容祖兒11度封歌后成叱吒大贏家湯怡曬大肚相做未婚媽媽

娛樂 01-05

今日快報

欣宜硬食負評　當年唔敢多謝亡母

鄭欣宜在叱吒頒獎禮上憑《女神》分別奪得「叱吒十大第三位」，「叱咤樂壇我最喜愛的女歌手」及「叱咤樂壇我最喜愛的歌曲大獎」共三個獎，戴住亡母沈殿霞眼鏡，成績大躍進的她攞獎時感動得哭成淚人，但在慶功宴上就表現得100分雀躍，頻呼攞獎是：「好癲呀呢件事。（容祖兒都系攞3個獎）好癲呀，（祖兒話你來勢洶洶，）佢都來勢洶洶呀，哈哈哈，好大膽呀，佢自己都咁講，又唔系秘密，哈，（你睇少人哋？）講笑啫，哎吔……。（冇諗過攞3個獎？）冇諗過，傻咗呀，真系癲咗。」

談及欣宜在台上大呻怨屈，重提當年扮公主咀吳卓羲，畀人笑系「死亡之吻」，她笑言是小器之人，又話：「好難不記得啰。」問她最介意之事，她直言：「最介意自己受到呢啲批評影響我媽咪，因為我記得喺叱吒呢個台，我有得攞新人獎嗰年，我必須多謝媽咪，但因為呢啲comment，令我覺得我如果提到我媽咪系錯啰，佢其實系我人生裡面最重要一個人，我冇理由唔提佢?嘛。」她又指是晚戴住亡母的眼鏡上台是想講給自己及媽咪知道：「孝順唔系錯，因為冇佢就唔會有我，一定要多謝佢。」

欣宜又說從不敢戴亡母這副眼鏡，不過因她的長眼睫毛會頂住平光鏡片，故將眼鏡「走鏡片」。問她可會帶三個獎回加拿大給亡母看，她好快答：「會?。」又自爆當年因為答應亡母要爭氣及乖，刻意收埋自己令身邊沒有朋友，但經過幾年後，開心贏到不少友誼，識到一班有義氣的兄弟姊妹，包括齊演出的Supper Moment，藍奕邦，何山及黃偉文等，她說：「我有乜事都會出嚟幫手。」

容祖兒11度封歌后成大贏家

天后容祖兒昨晚連奪三獎揚威叱吒，第11度奪女歌手金獎，再刷新叱吒新紀錄！男歌手金獎由張敬軒冧庄，而「歌神」陳奕迅則驚喜空降頒獎禮，同樣冧庄「至尊歌曲」大獎，但他演唱時老馬失蹄，兩度甩嘴！

「2016年度叱咤樂壇流行榜頒獎典禮」昨晚舉行，共頒發43個獎，近百歌手出席撐場，全晚充斥歌手淚水，令人動容！天后容祖兒、張敬軒一如本報率先爆，再度冧庄歌后、歌王，男/女歌手銀、銅獎則分別由陳柏宇、許廷鏗、Gin Lee及JW瓜分。身穿低胸長裙輕露「事業線」的祖兒已是第11次奪得「叱吒女歌手金獎」，再次創下叱吒史上新紀錄，風頭一時無兩！同時憑《無人知道雙子座》奪得「叱吒第八位」的祖兒說：「今年已經系我第18年參加叱吒頒獎禮，多謝你哋繼續『侵』我玩，好鐘意1月1日見到大家，畀到我好大歸屬感同溫暖。」祖兒慨嘆現時可以給歌手唱歌機會不多，聽到播放她的歌，令她安慰。

祖兒的《J-POP》首奪「叱咤樂壇至尊唱片」，她興奮得在台上大叫：「WOW！」她緊張得把聲都震，她搞笑指在公司是「明燈」，因為她揀的歌，公司都不會揀，她又自爆有「語障」，不懂表達自己，但她的監製馮翰銘能理解她，當正對方是老竇，之後祖兒感謝曾合作過的監製舒文時也忍不住喊起來，提到之前容媽媽身體出問題，祖兒再次喊起來，監製馮翰銘幫她抹眼淚，祖兒大讚媽咪好叻女，好堅強，沒有令她擔心，更有動力去工作！

