點先令一個男仔即刻想追你?5大奇招+廣女實戰話你G!
原標題:點先令一個男仔即刻想追你?5大奇招+廣女實戰話你G!
喺呢個年代,
女仔一定要被追,
雖然唔係可樂君最提倡嘅價值觀。
不過,既然事實係咁,
我哋今日就來傾D事實嘢。
女仔既然想被追,
你嘅目標,就係要男仔主動追你。
你要做嘅嘢,就系sell自己。
有時候,男女關係都系一線之差,
朋友與女友,
炮友與女友,
全部都係只要錯失一個機會,就冇!!
即係點?
有幾招,大家可以睇睇
↓
第一招:創造假想情敵
即係扮有人追。
瘦田冇人耕,耕開有人爭噶啦,
假如你睇得出呢個男仔對你有少少意思,
一定要比佢知道,
你同其他男仔單獨去睇戲。
即刻要搶翻你走!
第二招:橋唔怕舊,忽冷忽熱有排佢受
要掛住一個人,就要佔據佢嘅思想。
忽熱,令佢覺得有機會;
忽冷,令佢擔心冇咗個機會;
終於佢日諗夜諗,
最後就一定要得到你。
第三招:營造悲劇氛圍
男人唔多唔少都愛做英雄,
又中意扮偉大。
所以你要畀機會佢保護你,
但系千奇唔好太過分,
唔好似廢人啊!
第四招:畀好多唯一佢。
即係,你要畀佢知道,
佢喺你心目中地位好特殊,
例如:你係第一個同我買書嘅男仔,
你係第一個陪我夜媽媽食糖水嘅男仔,
男人會扮唔care,但其實好沉醉。
第五招:欲迎還拒
呢招就好緊要啦。
有機會二人獨處嘅時候,
千奇要欲拒還迎,
系成事前一剎嘅矜持。
最令男人忍唔住嘅系,
已經送到嘴邊,但食唔到。
哇……呢幾招,
睇起身都覺得好掂!!!
但現實生活中,
真系用得到????
可樂君就訪問咗一位廣女,
就係我哋嘅情色主持GaGa!
遠在日本取經嘅佢,
都肯嘥時間同我傾!
佢嘅方法係
↓
可樂君好難想像到個畫面……
GaGa個方法就直接好多啦,
而且唔需要太多嘅時間,
假如呢一個唔掂,就下一個。
最後,同各位廣女講一句,
假如你中意呢個男仔,
主動去追,冇問題噶!
唔得咪算咯,又冇損失,
係會淤噶啦,邊個未淤過啊!!
※維密奚夢瑤世紀一撲,緋聞男友何猷君0表態?乜你哋唔覺啲衫丑咩?
※日本M記點解咁正!連送嘅玩具都吸引過人!!!
TAG:可樂生活COLOR818 |