

專業演員大獎

」，三位得獎者包括古明華、吳家樂及秦煌。古明華領奬時謂：「我好想攞獎，冇諗過系一個咁Powerful嘅獎，好多謝公司畀機會我，可以感受自己生命，多謝公司畀個平台我，多謝觀眾繼續睇我，繼續睇TVB，多謝我老婆同屋企人。」

吳家樂坦言：「冇諗過有機會攞獎，好多人想多謝，在心中，好多謝父母、老婆。」家樂仔又指老婆經常話：「好在你唔系好紅，多時間陪我的！老婆我愛你。」說時家樂忍不住喊，多謝老婆鼓勵他。

最後一位是於無綫38年的秦煌，坦言返無綫如返鄉下咁，笑言因為屋企冇咁多人，更指自己會繼續努力。

今年《萬千星輝頒獎典禮2016》新增

最受歡迎劇集搭檔

獎

，這個獎就由《EU超時任務》王浩信和朱千雪獲得。

85歲資深藝員周聰於《萬千星輝頒獎典禮2016》中獲頒「

萬千光輝演藝大獎

」獎項，周聰上台時獲得全場掌聲，而頒獎嘉賓亦是前輩級的胡楓及曾江。周聰獲頒獎時，他謂：「有啲人問我退休未，我都想表白一下，我仲未想退休，因為我有一個夢想，我入咗嚟TVB，同TVB台前幕後一同落力工作，日已繼夜、冇怨冇恨嘅同事一齊打拚，為咗全世界觀眾……」周聰講話時很出力、肉緊，多年於TVB努力工作，大家都相當敬重。

今年，這樣的結果你滿意咩？

?轉載授權微信：lama129

? 商務QQ：1900556960

?投稿郵箱：tghkchannel@163.com

請您繼續閱讀更多來自 HKChannel 的精彩文章: