岑麗香拖強強返港甜蜜曬婚戒 容祖兒處女踏台北小巨蛋

新歌推薦

因你的名

= SAGAS =

今日快報

【閃到盲】香香拖實強強返港甜蜜曬婚戒

無線花旦岑麗香喺香港時本月18日於溫哥華與男友強強（Joshua），拉埋天窗，升呢成為人妻。香香早上八時與強強一起返港，香香手上戴著由強強設計的巨型鑽戒閃到爆，兩人步出機場全程十指緊扣，香香又不時小鳥依人挨實老公，甜蜜到爆。期間發生一段小插曲，兩人步出時引起一陣混亂，有旅客的行李車不慎被撞跌，強強盡顯風度上前幫忙，身旁的香香亦「夫唱婦隨」在旁協助。

問香香今次留港多久？她說：「耐?，都要準備二月開劇，希望開工前去嚇旅行，二人世界先。」問到強強會逗留多久？他說：「幾個月。（嚟香港做嘢？）未諗到咁遠。」問到強強是否停工來港陪伴，香香說：「唔系，佢都有自己嘢做。」強強說：「呢度都可以開工嘅（會唔會喺香港定居？）會諗住喺度呀。」

已經在溫哥華結婚擺酒的香香，被問到會否在港補擺喜酒？她說：「仲諗緊，有啲屋企人冇過嚟溫哥華，所以會同屋企人食飯慶祝，但擺酒就未知。（會唔會請王君馨？）一定會請王君馨，見佢攞奬好感動，佢都好想過嚟，佢戥我哋開心，我哋都戥佢開心，互相恭喜所以一定要一齊食飯。」

【囡囡勁萌】張頴康一家三口玩轉嘉年華

捱足

16

年，今年張頴康憑電視劇《一屋老友記》大豐收，早前於《萬千星輝頒獎禮

2016

》更以大熱姿態奪得「飛躍進步男藝員」獎。捱足

16

年終於有出頭天，獲獎後的張頴康不時透露最想和同是藝員的太太麥雅緻添多一名小朋友，兩公婆帶同

2

歲多的女兒小豆往中環玩轉嘉年華，一家三口以親子冷帽裝繼續放閃。

可愛的小豆一身粉紅打扮萌到爆，甫入場便有粉絲上前邀父女兩人影相。睇見女兒大受歡迎，張頴康特別開心，一手抱起小豆和粉絲們拍照，一行人再去掟公仔凼小豆開心。小豆抱住戰利品再開心地玩機動遊戲，眼見女兒玩得開心，張頴康兩公婆一臉冧樣，不時化身攝影師，追住女兒影相。唔講唔知，其實麥雅緻數日前才上載一家三口玩嘉年華照片，看來他們相隔數天後又再入場玩多次！

陳凱琳殺入灣仔派Cake　街坊爭食畀爆分

無線花旦兼港姐冠軍出身的陳凱琳是新一集東網巨星全新節目《區區有女神》嘉賓，今集她空降兒時經常流連的灣仔區，親手炮製心形甜品與街坊分享。今次Grace不用「粉身碎骨」完成任務，但依然瞓身參與，投入度十足，期間笑料百出！ Grace先被安排在灣仔區一間甜品店炮製心形芝士蛋糕及Tiramisu，之後到利東街派街坊，女神出巡即被大批市民包圍，市民紛紛「搶食」，反應熱烈。親民的Grace先向男童埋手，但男童竟然唔識貨，將吃入口中的士多啤梨吐出，場面爆笑！

小小苦楚等於激勵，Grace繼續發動誠意，終獲市民一面倒贊好吃，由利東街轉戰庄士敦道再殺入修頓球場，引來民情洶湧。街坊要以十分為滿分給Grace 打分數，其Fans年齡層非常廣泛，有中年男遊客、師奶、少男、OL、小女孩，全部自動波埋身要跟Grace傾偈，一位小女生更拿出Grace的肖像卡索簽名，Grace再施冧功，跟對方合照又拍片， 並笑說：「你依家wallpaper系陳展鵬，之後要換我張相?！」

