與展鵬玩完？胡定欣祝福明心戀好登對容祖兒個唱海報疑涉抄襲

娛樂 01-08

今日快報

與展鵬玩完？胡定欣祝福明心戀：好登對

藝人胡定欣、陳展鵬、陳山聰和鮑起靜等到尖沙咀出席劇集《同盟》煞科宴，定欣在電視城忙於為新劇《深宮計》試造型，幸及時趕到出席晚宴，她說：「今晚等我、展鵬、山聰同姚子羚四個請啦，因為鮑姐（鮑起靜）之前開工成日爭住埋單，請咗好多餐，今日輪到我哋請番佢，我哋講咗，唔會畀機會佢攞錢出嚟！」

問定欣點睇舊愛馬國明被傳與黃心穎撻著，定欣說：「佢哋靚仔靚女好登對！（話你喺網上暗寸心穎拜姻緣石？）點會呀，我都識心穎，系朋友，我祝福佢哋。（佢哋系真拍拖？）未問呀！（同好朋友先後鐘意埋同一個男仔唔尷尬？）唔會，我不嬲都話希望馬明搵到個好女仔！」她的口氣希望「明心戀」能開結果！

談到《同》劇煞科，意味與展鵬的情侶檔合作暫時到此為止，定欣說：「同展鵬之後都會各自開劇，各有各忙，不過嚟緊都會一齊出Show嘅。（情侶檔酬勞高啲？）其實唔知?，不過好開心《城寨英雄》嚟到2017年，仍然有客戶、觀眾鐘意！」

伍詠薇首執導筒　遭老友離棄

藝人伍詠薇、詹瑞文及劉美君等為ViuTV節目《碌卡大導》首次擔任微電影導演，伍詠薇原打算找老友蔡一智及周汶錡任男、女主角，但卻被大潑冷水。蔡一智直指伍姑娘天賦非執導，更勸她應安份守己做回小演員。原本很高興有機會做女主角的周汶錡，當知道由伍姑娘執導也拒絕，認為伍姑娘比較適合做個靚靚演員。最後伍姑娘向郭峰及當歌手時認識的王馨平埋手，兩人考慮一晚後終答應，令伍姑娘重拾自信。

壓力大變瘦　王君馨恨喺海灘搞婚禮

藝人王君馨在將軍澳電視廣播城以古裝Look拍攝無線新劇《超時空男臣》。「萬歲」請劇組食下午茶的她，笑指自己是趁人少少至萬歲。她又表示日前到佛山拍外景，當地天氣忽冷忽熱：「好多同事都唔舒服，我都作感冒！我哋又要入去個霧林度拍穿越時空嘅戲，好大霧，仲要凌晨兩點起身，寒到震！」

一人分飾兩個的君馨更指對白一現代一古代，好難適應：「要拍到二月，發覺啲時間好唔夠用，又要籌備婚禮，連日期都未定！同香香（岑麗香）傾過，佢本身都系想簡單搞，點知就愈搞愈多嘢！我自己就想喺海灘、戶外搞嘅。」更笑指屆時會叫一班姊妹做搞手，她們便不用畀人情，非常搞笑。

記者見她比以前消瘦，君馨坦言台慶頒獎禮中奪獎後有壓力：「黃日華前輩之前都叫我唔好諗咁多，放低個獎，由零開始。」又指自己希望在過年時與《城寨英雄》一班手足食飯見面。

吳業坤甩底冇句真？小巧：唔系好鐘意佢

歌手鄧小巧接受訪問，她過去三個頒獎典禮上都獲得新人獎，提到網民對她在十大中文金曲頒獎禮上輸給譚嘉儀感不值，她說：「冇話唔抵嘅地方，每個人叻嘅地方都唔同，同埋獎項唔代表你以後一定會成功。」問到對最後的勁歌金曲頒獎典禮可有信心？她坦言自己要做的已做好，不敢想太多：「我都期待聽日返TVB，因為聽日都系《超級巨聲》嘅台，上到去會幾感動。（你依家唔系親生女，難有獎？）之前TVB都畀好多機會我，冇獎我都ok嘅，我知好多人冇獎就唔去頒獎禮，但我覺得返TVB嘅意義大過拎獎，好似返前度屋企咁。」

提到吳業坤近日被指人紅後變囂張，令「巨聲幫」好友都疏遠他，小巧即開玩笑說：「我都唔系好鐘意佢，成日話請食飯又冇，但報道話聚會佢冇到，系因為佢忙啫。（佢態度有冇變咗？）佢好nice，有時都會車我，不過人紅就多是非，我都想攻擊嚇佢！」又指自己非常欣賞坤坤，他從不是要彰顯地位的人：「要喺洪流入面做簡單嘅人都幾難，有幾成功就有幾大壓力，但我都想鼓勵嚇佢。（佢好灰？）之前灰啲，但佢冇事嘅，唔使擔心，叫佢擔心我好過，分啲job畀我仲好。」

個唱海報疑涉抄襲　容祖兒澄清：實屬巧合

天后容祖兒（Joey）將於三月尾舉行十場side track演唱會，演唱會未開賣內部訂購已爆曬，反應熱烈，然而有網民踢爆其演唱會海報涉嫌抄襲，對此祖兒表示：「創作嘅嘢，我都系八個字啦：如有雷同，實屬巧合。」她又力撐為她作海報創作總監的林海峰（Jan）：「我唔覺得佢系抄呀，Double Exposure Portraits喺世界上已經出現咗好耐啦，大家試嚇google，有成千上萬雷同結果。Jan為我嘅設計配合到我演唱會個主題，又靚，我就好滿意啦，好多謝Jan幫我設計咗張咁靚海報。」她又大讚海報好好彩頭：「花開富貴，個騷未公開發售就已經內部認購爆曬，好開心！」