【開刀生B女】拖太太去養和待產他新年拒絕懶惰：要對家人負責

娛樂 01-28

梁烈唯喺大年初一前做老竇，太太Tina預產期系農曆新年，早前已透露今胎陀B女。

唯唯陪太太Tina今日入院生B，兩公婆中午12點左右，拖到實抵達養和，

問到梁烈唯是否陪太太入院待產，他表示：「要趕住上去，幫老婆辦手續。」

未知系唔繫心情緊張，唯唯凌晨忽然有感而發喺微博分享就嚟為人父嘅感受，留言：「

昨晚好幾位朋友和親人跟我講了很多很有用的話！感受都很深！明天就是我人生中最重要的一天了，很多人問我緊張嗎？我都會答唔緊張，其實可能我系張到太緊而不懂那就是緊張！

」

唯唯話新的一年自己會拒絕懶惰，不會再令自己後悔，要對家人負責，做一個真實的自己！

約一時半，唯唯再次現身接受傳媒訪問，問到即將為人父，心情如何？唯唯笑言緊張到不知道自己緊張：「佢要出嚟啦，一路準備房同床，仲記得有一晚老婆起身叫我買啲嘢，我仲想發脾氣，原來系買驗孕棒，好似尋日嘅事咁，時間好快，但最尾呢個星期好漫長。」他透露老婆擇日今天傍晚至晚上剖腹，但最後都要交由醫生看狀況決定，他又憶起昨晚發生的事：「尋晚老婆瞓先，因為我有鼻鼾聲，印象中佢推咗我一下。」

由於今日是年三十晚，他會一直陪住太太，但夜晚會跟家人吃團年飯，又笑太太未能同行。講到女女趕得切??利是，他說：「終於有得賺番。（朋友嚟探佢？）生完母體會好攰，第一日未必想見人，已安排好時間，之前工作，有個嬸嬸已經畀定利是佢，好多朋友都好祝福，街坊仲話佢一定好得意，會錫佢，佢好有福氣。」

買曬BB用品未？唯唯話：「應該買嘅都買齊，好多朋友都會送，例如衫、床，又有啲贊助。」

Tina透露今胎系女，問唯唯小情人就快出世，會唔會變到張繼聰咁成痴漢？佢笑咪咪咁話﹕「變咗喇，系做爸爸嘅天性，0依家攞正牌同第二個女仔拍拖，幾好呀！」問點奬勵老婆，系咪買樓？Tina立即笑住點頭，唯唯話：「好，我會努力啲，咁你唔好成日話我唔返屋企啦。」

至於新年願望？他就希望女兒健康開心：「以前無諗過做爸爸，到依家做到，開始諗佢讀書。」他指看新聞知道香港教育制度，有很多功課，他不想女兒辛苦，開心就好，不會是怪獸家長？他笑謂：「依家話唔會，第時見到我系，唔好話我。」他又透露女兒中文名字未改，英文名就叫Karena，是他英文名Oscar與太太Tina加起來，意思是Oscar與Tina Win（贏）了一個女兒回來。