分數方面，全部市民最少畀

Grace

十分滿分，一眾男士更斗畀高分，有人畀

10.5

分、有

20

分、

100

分，最後一位男士更畀足

1,000

分，他笑說：「

100

分系畀你啲甜品，

900

分系畀

你嘅！」足見Grace魅力爆燈，任務絕對超額完成！

特別的禮物　吳若希買七千蚊葯畀男友

懷孕中的吳若希之前在Facebook留言不滿男友Alex發燒也不肯看醫生，最擔心男友的病菌會傳染給她，故揚言要「離家出走」，她寫道：「我要走就算你攞走我個passport我都走到嫁（?）啦，依家你搵到我，我話你叻。」

本來擔心會發生「家變」，但昨日吳若希又post咗擺滿一大堆葯及醫療用品的照片，自贊是一位體貼女友，說：「另一半感冒發燒，（他以為沒藥吃）我就特意買了很多感冒藥、退熱貼、口罩、維他命、血壓計、肛探體溫計、暖包給我另一半，希望他可以身體健康！」還補充：「啊！還有強腦素，希望他感冒後可以變得更聰明~~人家在屈x氏都買了七千塊了~雖然我聖誕沒有收到你的禮物，但祝你Happy belated boxing day my dearest, love u n miss you~。」再補充「PS,六種味道的漱口水是怕你生病沒力氣下床又想口氣清新特意買的，而且平時你抽完煙想跟我親親，就不用狂喝水!」

不過網民就留意到在一大批藥用品中，竟然發現到「肛探體溫計」，有網民問吳若希，男友Alex為何要肛探？吳若希留言回應謂：「這個是重點！一定要肛探喔！」網民再繼續問：「准啲咩？」她又答：「聽聞准啲?！」

馬國明嫌相睇過時：呢個年代興自由戀愛

藝人馬國明為歌手譚嘉儀出新碟而現身唱片店打氣，原來他與譚嘉儀是在拍劇時認識，更大讚對方有才華又勤力：「佢系好勤力嘅新人，胡鴻鈞都系，好有心去做，好多人話香港樂壇唔系好順利，有班咁有心嘅後生仔一定要支持！」

問如果譚嘉儀邀請合唱可會嘗試？馬明笑說：「只要佢唔介意我唱得唔好就冇辦法。」問農曆新年如何度過？他直言要出埠賺錢，同時亦要準備開拍《深宮計》。

另外，談到有報道指馬明媽媽安排做義工相睇，他笑言：「唔系啦，系娛樂新聞嚟啫。（媽咪催婚？）冇！呢個年代唔會啦，自由戀愛呀嘛。媽咪同自己都唔急。（介唔介意相睇？）如果朋友Party介紹都OK嘅。（鍾意咩類型女仔？）其實冇特別，撞啱就會知道。」

夢想成真！祖兒處女踏台北小巨蛋

「第12屆KKBOX風雲榜」將於明年1月21日在台北小巨蛋舉辦，大會公布第三波風雲榜重量級出席歌手，包括有天后容祖兒（Joey）及來自新加坡的亞洲創作天王林俊傑（JJ）。今次是Joey以表演嘉賓身份首次踏足台北小巨蛋舞台，而JJ再度榮獲「KKBOX的年度風雲歌手」獎項，已經是第五次獲得此獎項的JJ，每年都為風雲榜帶來新衝擊，他曾在開場、中場、壓軸都唱過，去年還化身成主持人，今年不知又會有何創舉？

Joey對於首次參加「KKBOX風雲榜」表示相當興奮，她於早前推出《一百個我》國語新歌加精選，主打歌《第一百個我》正好是好友JJ林俊傑為她度身打造的，相隔3年未發行國語碟的Joey，其新歌一上架就在大受歡迎，奪得新歌排行榜冠軍！

這次受邀擔任香港唯一表演嘉賓令Joey感到興奮，除了可以和JJ一同出席盛典，Joey期待用最高規格空降台北小巨蛋作表演，Joey說：「近期去台灣拍攝MV，常經過台北小巨蛋，心裡想喺小巨蛋開騷，冇諗過風雲榜好似『許願池』，畀我心想事成，好快就要登上心目中的舞台。」她又說：「好興奮！我一直都好想參加風雲榜，今年系我第一次出席，都系第一次喺小巨蛋表演！最近無論幾忙，都會抽時間出嚟揀歌、綵排同練習，希望可以儘快同大家見面！」

?轉載授權微信：lama129

? 商務QQ：1900556960

?投稿郵箱：tghkchannel@163.com