結婚一周年！楊怡羅仲謙歐遊爆深情對望

結婚一周年！楊怡羅仲謙歐遊爆深情對望

楊怡同謙謙結婚一年，仲去咗歐洲Sweet爆放閃呀！

上年10月2日拉埋天窗嘅楊怡同羅仲謙，唔經唔覺結婚一周年喇！尋日阿怡喺出發時就神神秘秘拍咗條片，冇講去邊，不過嘟曬嘴單曬眼咁，非常風騷！原來佢哋去咗捷克，同行仲有郭晉安、袁偉豪同周麗淇，呢個組合系咪好新鮮呢？

結婚一年點慶祝？楊怡今日就喺社交網上載咗張同謙謙Sweet到爆嘅合照，相中兩人深情對望，謙謙一隻強而有力嘅臂彎Man爆攬實楊怡，真系好閃呀！阿怡留言：『Our first wedding anniversary.Thanks for being in my life.』（我哋第一年結婚周年，感激你喺我生命里出現。）而謙謙都好識做，冧爆咁話：『一年後的今日，老婆！多謝你！愛你！願你一世平安快樂！』網民都祝佢哋一周年快樂要永遠幸福快樂下去咁話！

而另邊廂，袁偉豪同周麗淇都有上載大合照，一行五人喺布拉格留影，唔知會唔會五個去六個返呢？

喜歡這篇文章嗎？立刻分享出去讓更多人知道吧！