超級事業線！欣宜拋巨胸拎獎郭晉安當眾抓pat嚇壞蔡少芬

娛樂 01-09

今日快報

勁歌：超級事業線！欣宜拋巨胸拎獎

《2016年度勁歌金曲頒獎典禮》昨晚舉行，第四個「勁歌金曲獎」由盧敏儀頒發，佢宣布得獎者時話：「佢媽咪一定好開心，佢媽咪佗佢嗰時日日篤手指睇住自己個情況！」之後宣布鄭欣宜憑《女神》得獎，欣宜台上話：「我好多謝TVB、唱片公司同埋粉絲，佢哋畀咗好多自由空間我！」欣宜DEEP V晚裝上陣，一雙導彈胸真系嚇死人！

睇見都痛！余文樂話你知爆肌點練成

型男余文樂（樂仔）早前喺社交平台上載咗自己Fit爆身形嘅靚相，展現完美嘅線條，簡直個個睇完都嘩嘩聲！

不過為咗咁完美嘅身體狀態，當然要下好多苦功啦，如果唔系邊有咁易有個靚Body呀！之前樂仔都有透露過要閉關10個月，進行地獄式健身訓練，有幾地獄式？樂仔昨日就分享咗段片，為咗要練成完美嘅線條，真系要不惜一切。片中見到樂仔嘅教練用一枝棍喺咁轆樂仔側邊嘅肌肉，嘩，真系睇見都覺痛呀！所以，樂仔都話：「過程是艱苦的，但我每天都告訴自己我可以克服它。」唔少網民都紛紛留言大讚樂仔嘅堅持，仲話真系隔住個Mon都Feel到痛呀！

同系拍片放上網　劉佩玥唔怕畀KOL搶飯食

藝人劉佩玥（Moon）在無線活動擔任評判。問她揀選KOL的準則，她指能夠啟發別人至為重要：「齋搞笑冇意思，睇唔夠一分鐘就會閂。」又指自己一直有拍片放上網，例如唱歌和分享工作生活。問會否擔心一班KOL加入無線後會「搶飯食」，她指有競爭才有進步：「但我諗我同佢哋唔會撞！」亦指自己正努力尋找自己定位。

【痕又點忍呀】郭晉安當眾??籮嚇窒蔡少芬

藝人蔡少芬（Ada）最近忙於拍攝無線劇集《老表，畢業喇！》，雖然工作忙碌，不過佢一樣咁enjoy，因為佢可以同老拍檔郭晉安（安仔）相隔十多年再度合作，簡直系超級開心！呢日Ada喺社交平台上載咗幾張開工相，相中見到安仔同甘草演員秦煌背向鏡頭，安仔仲要疑似??pat pat??，Ada仲話：「安仔你好痕啊??哈。。。。。搞笑！」嘩，Ada見到咁嘅情景，個樣O曬嘴，仲要用手撳實個鼻??，十分搞笑！似乎佢哋嗰陣時系休息時間，所以安仔就畀啲歡樂大家輕鬆嚇，難怪Ada開工開得咁開心啦！