日本M記點解咁正！連送嘅玩具都吸引過人！！！

原標題：日本M記點解咁正！連送嘅玩具都吸引過人！！！

自從內地嘅M記無咗奶昔之後

可樂君有Friend每次過香港都要特登去飲

其實菜單最令人羨慕嘅係日本M記！

日本嘅M記經常都會出好多限定嘢食

幾乎每次都好羨慕好想食

月初推出嘅朱古力三角派

早前引起IG刷屏嘅粉紅限定櫻花麥旋風

唔止嘢食特別吸引

原來連玩具都好得意！

為咗慶祝開心樂園餐發售滿30周年

日本麥當勞於11月17日開始

推出六款限定版桌游

循例都係數量有限

而且今次難得唔係同其他知名角色聯名

而係麥當勞叔叔自己親自上陣

吸引力又加多幾錢

「麥當勞叔叔人生遊戲」

人生ゲーム原名為「The Game of Life」

玩法類似大富翁嘅遊戲規則

不過就唔係用骰子而使用轉盤

正常嘅The Game of Life應該係

以讀書、工作、結婚生子…等等

人生的經歷為主題

麥當勞版則係由成為麥當勞的新人員工開始

學習麥當勞的各種店內事務

不斷經歷成長並達到終點

「麥當勞叔叔 UNO」

UNO相信大家玩得多啦

換曬平時熟悉嘅無聊配色

改成麥當勞版會更加好玩吧！

其中仲有可以將指定人嘅卡

全部換曬嘅特別卡「HAPPY SET BOX」

哇！呢招夠曬刺激！

「手指扭扭樂」

扭扭樂「Twister」本來係喺地墊上

靈活運用肢體的團體遊戲

改成迷你嘅手指版扭扭樂

玩法就會比較簡單

只要遵照指示

將手指放到指定位置就得

以上三款就從17號開始可以兌換

下面三款就要到今個月24號先開始

「麥當勞叔叔海盜桶」

睇開綜藝嘅對桶大叔應該熟悉啦

唔知點解每次見到都會諗起光洙哈哈哈

相對應嘅桶大叔

當然就變成驚嚇嘅麥當勞叔叔啦

玩法同普通桶大叔一樣

睇住麥當勞叔叔個樣

成個Game都緊張咗！

「麥當勞叔叔撲克牌」

撲克牌就絕對係居家旅行嘅萬能嘢

圖案全部都係麥當勞叔叔同佢嘅朋友們

其中鬼牌係開心樂園餐個盒HAPPY SET BOX

「麥當勞叔叔大富翁」

好耐無玩過大富翁啦

以前無咁多電子game

一班同學仔聚埋一齊玩大富翁嘅日子

真係突然好懷念

不過日本麥當勞嘅開心樂園餐

ハッピーセット／HAPPY SET

真系好少嘢揀！

睇上去選擇無我哋多

定係可樂君錯覺？

係了

你會唔會因為玩具去食開心樂園餐？

喜歡這篇文章嗎？立刻分享出去讓更多人知道吧！