她光速分手複合，戲劇性地未婚生子？如今終於簽字結婚了！

恭喜曬！吳若希（Jinny）正式成為人妻喇！今年Jinny為澳門闊少男友何兆鴻(Alex Ho)誕下女兒Giselle後，多次透露年底會簽紙結婚，但一直未有婚期！

終於昨日佢哋宣布喜訊，簽紙儀式一切從簡，舉行嘅地點在星夢唱片公司嘅辦公室，在律師、Jinny嘅唱片公司老闆何哲圖(Herman)及雙方好友見證下正式成為合法夫婦，Jinny仲話希望大家可以祝福佢哋，仲請大家改口叫佢「何師奶」。

Jinny在其社交平台曬相報喜，仲留言話：「10月10日，好日，簽個字，請叫我何師奶～今日我倆一切從簡在唱片公司，在律師同老闆Herman及一些好友見証（證）下，與Alex正式結婚～希望大家可以祝福我倆，像結婚誓詞一樣愛護及包容大家，令這段婚姻得到真正的美滿～」好sweet！

簽完字之後，吳若希仲同老闆何哲圖喺big big channel做直播，又接受TVB娛樂新聞台訪問，Jinny說：「比我想像中無咁感動，因為大家都話會感動到讀唔到誓詞，但系我哋完全覺得自己浸淫喺歡樂當中，其實系幾搞笑同幾開心嘅。我哋無乜蝦碌嘢，因為簽字都只系個簡單過程，最蝦碌就系份誓詞寫得唔夠詳盡囉，例如婚後啲財產，錢邊個管呀，但系成個過程系開心嘅。點解要喺唱片公司度搞呢，除咗可以請埋我老闆（何哲圖）見證之外呢，呢個地方系我簽重要合約嘅地方，咁今次呢個都系我人生一個幾重要嘅合約，所以揀呢度。」

其實Jinny去年7月高調宣布跟澳門闊少何兆鴻 （Alex ）拍拖，2個半月後在社交平台宣布「分訊」，但其後又極速複合，隨後更公布快將成為媽媽，相當戲劇性。

11月時吳若希宣布陀有B女後，正式升格做媽咪喇！今年4月，Jinny經過十多個小時的陣痛，順產生B女，取英文名為Giselle(乳名淼淼)，坐月期間佢都專心湊女，之後偶爾回港工作，而喺淼淼出世100日，兩公婆大搞百日宴，邀請親友為B女慶祝。

Jinny產後勤力做運動及打拳修身，仲瘦過未生之前！早前佢正式復工，近日再入錄音室錄歌，相信大家好快聽到Jinny嘅新作喇！

喜歡這篇文章嗎？立刻分享出去讓更多人知道吧！