她號稱娛樂圈緋聞絕緣體，拍拖11年沒過過情人節，預計4月拉埋天窗！

娛樂 02-17

「處女黨」成員之一王君馨（Grace）去年低調入紙申請註冊，與拍拖11年的圈外男友Daniel結束愛情長跑，Daniel更有意為另一半放棄美國的事業來港定居。雖然Grace近日對外宣稱婚禮日期未定，甚至有可能趕不及今年內舉行，但據知她將於4月拉埋天窗，未來老公Daniel近日更抽空來港陪伴佳人，讓女友可以寓拍拖於籌備婚禮。

日前晚上，Grace 被發現與Daniel乘的士返回女方位於將軍澳的香閨，Daniel落車時一袋二袋，其中包括大大袋的雪糕，似乎準備上樓甜蜜開餐。雖然Grace與Daniel拍拖逾十個寒暑，但仍有說不完的話題，戴情侶帽的兩人等??時雞啄唔斷，令一齊搭??的住客不禁眼望望。

此外，Grace日前又被發現與近日合作新歌的鍾舒漫到銅鑼灣買衫、化妝品及結婚雜誌。兩女先到時裝店睇衫，一睇就睇足一粒鍾，期間兩人有傾有講，輪流拎起心頭好「埋鏡拼拼」，離開時更一袋二袋戰利品，收穫甚豐。之後兩女轉睇化妝品，雖然化妝品專櫃人來人往，但她們企定專心聽售貨員講解，誓做最美新娘的Grace更伸出玉手試化妝品。

之後兩女再轉到大型書店，雖然Grace手上已經拎著剛才買的化妝品，但仍手捧兩大本婚禮及時裝雜誌不停揭，希望從中取經，套用到自己的婚禮上。

有媒體就正式婚期及是否到美國舉行婚禮致電Grace，她說：「仲有好多嘢計劃中，婚禮可能喺香港搞，但要搵個合心水又適合嘅地方好睏難，冇咁快。（會唔會唔聲唔聲情人節結婚？）我應該唔會抄李亞男喺情人節結婚，因為我情人節會去馬來西亞開首飾舖嘅分店。（未婚夫都會過去？）唔知呢，可能會有驚喜。

其實我哋拍拖11年，都未試過情人節喺埋一齊食餐飯，我唔需要收花，情人節可以一齊食餐飯，已經系好好嘅禮物！

」

Grace提到婚禮籌備進展，她說：「我仲以為會好快搞掂曬，點知試婚紗嘅時候，發現自己好花心，有袖定冇袖好？透視定系唔透視？依家打算pre-wedding揀啲性感少少嘅婚紗，正式時就保守少少，同埋會去一個未去過又比較熱嘅地方影婚紗相，唔知另一半肯唔肯呢？（婚期定咗幾時？）未定，我想夏天同秋天之間，但其實我唔知趕唔趕得切喺今年內進行，鍾嘉欣之前都最少預半年時間籌備。」