楊怡上海遇瘋狂粉絲衝上台 陳敏之上圍激凸囝囝滿月即復出

今日快報

【傾緊七套西片】甄子丹隔30年重遊花市

仍未「收爐」的甄子丹風塵僕僕，剛由外地宣傳返港的他昨午現身前日發生大停電的維園行年宵，感染新年氣氛之餘順道為花市小商販們打氣，子丹的出現引來大批市民圍觀爭影合照，令年宵變得更加熱鬧，即使售買年花的老闆亦跑出來與他閑話家常，可見這位「宇宙最強」十分貼地。期間子丹幫襯學生們負責的攤檔買得意毛毛雞公仔「振興經濟」，且跑上高台拍照做生招牌，又有售買飲品的老闆捧上特大椰青送給子丹，且搞笑謂：「最緊要同我影合照啫。」子丹則「回禮」自掏腰包，買了約10個小椰青給助手等解渴。

自言已有超過30年沒有行花市子丹感慨表示：「今日好感受到香港人嘅溫情，大時大節梗會一家人走出嚟行街、辦嚇年貨咁。我就經常飛嚟飛去，即使喺香港都想多啲休息，好少去街嘅，系唔夠時間陪家人，所以呢個農曆新年我哋計劃一家出埠旅行充電。雞年於我嚟講都算別具意義，因為我太太屬雞嘛。（雞年有乜寄望？）除咗自身嘅願望，我真心想香港氣氛好轉，所有嘅嘢都漸入佳境。」

談到雞年的事業展望，早前他主演的兩套荷里活電影票房和口碑均很好，有指子丹已成為「國際級搶手貨」，他聞言後坦承：「系有6、7部西片劇本傾緊，我會因題材及角色作出篩選，4月我會先留港拍一部戲。我唔系咁enjoy出埠拍戲就真，因為每次返嚟都發現屋企嘅小朋友又大咗好多，錯過咗佢哋嘅成長，況且我喺香港拍戲拍咗三十幾年，真系好有情意結，一定會繼續為本港影壇出力，同埋幫助一啲有潛力嘅動作片演員及幕後。」

楊怡滬遇狂迷嚇餐飽　張學潤：搞到報警

藝人楊怡、黎燕珊、梁琤、朱慧敏在上海演畢舞台劇《我和春天有個約會》後已回港，楊怡和黎燕珊抵香港機場後，還憶述狂迷衝上台的情況。身為《我》劇形象總監兼飾演白浪的張學潤接受訪問，他表示因為戲迷當時太過熱情，所以才被工作人員撳住，他說：「工作人員為保障演員安全先咁樣做！其實我哋都有將佢送嘅花送畀偶像，但佢依然不滿，話畀工作人員攔住，要求道歉，最後仲話要報警添！就系咁啰！」

劉松仁含淚送別亡母　汪明荃米雪悼念

藝人劉松仁昨晚為亡母在油塘一所天主教堂舉行追思會，與劉松仁合作多年的汪明荃約於九時離開，並跟記者談了幾句，問到劉松仁心情如何？汪明荃說：「未有機會同佢傾偈，佢心情OK嘅，都平靜，系講起亡母時好感觸。」曾跟劉松仁合作的米雪及朱晨麗亦有到場悼念，朱晨麗離開時頭耷耷表現低調。

追思儀式約於晚上九時結束，神色凝重的劉松仁更眼泛眼光，他更陪伴亡母最後一程，等到亡母的靈柩被送上靈車，以及所有親友離開後，他才離開。

監製下訂單　唔畀湯盈盈引誘嘉樂再生B

無線藝員劉丹、單立文、湯盈盈、呂慧儀、羅樂林、馬貫東、蘇韻姿、等在將軍澳電視城為全新處境劇《開心速遞》進行拜神儀式。單立文與湯盈盈劇中有段曖昧關係，單立文笑說：「關係最尾系點都未寫到，保持神秘好啲。」

講到湯盈盈早前笑言要引誘老公錢嘉樂再生多個，她笑說：「唔系，監製話唔可以生住。」單立文笑說：「劇情交代唔知點解有咗咪得啰，一家便宜兩家著。」提到單立文近來接著有《財神駕到》及《乘勝狙擊》出街變「阿婆殺手」，他笑說：「去街市有個阿婆追住送個橙畀我。」

囝囝滿月即復出　陳敏之上圍激凸冇記性

無線藝員陳敏之、米雪、何廣沛及陳婉婷等到馬鞍山宣傳新劇《親親我好媽》。在上年12月21日誕下兒子的敏之，剛坐完月後便立即復出！現時正喂人奶的敏之，身形略顯圓潤，身材激凸，即使穿上厚衫都難以遮掩豐滿的上圍。

敏之透露日前在家為兒子慶祝滿月，又大爆囝囝「好長」，她說：「湊B辛苦，好多學問，個仔肥咗好多，下巴有個蝦餃仔，依家十幾磅，個身好長，系『長仔』嚟。（遲啲拍《深宮計》捨不得個仔？）今日出嚟一陣都已經掛住，開劇要屋企人幫手照顧。（依家喂人奶？）系呀，辛苦但系好值得，媽媽真系好偉大，好眼瞓都照樣泵奶。」

陳敏之自嘲生仔後變得沒有記性，不時帶漏物品出街，但相信投入拍劇後會改善。問到產後可要收身？她說：「都唔系肥咗好多，湊BB系最快嘅收身方法。」

?轉載授權微信：lama129

? 商務QQ：1900556960

?投稿郵箱：tghkchannel@163.com