多位歌手缺席、容祖兒13年霸奪最優秀女歌手，香港樂壇被指青黃不接？

娛樂 01-08

《第三十九屆十大中文金曲頒獎禮》昨晚舉行，出席歌手好似非常凋零，頒十個獎都有幾個冇影，好似「優秀流行國語歌曲獎」的金、銀、銅分別由台灣天團五月天的《後來的我們》、周杰倫的《床邊故事》及方大同的《悟空》，但三個單位全部缺席，大會好似頒畀空氣一樣。

樂壇應該有其流動性，但香港娛樂圈，歌影視都面對青黃不接的問題，而港台十大中文金曲頒獎禮，同商台叱吒樂壇流行榜頒獎禮都反映咗香港樂壇新晉歌手缺乏向上流動嘅機會，叱吒樂壇男歌手大獎系張敬軒，女歌手大獎系容祖兒。

昨晚港台十大中文金曲頒獎禮，最優秀流行男歌手系陳奕迅，女歌手系容祖兒。呢個獎喺2004年設立，至今13年，男歌手方面，除了首屆由李克勤奪得之外，其後連續12年都系陳奕迅囊中物，而容祖兒則是該獎設立以來，唯一一個得過嘅女歌手。

之前祖兒在叱吒頒獎禮慶功上，講到入行18年、攞咗11次女歌手金獎，佢話：「都系一個記錄，對自己18年青春有交代。（下年可以唔使嚟？）去唔去慶功都冇得揸主意啦！」

事後有網民替祖兒不值，認為祖兒想退下來、唔使俾人話佢「霸住個位」，無奈身不由己，就連「去唔去慶功都冇得揸主意啦」，不自覺地流露咗其心聲。

昨晚祖兒仲誇張，連續13年捧走最優秀流行女歌手獎，加埋全晚共有四個獎，當時鏡頭影住台下歌手，各人臉上都系冇反應，包括鄭俊弘，只系機械性咁拍手掌……司儀仲講錯咗祖兒系第14次摘最優秀流行女歌手獎，其實系13次。

「最優秀男歌手」由陳奕迅（Eason）奪得，他更突然驚喜現身領獎！第十二次獲此獎的Eason說：「多謝大家，我好好彩，好多人咁耐以嚟都支持我。」

之前在叱吒演唱時甩嘴的他更說：「最緊要唱好啲歌，哈哈，一陣應該有機會唱歌，我會唱好啲歌，令大家情緒上有共鳴。好開心做到一個歌手，我會做好啲?喇！」之後他再憑《四季》奪「全球華人至尊金曲獎」，他說：「攞咩唔系最重要，有得拎緊開心，呢首歌要多謝我嘅春夏秋冬，周國賢、小克、蔡穎恩、CY Kong，我嘅音樂label，仲有我嘅朋友、家人、支持我嘅人。」

第四至六首「十大金曲獎」由許廷鏗（Alfred）的《我的志願》、陳柏宇（Jason）的《告別之前》及陳奕迅的《四季》奪得。

Alfred多謝公司、林夕、陳光榮外，提到自己這次小試牛刀執導MV，要特別鳴謝幫忙演出的前輩鮑起靜：「佢演活咗MV嘅靈魂！」他又謂希望MV能帶給大家一點啟發：「我會更加努力，放更多心血入去。」Jason就表示多謝大家聽他的歌，之後會用行動去報答大家的支持。

歌手周柏豪去年雖然沒有任何作品歌曲，但昨晚在頒獎禮上獲「優秀流行歌手大獎」，柏豪在後台受訪說：「今日攞到獎項都幾幸運，因為有一首歌系冠軍歌，系2015跨年作品，所以計算在內拎到十優歌手獎項，同埋叫做有首合唱主題歌曲，呢次有機會被邀請出席頒獎禮感到好開心。」他又指就算沒有獎攞，又得閒不用拍劇，與其在家中看頒獎禮，就不如到現場支持大家，就算只是在台下聽老友唱歌，他都覺得是一件開心事。

剛推出新歌，今年又會舉行演唱會，順理成章成為入行10周年紀念演唱會。演唱會是否都是華納主辦？周柏豪說：「當然。（用演唱會挽留你？）唔系，因為呢個演唱會，喺我上次演唱會時，老闆已經講等你十周年再開，冇特別嘢改變。」他否認被華納「雪藏」，他說：「如果雪都唔會有劇可以拍，個劇都系華納接。（續約成數高唔高？）呢個未知住，再畀多啲時間傾下。」（你個約幾時滿？）不便透露，都近嘅，傾緊，呢啲人生大事好好認真地傾，我自己又唔太心急，呢個年代好多嘢好方便，可以自己做歌、宣傳，好似好多嘢可以做，構思緊同公司傾緊有冇其他嘢可以發生。」

昨晚，四月參演《風雲》5D音樂劇的謝天華、鄭嘉穎、譚耀文驚喜回歸擔任頒獎嘉賓，主持問他們會用劇中的招式爭獎？劇中飾演「聶風」的謝天華指會用「風神腿」：「橫掃曬啲獎同對手，兩隻腳一齊出！」

劇中飾演「步驚雲」的鄭嘉穎則指會用「排雲掌」：「用掌聲證明我實至名歸！」而譚耀文說：「阻大家一陣，好開心今晚可以返嚟香港樂壇！」劇中演「無名」的他指會用「萬劍歸宗」：「你的出咩都冇用，所有獎都系我攞嘅。」

在香港樂壇沉寂多時的側田，昨晚也以嘉賓作表演及頒發「最有前途新人獎」，被問對一班新人歌手有咩勉勵說話？側田說：「只可以講一句，我做新人時有個前輩話呢行可以帶到你去到好高，亦可以帶你去到好低，無論點都好，唔好忘記入行原因，做好音樂，娛樂大家。」

昨晚的「銷量歌手大獎」的組合為五月天，女歌手為容祖兒，男歌手則是張敬軒。軒仔就多謝每位仍會買實體碟的人：「個音質同包裝都有我哋嘅concept喺入面，所以實體唱片唔可以冇！」

今年的「十大金曲獎」今年新增至十二首，第十首為AGA與Gin Lee合唱的《獨一無二》，兩人同以黑色透視裝現身領獎。而第十一首為鄭欣宜的《女神》，原先正與JW談天的她突然知道自己獲獎，即急步行上台，而這次她未有再落淚，首次奪此獎的她說：「我覺得2016年好多驚喜，以為自己冇咩機會唱歌，但得到咁好嘅歌，超越咗我諗嘅，呢首歌嘅力量好大，而我只系一個幸運兒，我之後會靠自己，做得更好！多謝fans，啲燈牌好靚！」