【唔系做戲】湯怡曬大肚相做未婚媽媽？

今年踏入30歲嘅湯怡同歌手洪卓立（Ken）拍拖多年，不時喺網上大曬恩愛，Sweet到打風都打唔甩，結婚都系遲早嘅事！而喺2016年10月時，湯怡當時就話同Ken計劃5年內拉埋天窗，不過婚都未結，呢日佢就喺Instagram曬咗張「大肚相」，堅系肚凸，亦唔系拍戲扮大肚，唔通未婚生B？

見到張相真系當堂嚇一跳，個肚大到似系有咗4、5個月，而佢就嘴扁扁！正當大家都擘大個口得個窿時，原來……系肥咗啫！呢個肚，系佢2年前去北海道旅行時「買番嚟嘅手信」，即系舊相，湯怡都自嘲好似家姐佗B4個月時嘅身形，佢留言：「不用害怕，這只是我兩年前去北海道的收穫，我的胃腩跟肚腩好比我姐姐懷孕四個月的時候，厲害吧，相信沒有人見過我這麼圓潤的身材。」

有網民都話差啲想講恭喜呀，佢仲預告即將再去北海道，叫大家等睇佢肥幾多返嚟咁話，不如今次就帶個好消息畀大家啦～

伍詠薇自爆十一月起「離家出走」住酒店

藝人詹瑞文、伍詠薇、林嘉華和賴慰玲等在紅磡作舞台劇《嬉春酒店2016》尾場演出，伍詠薇老公練海棠更向老婆獻花致意，而好友黃佩霞、蔡一傑及林嘉華老婆都有到場支持。訪問時，問十場演出是否夠喉及會否加場，詹Sir就指現在才是剛剛開始：「好過癮，唔想停，睇下監製、老闆喺2017年點安排！」又指演出前有開班教伍姑娘做舞台劇：「就未計錢嘅！遲啲先計！」伍姑娘聞言即笑謂：「我唔會埋單！」雖然擺明會「走數」，但她都非常感謝詹Sir給了她不少信心。

伍姑娘在訪問中又指自己為了這次演出，除兩個月不接其他工作外，瘦了14磅的她更自爆自十一月起「離家出走」搬入酒店住：「因為排戲地方好遠！我公主病！其實系做舞台劇要好專註，如果返到屋企玩下貓、同老公傾下偈、睇下《新紮師兄》就會好心散！（唔見老公？）我老公都有嚟探我嘅，我都要人陪！但真系少見咗！」問聖誕、除夕有否陪老公，她就指有和他倒數迎新年：「都要浪漫一番架！之後都要搬回家住，但唔慣！（因為多返個人？）系，仲有多返兩隻貓，之前兩個月冇做家庭主婦，做咗個舞台劇演員，好勁呀我！」

G.E.M.化身「金魚公主」大曬S形曲線

歌手鄧紫棋（G.E.M.）出席內地電視台跨年晚會，今次G.E.M.的衣著品味明顯有進步，身穿橙色長裙輕露小蠻腰，G.E.M.化身「金魚公主」大曬S形曲線！

G.E.M.現場演唱荷里活電影《Passengers》中文版主題曲《光年之外》，為了凝造氣氛，觀眾紛紛亮起了手機燈光，跟隨著節奏擺動，將現場打造成「宇宙星海」。接著，她獻唱翻唱歌《夜空中最亮的星》，並以招牌巨肺高音收尾，贏得現場熱烈掌聲。

G.E.M.完成表演後接受訪問，當被問到新年大計時，她表示首部青春勵志電影將於1月頭及中分別在內地及香港上映，現在心情非常激動及開心。至於新一次巡迴演唱會將在今年4月正式展開，現階段正密鑼緊鼓籌備個唱。G.E.M.坦言：「新一年我要學習平衡工作同生活，同時都祝福大家心中都充滿愛，每個人都可以變得更加強大！」