同陳凱琳幾時結婚？嘉穎：意外就好難講胡定欣暗寸黃心穎：你仲要姻緣石？

娛樂 01-08

新歌推薦

人情

= 程文政 =

今日快報

張繼聰唔喺身邊　謝安琪作反著厚底鞋

歌手謝安琪目前懷孕約七個月，靜極思動的她閉關養胎一段日子，日前晚上9時許現身商場，雖然身穿松身裙及厚外套，腹部明顯較前隆起，巨肚乍現，素顏上陣的她精神相當不錯，甫見記者便友善地打招呼，又揮手又送單眼，認真風騷。

早前謝安琪穿松糕鞋與老公張繼聰行街，被哦到要買鞋即換。這天老公忙於賺奶粉錢，沒有人監場之下謝安琪又再貪靚地出動厚底鞋，她笑笑口地向記者透露約了朋友飯敘，並祝大家新年快樂，即挺著大肚子健步如飛地離開。

同陳凱琳幾時結婚？嘉穎：意外就好難講

藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時，問到他有份參演的5D音樂劇《風雲》是否已開始排練？他說：「每個都單獨綵排緊自己嘅部分，未合體，三月先，好似積木咁啫，我哋自己排曬，三月份就夾埋一齊總綵排，都仲有一個月時間。」又笑謂自己不像同劇的謝天華是「舞王」，自己跳舞是弱項，所以要加緊排練：「或者可以問天華少少，佢記舞真系好快，有幾隻舞，音樂劇冇理由企喺度，有啲就武打，希望到時畀到5D嘅感覺畀大家。（點5D？有汗味？）汗味就難少少，有火有水。」

問到女友陳凱琳屆時可會捧場？嘉穎說：「梗系會啦！我阿媽又會嚟。（女友嚟幾多場？）睇佢使唔使開工先啦，要開劇嘅嚟到一場已經算好，唔使開劇就可以嚟多少少。（煲湯畀你？）蛋糕多啲，湯就少啲，佢話佢會研究嚇點煲好啲湯，我都對佢廚藝幾有信心，佢整蛋糕就幾拿手，大家遲啲有機會試嚇。（整結婚蛋糕定禮餅？）禮餅呢啲邊會自己做啦。」問到今年可會成家立室？他笑說：「你唔系今日問我呢啲嘢呀？今日講《風雲》，真系無可奉告。暫時工作先啦，未有planning，不過意外就好難講，即繫到時你咪知。（已求婚？）未，未有咁快。」

黃心穎上山搵姻緣石　定欣暗寸：你仲要？

藝人黃心穎近日被傳出同鑽石級筍盤馬國明拍拖，有指馬國明為免戀情曝光，經常凌晨時分先出入女友香閨，享受二人世界，不過兩個當事人都否認話系好朋友。昨日黃心穎喺IG上載張同姻緣石嘅合照，系呀！你冇睇錯呀！系姻緣石呀！被傳蜜運黃心穎都仲要拜姻緣？原來佢之不過係為拍劇開外景姐，她留言：「傳說中的姻緣石，今日特登行上嚟。。。拍劇。」

唔少網友都祝心穎BB快啲搵到好姻緣，但亮點系馬國明前度女朋友胡定欣都忍唔住暗寸佢話：「你仲要姻緣石？」唔通緋聞真系真嘅？

孖周柏豪拍廣告　鍾浠文攬貓曬線

歌手周柏豪近日與模特兒好友鍾浠文（Zelia）為鑽飾品牌合作進行攝影創作實驗，並以名種貓Tommy仔作為靈感，打造唯美浪漫與得意趣致兼俱的影象。柏豪表示貓是他人生另一重要伴侶，他曾經養過6隻貓，陪他走過人生高山低谷，見證了他的成長：「貓咪一時冷酷高傲，一時又小鳥依人，佢哋變幻無常嘅性格好似戀愛中嘅女仔咁。」

拍攝當日，貓咪活潑好動，非常考驗攝影師的功力，喜愛接受挑戰的柏豪坦言十分興奮，認為十分有挑戰性！而Zelia就以寶藍色中空性感長裙及火紅色一字連身短裙上陣，性感高貴，與好友柏豪在鏡頭前演繹時駕輕就熟。

陳寶珠撐仔仔！楊怡「谷」出真眼淚

一眾藝人包括楊怡、萬綺雯、黎燕珊、朱慧敏、呂頌賢及陳寶珠兒子楊天經等，演出的舞台劇《我和春天有個約會》，在昨晚（三日）於上海蘭心大劇院正式公演，首場反應熱烈，全院滿座！當中最令一眾演員感動莫名的，是至愛的另一半或至親均親自飛抵上海欣賞演出及打氣！向來為廿四孝母親的女星陳寶珠，偕同女星馮寶寶等好友拉隊來支持兒子楊天經的演出，而萬綺雯的老公兼著名編劇陳十三也親自飛來欣賞演出，並即席獲萬綺雯送吻以作「獎勵」！

陳寶珠說：「好耐之前睇過《我》劇，今次演出好精彩，每一位演出者都盡心演出，令我有個好開心嘅晚上！多謝主辦單位畀天經有呢個機會嚟演出，我覺得天經演得唔錯，好淡定演繹Danny呢個角色，當然都有進步空間，作為媽媽嘅我，當然希望下次重演時天經可以有更多方面嘅參與，多謝大家嘅支持。」