突發！張敬軒傳被《歌手》抽走冇得唱陳展鵬40歲想突破開個唱完成夢想

娛樂 01-16

今日快報

40歲想突破！陳展鵬開個唱完成夢想

正日生日的陳展鵬在尖沙咀大搞生日會，慶祝正式踏入40歲。他與逾400名粉絲齊齊切視帝獎座生日蛋糕之餘，更與他們影大合照，場面非常墟冚。席間，展鵬在台上就指自己今年想搞Mini Concert，更笑謂：「今年拎咗好多獎，但最唔應該拎嘅音樂獎都拎咗！」非常風趣。

訪問時，問到其生日願望時，他即謂：「年年都繫世界和平?喇！（咁行？）同埋身體健康，因為上年都好辛苦同吃力，之前應承咗Fans Club一齊做運動、做慈善工作都因為做嘢而放咗飛機。（願望唔系搵個女朋友？）唔系話搵就搵到嘅！（40歲喇喎！）依家事業先系開始，上年至有啲眉目，做多啲嘢先！」

提到他指今年打算開Mini Concert，他指自己講咗好多年，但未有時間練唱歌、練跳舞，希望可以完成這個夢想。記者指他可以酌量減產，他就指交由公司安排：「但都系時候要停停，觀眾睇得多我都會厭，有須、冇須、有頭髮、光頭、有眼鏡、冇眼鏡都試過昨曬！今年都想有啲突破，想試下做主持工作。」提到他的生日會愈搞愈大，問下次會否在會展搞？他即謂：「喺會展搞就系搞Mini Concert?喇。（定系紅館，坐20000人！）我系演員咋喎！（你系視帝喎！）我演藝方面咋，又唔系歌手！（粉絲等你出碟？）咁要睇公司安排喇！」

冧爆！衛詩雅同陳家樂「結婚」

英皇藝人衛詩雅與同公司的陳家樂及麥子樂等，一同為婚展擔任嘉賓，其中衛詩雅與家樂扮演情侶，更即場做結婚儀式，交換戒指及作狀咀嘴。衛詩雅表示做結婚的工作其實是好事，她說：「算命仙話我結兩次婚之後先系真，咁我做嘢真繫結果兩次婚，原來做嘢都計埋！（咁你下一個咪系真啰？）我成日覺得我只系一個，就繫結婚嗰個，但我驚咁講會嚇親下一個，覺得我咁認真，所以都系隨緣！（有冇追求者？）有同人約會，其實我覺得喺呢行拍拖都有好處，因為隔籬嗰個唔會亂嚟，好多人睇住你，會冇咁容易散，所以我拍拖一定會攞佢張相畀記者認住，哈哈！」

至於家樂就謂首次演「新郎」，將第一次奉獻了給衛詩雅，獲對方表示封利是給他，他說：「希望做呢啲工作真系可以連唔好嘅都使咗佢。（你女友會唔會殺咗你？）唔會，佢仲開心，系搵錢機會。」他又笑言讀誓詞時很感動，但看到對象是衛詩雅就忍不住笑呢！

否認與憶蓮不和　G.E.M.不再參加《歌手》

歌手鄧紫棋（G.E.M.）於2013年尾因參加《歌手》(前名《我是歌手》第二季)而在內地爆紅，有名有利，更被冠以「宇宙天后」之稱，有傳G.E.M.為報主辦單位當年的知遇之恩，將再戰《歌手》舞台更有機單挑天后林憶蓮。另外，又有內地網消息傳出林憶蓮不滿G.E.M.批評前輩歌手，覺得這位後輩不懂尊重長輩。

G.E.M.經理人公司蜂鳥在微博撰文宣布G.E.M.不會再參加《歌手》：「鄧紫棋將於2017年3月底開展新一輪全球巡演，目前已全面開始籌備，故不能參加《歌手》錄製。」又澄清有個別網站所傳的「鄧紫棋因與某位歌手不合而缺席」屬炒作新聞。

冒喉嚨受傷風險　劉青雲聲演蝙蝠俠

藝人劉青云為蝙蝠俠做主角的電影配音，青雲坦言相當榮幸，更因Batman既有型又富有，他表示雖然今次只是聲演，但總算能體驗一下這位迷倒一眾男士的超級英雄的生活，相當開心，宣傳短片中，聲演蝙蝠俠的劉青雲更戲謔自己，高呼劉青雲相比LEGO蝙蝠俠之下只屬「麻麻哋」，青雲表示：「我當然沒有如Batman般有型，他又打得又睇得，是所有男士都會憧憬的偶像，相比之下我當然是『麻麻哋』。」

熟悉蝙蝠俠角色的都知道蝙蝠俠聲音比較低沉，對此青雲表示：「這是為《LEGO?蝙蝠俠英雄傳》配音最具挑戰的地方，尤其是每當句子比較長的時候，要長期保持低音發聲會有一定的難度，而且會很容易令喉嚨受傷。所以每一次到錄音室時，同事都會準備潤喉飲品給我，可以令我保持低音狀態。」

突發！張敬軒傳被《歌手》抽走冇得唱

歌手張敬軒（軒仔）早幾日宣布會加入內地歌唱節目《我是歌手》第5季（《歌手》），大膽挑機樂壇天后林憶蓮、杜莉薩、蕭敬騰領銜嘅獅子樂團等，位位都系唱得之人，搞到未播出街就已經令中港台網友引頸以待，等下周正式播出！

第一集嘅節目錄像軒仔都有份參與，仲有指佢現場效果唔錯?。不過，昨日有大陸媒體爆料，指軒仔忽然被節目抽走，《歌手》節目組官方微博、發放嘅官方物料中，刪走曬有關軒仔嘅所有訊息，仲話有知情人報料，指軒仔已從《歌手》中去掉，無法參與今季節目，不過原因不詳……內地媒體更指，礙於軒仔已經參與第一集嘅錄像，播出街嘅版本會Cut走曬所有軒仔嘅鏡頭，Cut唔到就會打格仔遮樣，而《歌手》節目組又下旨，叫其他歌手當冇事發生，仲可能因為少咗個參賽歌手而改賽制，或者搵替補歌手?。

本期話題

你們是怎樣看待張敬軒被除名這件事的？