羅仲謙拍戲博到盡楊怡冧爆送鼓勵劉佩玥唔認伍允龍系男友

娛樂 12-25

今日快報

羅仲謙拍戲博到盡　楊怡冧爆送鼓勵

藝人羅仲謙與楊怡呢對夫妻人前人後都咁恩愛，婚後羅仲謙仲積極搵錢養起小老婆，真系sweet爆。早前，佢就拍咗一部網劇，其中一場戲都好危險架，講佢雙手被反綁仲被人用手按住個頭浸入水入面，其間佢不停反抗但唔成功，足足被浸咗近十秒都冇氣抖，上返水面時見佢都表現得好辛苦，真系陰公豬。

羅仲謙喺社交網上載片段，仲留言：「我原只想把這段片發給太太欣賞，卻收到她給我這樣的回復『老公，其實我不用吃得好、住得好，所以你不用那麼拚命的』，令我感到非常感動。但我卻想，就因為妳這句說話，我會更拚命，讓妳吃得好、住得好。」擺明放閃的羅仲謙，再獲太太楊怡轉載留言「拍得這麼辛苦，你拍的都支持。」

【B仔正面曝光】陳自瑤贊敏之囝囝靚

37歲「索腿天后」陳敏之2014年成為人妻，（12月21日）喺一家團圓嘅冬至，大肚敏之喺社交網傳來喜訊，話佢剖腹誕下7磅幾嘅B仔，B仔趕及冬至同爸爸媽媽團圓，認真可賀可賀！

昨日圈中好友陳自瑤上載一張到醫院探敏之同BB嘅相，留言祝福：「恭喜豬仔生左（咗）個靚B仔！希望靚B仔健康快樂，高大威猛，英俊瀟洒！」相中敏之面色紅潤，相當精神，而B仔畀敏之抱住懷中，好安心咁甜睡。另外，DJ阮小儀都有去探敏之，還留言大讚B仔可愛。

何傲兒過單身聖誕：未系時候拍拖

藝人何傲兒出席聖誕派對，她表示今年會好好享受度過單身聖誕，她透露會跟男、女性朋友慶祝，並稱現階段是事業衝刺期，但她亦坦言恨拍拖：「拍拖點會話唔想，冬天都想有個人攬下，但未遇到一個人，唔緊要啦。」她指有多位朋友相約自己，但她都推卻了。問到是否未合眼緣？她說：「未系時候，我相信我有鍾意嘅人都想得到大家祝福，我都想有日同大家講我拍拖，等大家替我開心，但呢刻未有。」又謂將有推出歌曲、與許冠傑到其他地方走埠演出的工作，而除夕夜她會在內地做商場倒數活動。

身邊多仔圍！劉佩玥唔認伍允龍系男友

藝人劉佩玥（Moon）、樂瞳、王敏奕、阮兒、李君妍、李豪和無線監製潘嘉德等出席孫慧雪的婚宴。其中Moon雖然曬腿上陣，但件大褸就冚到實一實，問她是否不想搶新娘鏡？她即笑謂：「今日新娘最靚啦，就算大美人李嘉欣嚟到都搶唔到佢鏡！（你唔早啲嚟搶花球？）我有嘢做，唔知佢哋今晚會唔會拋多次？（拋多次會出力搶？）我會參與啰！其實我以前都搶過，但系一次都冇成功過。」

問Moon會否急結婚？她即答謂：「我唔急結婚喎，未有男友點Plan結婚？（伍允龍唔系你男友？）唔系呀。（伍允龍爭啲咩？）唔知，我哋系好朋友，我未遇到未來嘅老公。（有冇人追？）我有好多男仔朋友喺身邊啰，但系就未有計劃變成男朋友。（全部都系觀音兵？）我信耶穌嘅，唔收觀音兵！」至於問到聖誕節有否男士相約過節？她即慘叫道：「冇呀，好慘，過咗幾年Lonely Christmas！其實都開心嘅，因為可以同屋企人一齊過。」

經歷高山低谷　林欣彤髮長文多謝祖藍

歌手林欣彤（Mag）自2010年參加無線的《超級巨聲2》後一炮而紅，簽約唱片公司後推出唱片，於2011年度橫掃各大頒獎禮的新人獎，可惜好景不常，2012年Mag聲帶出現了問題連帶情緒都受到影響，令事業停滯不前，經歷她人生最低谷。而現在簽約給王祖藍的Mag從新出發，近日突然之間有感而發，在ig發表長文點名多謝王祖藍，內容如下：