《蘭桂坊USB》沈震軒為新戲《智齒》操肌戒油鹽 與林家棟做對手戲

說起沈震軒，大家就應該會想起「蘭桂坊USB」這個名字。當中《喜愛夜蒲》的這個角色可謂是深入民心，沈震軒更加憑著這套戲紅到上內地再落返香港。近期他更有份參演小說改編電影《智齒》同林家楝做對手戲，戲中更有李淳、廖子妤、池內博之等人蔘演。

沈震軒近來最令人「嘩嘩嘩聲」的就是日前拍攝的一輯肌肉相，胸肌足足有42吋又「手瓜起 」。沈震軒接受訪問時説：「其實我呢次練到咁大隻嘅原因係想挑戰自己，做啲以前唔敢做嘅事。練大隻之後就可以試唔同嘅戲，又可以多做武打戲。因為我個人唔鍾意做repeat（重覆）嘅嘢。」

睇落個演員卡士都唔錯，有林家棟之餘仲有廖子妤。

沈震軒在訪問中也分享了自己操肌的心得。「主要係食嘢方面要食得乾淨啲先係key point。例如炸豬扒可樂嗰啲，基本上就唔食得。操肌嗰一排，我淨係食西蘭花雞胸肉同埋雞蛋，全部都係要用水煮。全部都係無糖無鹽同埋冇油，所以嗰排心情都會比較差。」

林家棟同埋廖子妤表示今次拍戲真係辛苦得來又好好玩。因為佢哋要喺垃圾堆同埋污水渠入面拍戲。

沈震軒表示，操肌的同時還要兼顧劇組的拍攝。「嗰排每日起碼做兩小時gym，而嗰時仲要兼顧一套內地電影的拍攝。其實都幾慘，因為佢哋劇組每次放飯嘅嘢食都勁油勁好味。好似宵夜咁，佢哋就飲酒食好嘢，我就自己喺側邊食藜麥。所以每次放飯對我嚟講都係地獄。

《智齒》呢套戲改編自內地小說作家的同名作品。

喜歡這篇文章嗎？立刻分享出去讓更多人知道吧！