品味廣州「書院群」

文史 07-10

講起廣州「書院群」，一定要提到大馬站、小馬站、流水井三條古街。

哩一帶點解會「書院」雲集呢？首先哩度講嘅「書院」就唔系一般意義上嘅私塾或者學堂哩種正式教育機構嘅書院。而系維繫宗族感情，便於宗親參加科舉考試嘅建築。

品味廣州「書院群」

當時珠三角聚族而居嘅百姓，為求生存發展，好重視鞏固宗族關係，所以清朝初年已經好興起祠堂，但系哩個就踩到皇帝條尾，觸犯專制之忌，雍正皇帝於是下令禁止民間擅自興建祠堂。

但系，宗族維繫乃民間構築和諧社會嘅重要因素。正所謂「上有政策下有對策」，老百姓唔起「祠堂」起「書院」，其實換湯唔換藥。

於是廣州城中心就出現為應試宗族子弟提供居住、複習場地嘅「書院」，功能都系書院為輔，宗祠為主。

清代

廣州古城(越秀區)清代書院位置圖

清代中後期，以廣州府衙（今廣大路南段）為中心，興建左數百間哩類書院，大多系磚木結構，青磚砌成。布局一般系正祠居中，周邊建門樓，有精緻嘅木雕、磚雕做修飾，部分會有魁星閣同影壁。

大小馬站、流水井嘅書院群系當時嘅代表。清末廢除科舉之後，哩D書院逐漸成為民居。直至當代，唔少書院已經變得殘舊，部分拆除改建。

品味廣州「書院群」

上世紀末，社會對文物越來越重視，流水井嘅廬江書院、小馬站嘅曾氏書院（曾家祠）先後公布為廣州市文物保護單位。

曾氏書院佢嘅出名更系因為葉劍英曾經系度商議討伐陳炯明嘅大計。

品味廣州「書院群」

大家去北京路行街嘅時候

不妨去隔離嘅「書院群」感受下哩份歷史嘅沉澱。

請您繼續閱讀更多來自 最耀B 的精彩文章:

您可能感興趣