蜜運阿嬌對男友「王陽明」有贊冇彈：對我超好

Twins昨晚約九點半由長沙返抵香港，蜜運中的鍾欣潼（阿嬌）笑容滿面，面對記者連聲恭喜，她即報以甜笑，聽到記者喚她男友做「王陽明」，她即大發嬌嗔說：「哎吔，唔系王陽明！」

阿Sa在旁說：「唔好咁八卦！」阿嬌續說：「多謝大家關心，開心嘅，佢系一個體貼嘅男仔，（拍咗3個月拖？）冇，識咗3個月啫，（幾時正式開始？)我同佢都好忙，我日日拍戲拍到癲。」

對粉絲指她男友太靚仔，所以阿嬌擔心冇安全感，阿嬌說：「唔驚。」對自己還是對男友有信心？阿Sa又幫口說：「哎吔，睇嘢唔好睇表面！」

阿嬌即和應：「系呀！（男友對你好唔好？）超好！」問男友如何奪得她芳心？阿嬌想了一會說：「唔講咁多，希望大家畀多啲空間我哋，因為我好少公開戀情，亦唔識點樣公開戀情，唔識得點樣騷恩愛，所以依家好尷尬，（大家戥你哋開心？）我知，多謝，畀多啲時間、空間我哋。」

Twins跟麥玲玲同一班機返港，有傳阿嬌將自己跟男友的八字給麥玲玲算命，阿嬌即說：「嚇！講咩呀，我哋同一班機啫。」她有否畀麥玲玲算計嚇兩人八字？阿sa再幫口說：「我哋啱啱喺飛機度見到，邊有咁快呀！」阿嬌說：「系囉，尋日先啱啱出新聞，即刻傳成咁啦。」阿嬌並澄清她早前在機場沒有黑面。

?轉載授權微信：lama129

? 商務QQ：

443317765

喜歡這篇文章嗎？立刻分享出去讓更多人知道吧！