還有邊個同他唱？王祖藍繼續惡搞咖喱魚蛋

無綫台慶劇《老表，畢業喇！》演員郭晉安、王祖藍、林欣彤、鄭欣宜、蔣志光、韋綺姍等在中環碼頭請觀眾食咖哩魚蛋宣傳新劇。王祖藍除了以「蔡芯」造型示人，還即場唱劇中歌曲《越辣越愛》，十分搞笑。

冇吳若希冇惡搞

王祖藍近日在網上與吳若希（Jinny）隔空對唱《越難越愛VS越辣越愛》，甚受注目，他笑說：「好開心，好耐冇喺香港拍呢啲搞笑視頻，反應好好，依家已經有二百幾萬點擊率，好多謝吳若希，我哋錄嗰陣時系分開、隔空咁錄嘅，吳若希個反應做得好好，冇吳若希冇呢條片。（會唔會再有其他惡搞？）會有個咖喱魚蛋病毒系列嘅，會搵唔同嘅歌手，唱佢哋嘅歌對唱，咩歌手就先賣關子先。」

李亞男抑鬱已好

王祖藍近日受訪再講起結婚後隨即到橫店拍劇三個月，令太太有抑鬱症，他說：「好耐之前講過，嗰陣因為我、佢父母都唔系香港，佢有時會喺屋企喊，所以之後我都冇接咁長嘅工作。今次《老表》好似成日都見唔到我，就系因為要陪老婆啰，哈哈。（已經好番？）好番啰，但系有時都會多愁善感，之前都唔使睇醫生，系去接受輔導啫。」

王祖藍表示現在會多抽時間陪太太打羽毛球、跑步，希望有正常家庭生活，他笑說：「香港男人要引以為鑒，唔好凈系掛住做嘢。」王祖藍指暫時不會停工「造人」，因年尾會開拍自己製作的長劇，預算下年才開始「造人」大計。

註：文章來自《東網巨星｜on.cc東網》

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 港劇資訊 的精彩文章: