徐子珊否認同祖藍反面：冇咁嘅事金句+事業線雷庄兒繼續自信爆棚

娛樂 10-20

今日快報

JC安志傑夏威夷婚禮18萬埋單

安志傑和JC的婚禮選擇在位於夏威夷北部的度假村Turtle Bay Resort舉行，因上址為熱門的結婚勝地，最著名的是建有一個能飽覽海景、用玻璃建造的教堂，因臨近海洋更可見有海豚出沒。而度假村內有多達十個地點，可讓新人按心水選擇舉婚禮及婚宴的地點。

安志傑夫婦是次邀請過百名親友出席婚禮，選擇度假村內的Kuilima Point舉行，婚宴採用自助西式晚餐，場地租借、布置及食物酒水等，以酒店網頁資料顯示，以一百五十名賓客的結婚套餐來計算，加上是在當地時間星期日舉行要加百分之廿三的服務費，連稅共花費約美金23,000元（港幣約18萬元）。

生咗喇！張頴康麥雅緻喜獲仔仔改名小花生

藝人張頴康太太麥雅緻（Angie）剛剛公開了大肚寫真，呢頭講完今朝就生咗喇！本來10月31日預產期的麥雅緻，BB已經搶閘出世，張頴康同麥雅緻早前一路都唔肯講BB性別，今日終於揭盅系仔仔嚟?，湊夠「好」字，恭喜恭喜。

張頴康接受訪問時，開心地透露老婆開刀生產，並說：「仔嚟，七磅幾，同小豆出世時差唔多，心情當然系好興奮，但因為太太啱啱生，依家最緊要照顧太太先。」

問到有冇感動到喊，張頴康說：「見到BB當然有喊，我同Angie都好眼淺，我哋聽見BB喊聲，已經忍唔住，Angie系咁流眼淚，好感動。」他又表示太太會喂人奶，有咗第一胎經驗會好啲嘅，依家畀佢休息陣先，而BB出世後要喺暖箱，所以仲未影到太多相，而Angie爸爸已經飛返香港幫手，Angie媽媽就一星期後到，暫時由他及外父照顧Angie，晏啲會帶小豆嚟睇細佬。

問到湊夠「好」字系咪就收工？張頴康說：「其實我都系想生2個，仔女冇所謂，依家好滿足喇！收唔收工老婆決定，佢就一定話收工喇！不過有時意外嘅嘢好難講...哈哈哈哈」

照片所見BB肥嘟嘟幾有肉地，而好老公張頴康全程陪產，B仔就改名小花生，家姐小豆終於有個弟弟陪佢玩喇，四口之家恭喜恭喜！

劉嘉玲搞時裝騷！梁朝偉型格風褸撐場

藝人劉嘉玲（Carina）的自家時裝品牌，再度登上上海時裝周，上季她首度參予上海時裝周的2017秋冬系列時裝騷，老公梁朝偉驚喜現身，今季2018春夏騷，朝偉繼續撐場，於開騷前出現後台，身穿搶眼風褸配搭波鞋的朝偉，以Smart Casual打扮現身，實行以行動支持老婆的事業，當然令嘉玲甜上心頭，兩人還合照放閃。

之前一直在後台陪老婆的梁朝偉，開騷後，即坐頭排睇騷，老公的支持，可謂一切真的盡在不言中。而嘉玲在開騷期間一直在後台親自打點，每套衫都由她配襯過，完騷後，嘉玲最後上台謝幕，令時裝騷划上完美句號，隨後各人再去派對慶功。嘉玲笑說：「咁多個月嚟嘅努力喺呢一刻實現，感動到毛管戙。」

徐子珊否認同祖藍反面：冇咁嘅事

藝人徐子珊出席慈善晚宴活動，她以Deep V晚裝性感現身，大家即追問子珊與王祖藍的經理人公司傳鬧翻一事，子珊即言：「冇咁嘅事，我同祖藍合約簽咗三年，依家先過咗一年到。」可有安排工作？子珊謂：「有呀，內地嘅商演、真人騷啦，一啲綜藝節目都有，ok呀，反而因為我9月開咗學，讀心理學，要讀兩年，所以工作都要互相配合。（同祖藍關係OK？）OK，系啲報道唔正確。」

講到有傳要求休假一個月？子珊謂：「冇，邊有咁嘅事，我之後仲要返內地拍綜藝節目，聖誔又有登台，仲有公司開嘅電影呢！（祖藍有冇特別為傳聞打畀你？）冇，因為大家都知唔系事實，唔需要。」

金句+事業線　雷庄兒繼續自信爆棚