神似黃子華的他，曾是「無線指定奸仔」，離巢二十年如今回無線教陳凱琳蔡思貝演技？

娛樂 02-25

何浩源，一個名字陌生，但個樣唔陌生的藝人。如果你是在8、90年代電視迷的話，對做過唔少奸角的何浩源，應該有印象。

出生於澳門的何浩源，自細就中意做戲，當年佢讀緊中四，就跑去片場拍戲，第一個角色系飾演一隻老鬼。

中學畢業後，何浩源就收到演藝學院的錄取信，同屆仲有詹瑞文、陳錦鴻，麥兆輝等人。

在演藝學院就讀期間，何浩源是一個出色的學生，未畢業已獲電影公司睇中，參演電影《著牛仔褲的鐘馗》。

睇番其當年模樣，真系有幾分似黃子華。

「其實我瘦嗰陣時，系啦，嗰陣時瘦嗰陣，唔知點解話我似黃子華。有一次我在碰巧見到黃子華，我同佢講：『喂，啲人話我似你喎！』跟住佢話：『唉，咁就真系sorry（擰擰頭），唔好意思呀，唔系似劉德華添！』佢真系好搞笑。」咁自己覺得似唔似？「某啲啲啦，瘦嗰陣時囉，一個演員最憎似人0架嘛！」

《搶錢夫妻》

1990年何浩源從演藝學院畢業後，順利成為無線全職藝員，拍過不少劇集，包括《射鵰英雄傳》(張智霖版，飾演哲別)、《殭屍福星》、《笑傲江湖》、《刑事偵緝檔案2》。

《笑傲江湖》

《刑事偵緝檔案2》

此外他又拍過電影《搶錢夫妻》、《追兇20年》、《超級整蠱霸王》等等。

《追兇20年》

其中同曾江合作的半小時單元劇《父與子》，何浩源仲系半個男主角，但大部份都系做奸角。何浩源曾經在訪問中，坦言演藝人生當中，70%系演奸角，30%系做忠角。

佢曾經因為推掉冇興趣的角色，被公司指唔夠工作量，佢亦曾經在兩年間瘋狂接show，成為爆show演員。

大台零機會零發揮，何浩源最終選擇離開，1996年離開大台後，他投身舞台劇，又做過傳銷又傳過地產經紀，專賣九肚山嗰類豪宅。

還幫過大企業train員工，包括澳門新濠天地。服務行業+迎送生涯+日日面對千面八將，打賭場工，真系少啲演技都唔掂。何浩源分享謂：「佢哋開張之前，成間公司由經理呀、高層中層低層都有演技訓練，二千幾人，我哋成隊導師團隊一齊過去訓練佢哋。因為佢哋系娛樂場嚟0架嘛，要俾到啲娛樂啲客。」

不過何浩源冇停止過舞台演出同創作，今時今日，何浩源依舊積极參与由演藝學院畢業生組成嘅劇團「演戲家族」，依家重返舞台，仲讀埋戲劇系碩士。

離開無線，有說何浩源鬱郁不得志。他爽快地說:「真嘅，真系鬱郁不得志嘅！」他逐字吐出。「其實好得意嘅，嗰陣時我離開TVB，個勢系好好嘅，」自信滿滿的雙手抱胸：「其實呢，TVB嗰陣系俾好多機會我嘅，亦都好多謝王心慰監製，佢俾好多機會我，我做好多奸角都好出位，跟住我就諗，唔通成世喺TVB做奸角？我要突破呀！嗰啲咁嘅嘢囉，又唔系話一時衝動因為唔想黐須而走嘅，但嗰刻系真系覺得鬱郁不得志囉。」一口氣講完，何浩源頓了頓：「原來鬱郁不得志呢幾個字系急口令嚟0架！鬱郁不得志，OK？」