「獨立霸氣」鄧萃雯恨做撒嬌女人蔡思貝醉後又笑又喊

娛樂 12-28

新歌推薦

記恨你一個

= 羅嘉豪 =

今日快報

蔡思貝醉後又笑又喊　仲識三語廣播！

藝人蔡思貝與王浩信日前為無線新劇《踩過界》拍攝外景，劇情講述二人在酒吧遇上醉酒鬧事，思貝於爭執間不慎受傷，飾演大狀的浩信「出口術」說服醉漢。問思貝有否遇過人醉酒鬧事？曾在外地生活的她直指很平常。她笑言：「我唔飲酒?，喺紐西蘭、德國讀書有呢種風氣，但離開德國前就戒咗。因為我飲一啖就面紅，加上我本身『天然興奮』，唔需要酒精。（醉後有咩反應？）會亂講嘢，中文、英文、德文三樣撈埋講，會又喊又笑，不過就未試過斷片。」被指與男友麥秋成分手的思貝要工作中過聖誕，問到感受會否特別深？她說：「平常聖誕唔會特別慶祝。」

同場的浩信笑言未試過捲入醉酒鬧事，他透露家人是新疆人，節日會飲烈酒慶祝，不過今年聖誕忙拍劇，新年希望放假幾天陪家人。提到網友力撐他成為視帝，浩信說：「今年系好多收穫嘅一年，套劇喺年中出，去到年尾都有人投票同談論，對成個團隊系鼓勵。」

舊拍檔梁小冰突襲捧場　小豬嚇到大叫

台灣歌手羅志祥（小豬）在亞博舉行演唱會，最後一場獲梁小冰現身捧場，兩人於2000年在演出台灣電視劇《少年梁祝》而結緣。

演唱會其中一個環節是以台上的巨型LED大熒幕與台下歌迷影「合照」，期間大熒幕的鏡頭就剛拍到台下觀眾席的梁小冰，小豬見狀亦一臉驚訝大呼：「Oh My God！我的梁山伯與祝英台呀，那時我才18歲，那麼多年了，嘩！你還一樣年青，一樣漂亮！」小豬更教小冰要「向前一點」才可以和他的人頭「合照」，搞到小冰笑得很開心，又做V字手勢，又雙手托面，好冧。小豬回憶當年拍該劇即謂：「是我首次演古裝，當時才18歲，但拍得我很老！那時小冰已很好演技，導演又惡，我有不對就直接罵，好大壓力，因為這部戲之後不敢再演古裝片，對白很難背。很感謝小冰今晚來為我加油。」

而演唱會完結後，小冰入到後台，同小豬狂玩自拍，佢凌晨5點几上載多張與小豬的合照，而且張張都唔同表情，認真犀利！小冰喺微博留言笑小豬似大細路：「小豬小冰，山伯英台，十七年後再合體，你還是那麼愛鬧嗎？怎麼都沒有長大？」

強勢小插入

聖誕佳節梗系同成班人開派對，而開派對除咗食物好重要之外，其實打扮得都好緊要架！尋晚關之琳同成班朋友開聖誕派對，心情大靚嘅佢仲上載同朋友開派對嘅短片，期間關之琳被朋友捉住只手，大騷佢手上嘅巨鑽，關之琳太過忘形掛住騷鑽戒，點知誤變成舉中指，關之琳朋友就話：「睇唔睇到？看唔看到？」之後關之琳又再舉V騷多次，見佢哋兩個心情大靚笑得好開心，似乎過咗個好開心嘅聖誕節，唔少網友都話關之琳手上鑽戒真系好大好閃，仲話咁大粒鑽戒點會睇唔到呢？

準備「羅」字利是嗌老套　楊怡驚唔夠派

藝人楊怡昨日啟程到上海，演出舞台劇《我和春天有個約會》。她表示今次要出門一段頗長時間，除了母親挂念她外，連家中狗仔都唔捨得佢，之前收拾行李時都跳埋入篋。她表示老公羅仲謙正身在外地工作，聖誕亦有回港一同慶祝，但自己遺憾忘了向姨甥女送聖誕禮物，她說：「佢掛咗幾隻襪喺屋企，一起身發覺冇禮物，喊曬，我好內疚。我要買番畀佢。」

問到首年派利是會否準備「羅」字利是封，她笑言「咁老套？唔使啦。（仲用楊字咩？）咁羅字利是封一定有嘅，夠唔夠派就其次，都要準備。賀禮就返嚟香港先買。」對於上海亦受霧霾影響，楊怡亦表示有準備口罩前往，她說：「好似話都好犀利，我都怕空氣唔好會影響把聲，因為我好易喉嚨痛，都有帶定葯同啲保健嘢，否則我怕做唔到20場。不過都系出入會場同酒店，冇乜機會出街，唔系太擔心。」

張栢芝帶仔仔玩轉嘉年華

身為廿四孝母親的張栢芝又一家三口出動嘞！聖誕假期，好多家庭都一家大細出去玩，向來同兩個囝囝Lucas同Quintus糖黐豆嘅張栢芝，仲出動去嘉年華玩餐飽。栢芝出巡，當然引起唔少市民注目，仲紛紛上前集郵，而栢芝雖然要顧住湊仔，但系都有求必應，一叫即影，嘉年華變咗粉絲見面會咁！而藝人王嘉慧亦都有同栢芝集郵，喺instagram上載齊齊曬V嘅合照，留言話：「今日實在玩得太開心啦！」

獲贊古典美女！雯女恨做撒嬌女人

鄧萃雯早前為內地金牌主持人金星的東方衛視節目《金星秀》進行錄像，暢談事業及感情生活。透露自己仍是單身的雯女，對於被外界標籤為「獨立霸氣」有以下的看法：「自己本身是那種有主見及願意不斷嘗試、哪怕跌倒再爬起來也要不斷成長的堅韌個性，但其實自己也努力嘗試著改變。」揚言未做過撒嬌女人角色的雯女，更即席表演撒嬌真功夫，令到金星大開眼界，大讚雯女「古典美女」之餘，並化身紅娘力推節目男導演給雯女，場面搞笑。