重提《歌手》風波張敬軒跪謝歌迷陳凱琳情人節玩人肉速遞搞到嘉穎破戒

娛樂 02-21

每日歌曲

陳凱琳情人節玩人肉速遞　搞到嘉穎破戒

陳凱琳同鄭嘉穎拍拖兩年多，喺啱啱過咗嘅情人節，佢哋各有各忙，陳嘉琳忙住拍戲，而鄭嘉穎就忙住綵排舞台劇，不過陳凱琳花盡心思冧男友，佢話情人節前一天啱啱好有2個鐘空檔，佢即時親自製作咗個蛋糕畀嘉穎，令到嘉穎好驚喜。

而本來為舞台劇要減肥嘅嘉穎，都畀陳凱琳嘅誠意打動，破戒食蛋糕。食咗一啖之後，嘉穎希望生日嗰陣，可以再食到陳凱琳親手整嘅蛋糕，認真Sweet爆！之後嘉穎當然都十分識做咁，請番女友食晚餐，陳凱琳話佢哋較注重心意，唔會使錢買禮物。

唐詩詠收楊怡雙封利是：多謝羅太

楊怡於去年與羅仲謙結婚，今個農曆新年首次以羅太身份派利是，新婚嘅佢仲要派雙方，呢日好朋友唐詩詠就上載二人合照，詩詠留言：「

你一封利是一定要??[酷][酷]多謝羅太

」。

詩詠拎住兩封印有「羅」姓嘅利是，同楊怡頭貼頭合照，佢兩個仲要素顏上陣，不過一個有愛情滋潤，一個就新婚，望落去都系咁紅粉緋緋，狀態大勇呀！

重提《歌手》風波　軒仔鞠躬跪謝歌迷

張敬軒（軒仔）及王菀之（Ivana）紅館演唱會開鑼，換上金色褸的軒仔上台獨唱《等》及《櫻花樹下》，唱完後，軒仔單膝跪下多謝歌迷，表示此兩曲是今晚特地揀，並主動提起《歌手》風波：「大約一個月前大家睇報道都知，嗰段時間…」

歌迷即拍手又叫軒仔不要再講，軒仔即鞠躬、飛吻及再單膝跪多謝歌迷：「多謝！當時呢個節目想我唱多啲廣東歌，呢兩首歌我本來想喺節目唱，因為一首系我代表作，另一首系粵語流行曲最輝煌時，我偶像陳百強唱嘅作品，今晚把握機會畀在座聽兩首歌，算系圓咗一個心事。（大家拍手）如果今晚可以有個百寶袋裝住大家嘅歡呼聲掌聲就好，我會繼續用聲音、音樂Talent去唱多啲好歌，因為只有我嘅歌先可說明一切。」他亦謂今晚個台是棵生命樹，希望把正能量送畀大家，接著便唱《羅賓》及《頭髮亂了》，期間行去四面台握手。

再做卓Sir！苗僑偉Chok住拍《使徒2》

苗僑偉（Michael）、麥明詩、袁偉豪、黃翠如及周柏豪等，日前於中環拍攝TVB劇集《使徒行者2》。苗僑偉繼續在劇中演卓凱一角，以型格長皮褸Chok爆現身的他，拍攝與一眾卧底手下見面的戲份。Michael對其「手下」們讚不絕口：「佢哋都系演警察。（乖唔乖？）全部系有經驗的演員！（拍得辛苦？）唔辛苦，今次咁多人可以分擔戲份！」他預告稍後日子會親身上陣拍攝連場槍戰場口，又會與宣萱談情：「套劇由上年十月尾拍到二月尾，去咗泰國、深圳取景。飛車同動作戲喺泰國拍，槍戰就留喺香港拍。（親身上陣？）做得到就會做！我仲會同宣萱同陳豪上演三角微妙關係。」

談到前日情人節安排，Michael表示一早準備好鮮花送給太太戚美珍，自己一收工就趕與對方食飯，認真恩愛！他說：「夜晚食飯同送花，送花畀老婆都唔會厭。（收工先買？）呢啲一早準備曬！」問他拍畢劇集後會否與太太去旅行散心？Michael笑言早前帶太太拍外景當旅行：「拍完會留港休息，平時仲飛唔夠咩？（太太平時做跟得夫人同你拍外景？）我去開工，佢去玩當旅行，大家寓工作於娛樂！」

劉丹踏實愛回家　羅樂林錢作怪

無綫全新處境劇《愛．回家之開心速遞》將於本月二十日晚上八時正首播，暫定180集。劇集由劉丹飾演的熊樹根及羅樂林飾演的龍敢威作主線，出身草根的劉丹捱出一間物流公司，而羅樂林則是富商，是百貨公司的鉅子。羅樂林為追上潮流決定搞網上購物生意，需要與物流公司合作，在其網店打工的呂慧儀，遂將物流運輸的工作交給爸爸劉丹，將兩個截然不同的家庭連繫一起。

監製羅鎮岳表示處境劇貼近生活，以物流公司作主線，而今次的組合亦十分新鮮，是劉丹首次與羅樂林及呂慧儀等合作，希望讓觀眾有新鮮感，戲中的劉丹是實事實幹的人，為人節儉，三代同堂又一家融洽，反觀羅樂林為人豪爽，而且有幾房太太及子女，因家族有錢而出現爭寵、爭產的情節。

呂慧儀努力工作卻懷才不遇，更是嫁杏無期，不過她身邊就有一位青梅竹馬、飾演貨車司機的馬貫東為她默默付出，暗戀卻不敢表白，擔心一旦表白連朋友都做不成。現實中呂慧儀年紀比馬貫東大四年，更已為人母，談到如此組合，呂慧儀笑說：「馬貫東都唔系新人?啦，佢同我一齊拎十年金牌?！（姊弟戀？）又冇乜嘢，因為系佢暗戀我。」首次同劉丹合作的她謂很開心，因對方有爸爸的感覺。

一場誤會？孫慧雪貼洗小姐道歉卡還清白