她紅極一時嫁給船王，自曝為駐顏每晚打針，如今陷入「三奶」遺產爭奪！

娛樂 02-21

女人天生愛購物，睇嘢買都好似特別精神，當年「邵氏十二金釵」之一嘅何琍琍，天生美人胚子，喺事業如日方中之際，退出影視圈，嫁俾船運業巨子趙世光，今年就年屆70歲嘅何琍琍仍然保養得宜，上周五同女女趙式平行街，睇落似足姊妹咁，式平個樣仲有幾分似鍾嘉欣BB!

睇見何琍琍心情靚靚，未有受「三奶」劉園園上月興訟爭產案所影響。華光航業集團董事長趙世光去年離世，即後就爆出三奶劉園園爭奪遺產。

原告為劉園園及其兩名女兒蔡愷玲及蔡珮玲名下的日盈投資有限公司，被告為趙世光的正室趙何琍琍、四子女趙式明、趙式和、趙式平、趙式慶、以及二奶程秀麗與一對子女趙式康、趙式珠。趙何琍琍與四子女昨由律師代表出庭，二奶一方則缺席。

趙何琍琍及四名子女，早前要求法庭剔除劉提出的申索，質疑劉提出遺囑認證訴訟的資格，拒絕向劉交出趙世光的遺囑，認為劉只為取閱遺囑以便提出其他訴訟，劉園園一方則揚言按法例規定，被告一方須交出遺囑，聆案官最終決定將爭議交給主審法官處理，

案件排期5月2號再審。

何琍琍與已故華光航業集團董事長趙世光愈40年嘅婚姻當中，的確經歷過不同風波，喺1994年一個訪問入面，何琍琍更分享自己對感情事嘅睇法，佢認為「

男人基本上是Sex-driven的。

」

何琍琍認為男女感情煩惱都系千篇一律，就系「女人埋怨男人變咗心」。講到婚姻，佢認為男人結婚後唔會培養同妻子嘅感情，一旦對妻子嘅肉體失去感覺時，就會發生婚外情。

看透男女關係嘅何琍琍，大膽地指出：「

男人和你進入教堂時，在那個moment他是百分百忠心，但後來隨著生理上的變化，他對你失去肉體上那種感覺時，親密關係就會降低了

。」佢又話男人就算知道出軌系唔啱，但系都控制唔到婚外情嘅發生。

既然講到無避免，咁仲有咩可以做？何琍琍話：「

當你把一切當成自然會發生的，看淡些，那便可以了。

」

何琍琍呢個態度，在趙世光被曝出和紅顏知己譚玉梅（Mary）關係密切的時候，就說過

「

做大婆一定要有器量！

」

何琍琍，講起呢個名，大家可能只會諗起佢系華光航業集團董事長趙世光嘅遺孀，但其實何琍琍曾經系50、60年代叱吒一時嘅邵氏女明星。

坊間話何琍琍系台灣人，但何琍琍1994年，接受傳媒專訪時，就澄清咗佢系1947年底喺南京出世，後移居台灣，15歲佢被導演袁秋楓發掘，喺電影《山歌姻緣》做配角，之後佢喺《蘭嶼之歌》已榮升做第二女主角。其後佢加盟邵氏電影，同

胡燕妮、沉依、金霏、林嘉、潘迎紫、趙心研、祝菁、林玉、丁茜

，合稱為「邵氏十二金釵」。順帶一提，出道時何琍琍個「琍」字，經常被誤寫成「莉」，所以有指佢系1966年左右，就用咗「何莉莉」呢個藝名。

多年來，何琍琍拍過40多部電影，豪放形象已經引起國際注目。講到拍第二套片《蘭嶼之歌》，就做第二女主角，何琍琍話：「還記得拍《蘭嶼之歌》的時候，我很害怕，演技當然稚嫩，把潘壘(導演)氣死了，說我根本不會演戲，還考慮換人，但鄒(文懷)先生一定要用我。」

之後佢嘅演出都好破格，好似喺《文泰姬》嘅半裸演出、《十四女英豪》入面反串演出，就攞咗亞洲影展嘅特殊超越表演女主角獎，仲有佢喺《愛奴》一片，更飾演同性戀者，就已經開創先河。

《文泰姬》

其他嘅經典作品，包括《何日君再來》、《船》、《玉面飛狐》、《鐵觀音勇破爆炸黨》、《那個不多情》、《吉祥賭坊》、《大軍閥》、《北地胭脂》、《江湖行》、《舞衣》同《五大漢》等等。

《愛奴》

1972年，何琍琍曾經轉戰時裝界，事關當時武打片當道，而佢就唔擅長打鬥，但又想精神有寄託，所以就開咗時裝店，當時算系佢嘅演藝事業低潮，何琍琍曾經有諗過系咪公司唔重視佢，但後來佢諗通咗，公司花咗咁多錢栽培，冇理由唔好好利用佢，只系潮流興武打，也沒法子，佢都好慨嘆咁講：「環境可以使一個人改變。」但之後佢就接咗《吉祥賭坊》，令到佢事業再有起色，佢話：「《吉祥賭坊》角色是我最滿意的，無論是表現方式和角色，對我都是最貼切的，這可能是和我的個性一樣。」