鄧兆尊與三位女友相處：唔需要公平咁分 傳有新女友 方力申否認：系粉絲

今日快報

傳有新女友　方力申否認：系粉絲

方力申同Stephy分手已經一段時間，而小方亦不時被傳出有新戀情，但都被一一否認，而近日小方被發現同一名女子過從甚密，於社交網站上不時被發現小方與該女子的合照，而且動作頗親密更於合照時翹曬手，難免惹人猜測。有媒體就傳聞向方力申查詢，小方表示：「經常有女仔搵我影相都翹手。有些會問，有些不會問。放心，如果我真的拍拖，就不會有合照，哈哈，是多年粉絲。」

個樣勁辛苦！薛凱琪趕返香港幫媽咪慶生

藝人薛凱琪（Fiona）啱啱喺澳門出席完活動，未有稍作休息於凌晨時段現身碼頭，趕船返香港，之前Fiona透露自己有感冒，唔知系咪加埋喺活動中飲咗啲酒，Fiona邊行邊皺曬眉，個樣好唔舒服，Fiona表示，今日系媽咪生日，所以要一做完嘢，即刻趕返香港預備幫媽咪慶生。

達明一派開騷批淮粉絲猛鞋扯褲

由黃耀明及劉以達組成的達明一派將於3月23至25日在紅館舉行《達明卅一派對演唱會》，第四度登上紅館開騷，他們除了會按照傳統，為每次演唱會創作《排名不分先後左右忠奸》新版本外，今次更會大玩突破，將首次挑戰四面台。問到是否可以近到掂到他們？劉以達表示：「可以架，猛鞋呀，扯褲呀。」問到可是不介意歌迷做這些事？他即謂介意，認真搞笑！

講到今次演唱會找不到贊助商，由環球唱片公司全力支持及主辦，有指是與黃耀明過往一些言論及政治見解有關，問到可會對開騷造成無形的壓力？黃耀明表示：「我諗佢同我的主辦一定知道，佢冇諗住話你唔好唱呢首歌，或唔好講呢啲嘢。」另外，講到他們剛推出專輯《達明一代》，邀請了不同歌手或樂隊演繹他們的作品，如符致逸、觸執毛等，當中大多是後輩，唯獨葉德嫻是前輩，對此他們表示：「咁好玩啲，因為有唔同年代嘅人，都系我的自己嘅虛榮，紀念下我的嘅周年紀念，所以搵一啲我的好喜歡嘅人玩我的嘅歌。」

【老公女女呢？】素顏蔡少芬獨自開餐

蔡少芬（Ada）一向工作忙爆，之前佢忙完拍劇，之後又要飛去外地錄節目，真系忙到甩轆呀！Ada早前仲因休息唔夠搞到生痱滋，真系陰公豬喇！

呢日Ada就喺社交平台同網友分享佢自己一個食早餐嘅相，仲話：「一清早自己一個去食早餐！真享受一個人的感覺。（最多半小時內）」相中就見到餐廳內一個人都冇，佢仲大方以素顏上陣，自己一個歎美食，相信佢都好享受一個人的時光。但眼利嘅網友就見到佢話最多半小時內，唔通女女同老公張晉會跟住join佢？仲有唔少網友大讚Ada就算素顏上陣，都一樣咁靚，皮膚仲好好，真系好羨慕咁話！

盧冠廷澄清冇QQ帳號

盧冠廷（LoLo）所屬的環球唱片公司昨日發出聲明，指網上謠傳LoLo擁有內地QQ帳號及與某娛樂公司合作，並利用LoLo名義詐騙一事，環球稱此事是不實訊息，並有誤導及欺騙消費者之嫌，澄清LoLo沒有任何內地QQ帳號，亦跟該娛樂公司沒任何關係。LoLo昨天透過環球說：「交由唱片公司處理。」而環球發言人說：「出聲明系以正視聽，不想有人誤導及受欺騙。（系咪有人被詐騙？）未有金錢上損失。」

鄧兆尊與三位女友相處：唔需要公平咁分

鄧兆尊近年出現三位女朋友Carmen、車厘子、Claire，不少人都會對四人怎樣相處感興趣。鄧兆尊接受訪問大方談到與三位女友的相處情況，並直言自己不喜歡現在女友們「三人行」的局面，鄧兆尊謂：「

其實依家呢個局面唔系我想見到嘅，全部都系陰差陽錯，令到大家行到呢個局面。

（三位女友有無話喜歡你甚麽？）我絕對冇乜嘢值得人喜歡，或者系好恰啦。（咁第一個女友知道你有第二個女友嘅時候，反應系點呢？）好冷靜，因為系好自然咁發生，但當然中間有啲問題，但我唔會講。」至於鄧兆尊跟這三位女友相處是怎樣分配時間？他謂：「

我哋唔會特定邊一日系邊一個，只要邊個需要我多啲，就會陪嗰個多啲，唔需要公平咁分，佢哋三個亦有個電話group，大家會知道大家嘅情況。

」

對於祥嫂入院，鄧兆尊直言已知悉，並謂：「佢冇乜嘢。（你同祥嫂現在的關係是否不太好？）我同佢其實冇嘢，我可以去搵佢，只系佢同小艾有啲小拗撬，呢啲每個屋企都會有。（有冇諗住探嚇佢？）佢冇乜嘢，我有啲好好嘅朋友喺佢身邊，如果佢有事，我會知道嘅。只系我唔系好明點解佢去開九龍區一間醫院，但今日又去咗香港區個間，不過佢兩間都會去下嘅。」

?轉載授權微信：lama129

? 商務QQ：1900556960

?投稿郵箱：tghkchannel@163.com

您的贊是小編持續努力的最大動力，動動手指贊一下吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 HKChannel 的精彩文章: