祥嫂靈堂哭訴：兆尊曬命為返娛樂圈苟芸慧默認戀陸漢洋：會考慮終身大事

娛樂 02-28

今日快報

祥嫂靈堂哭訴：兆尊曬命為返娛樂圈

「祥嫂」洪金梅撐著拐杖在契仔契女陪同下現身魯芬靈堂，問到最後一次與魯芬的見面情況？祥嫂說：「年底喺元朗撞到，當時佢身體睇落唔錯，平時元朗街市都會見到佢。」撐拐杖現身的她問到身體如何？她說：「頂得順，今次系魯芬最後一次，一定要嚟。」

祥嫂被問到鄧兆尊早前接受訪問大談身邊三位紅顏知己之事時，祥嫂聞言實時眼紅紅，更邊講邊落淚，更顯得步履不穩，表示要冷靜一下：「畀我組織下先，咁同你哋（指記者）有個交代，覺得你哋要憐憫嚇我。」祥嫂整理思緒後說：「呢件系好事，個仔都人見人愛，始終系新馬師曾個仔，手頭上有4個、6個都好應該，年輕人嚟?嘛，我講得得唔得體呀？唔好再笑佢同挖苦佢，畀返啲面祥哥（新馬師曾），其實我都好掛住，鄧兆尊有3個咁多，唔好再令佢煩惱，要煩就煩我好啦。」

祥嫂突然聲淚俱下激動地說：「兆尊今日出嚟承認，佢系有苦衷，佢想入番娛樂圈呀，唔知系邊個蠶蟲師爺度條咁嘅橋，叫佢一拖一、一拖三咁出嚟，咁樣搞，唔好咁啦兆尊，啲男仔睇到你亦都會話你曬命。」祥嫂接著說：「仔，呢個系身體健康嘅象徵，最緊要唔好畀啲女人啰啰唆唆！唔怕，你有幾多個，媽咪都繼續支持，最緊要你應付得嚟！仔，你唔好怕，你返出嚟（娛樂圈）啦！」

祥嫂停一停說：「我要講得好得體，亦都要講事實。佢呢個系一個方法嚟，想返娛樂圈......留一點情畀新馬仔，佢做咁多好事，幫盡咁多人，亦都等如幫我祥嫂。」祥嫂突然又激動搞高聲調：「我講嘅嘢依家覺得好得體，但系事實嚟，希望留返啲面畀祥哥，亦都當系幫助嚇我啰！我啲仔從來冇爭過產，唔曳嘅，系我一個人衰，我一個人唔啱！該死嘅唔死，（指向靈堂）後生嘅死咗！生命好脆弱，自己都唔及當年，唔好為我難過，呢樣嘢我19年來冇講過，係為咗顧全大局，依家先講返！」話畢，祥嫂由契仔契女陪同下回到靈堂。

苟芸慧默認戀陸漢洋：會考慮終身大事

藝人苟芸慧、李逸朗及何紫綸到銅鑼灣出席面膜品牌活動，苟姑娘身穿黑色連身裙雍容華貴，講到日前被拍到獲賽車手緋聞男友陸漢洋接載，苟姑娘全程甜絲絲回應：「當日系我有啲唔舒服，好sweet咁有人問我喺邊，順便喺我病嘅時候Take care（照顧）我，系好warm（溫暖）嘅。（佢系你專屬柴可夫？）系……嘅，但唔知會唔會車其他人喎！（依家關係系咩？系咪情人？）想留畀佢答，雖然佢低調，但都會出嚟見人嘅，我想尊重番佢，不過好多謝佢情人節畀咗個驚喜晚餐我，夾好曬啲朋友，好sweet，佢系個細心、幾啱嘅人。（收埋戒指？）留番啲秘密，總之好開心、好sweet。（想低調啲？）系，交番畀佢講好啲。」

苟姑娘對新歡開曬綠燈，問何時到她好事近？她說：「尋日做完姊妹，系同屆華姐出嫁，不過冇搶花球，我之後仲要做兩次姊妹，完成咗先考慮自己人生大事。（你做過幾多次姊妹？）好多次呀！聽人講伴娘唔可以做多過三次，姊妹就冇所謂。」

唔受限於婚書　施南生當年同徐克扮結婚

剛在柏林影展榮獲金攝影機獎、資深電影工作者施南生成為歷來第三位華人，獲得同項殊榮，她接受電台節目主持車淑梅訪問時，分享得獎感受及感情經歷。施南生強調從沒想過在電影業做到甚麼成就，一心只想到有工作便要百分百投入做好。施南生精通英、法、德、日等多國語言，她小時候的志願並非投身電影行業，而是想當個外交家四處遊歷，或是成為追求公義的記者。

年輕時施南生與徐克可謂十分相似，既充滿理想，又熱血，他們更分別在英國和美國參與學生運動。1978年初次相遇很快便「撻著」，施南生笑言當年的徐克十足像個越南難民，現在樣子才順眼得多。二人曾在1981年傳出婚訊，施南生坦言當年她那思想前衛的媽媽教她在旅行後假說二人已結婚便可，毋須受限於一紙婚書，若是命中注定捱得過的關係，便一定能一直下去。她又指，全因黃沾要為他倆安排一頓傳媒晚宴，讓大家以為他們真的結婚了。

15年後，施南生與徐克終在美國簽下婚紙，並不因為要完成儀式，而是出於施南生對徐克的關愛︰「那時香港回歸在即，很多人都希望買個保險。因為我持有英國護照，婚後他便可跟隨我……碰巧當時在美國搞劇本，比較空閑，可以結一次婚。」問到徐克有否求婚？施南生坦言他並沒有，但她對此並不介懷，因她認為徐克是個有才華、做大事的人，不會拘泥於繁文縟節，故從不如常人般送花，也沒有節日的觀念。

談及二人離婚，施南生指這是雙方的決定︰「我們繼續一起工作，仍然是合作夥伴。我欣賞他是個好導演，心地也非常好。」她又稱讚對方想像力豐富，很具想像的意念也說到做到，所以做他的朋友都很有福氣。施南生坦言若看到徐克和少女的親昵行為，也會有點「呷醋」，因為自己並非機械人，不能一下子便放下，但她謂要用正能量去面對和記著對方的優點。她續指現時的生活和心情都很好，未有刻意追求第二春。

成日畀人話好多女　方力申：識我都知啦

歌手方力申（小方）出席萬希泉團年春茗宴，提到翹手粉絲的合照，他直言日前活動後，又有女嘉賓主動翹手合照，他說：「其實翹手影相好平常，佢哋自己行埋嚟。（會避？）避唔到，佢女仔都唔介意，我男仔都要有風度。可能大家太關注我嘅感情事，見到有靚少少嘅女仔就話我拍拖。（搵女友？）積極被動搵女朋友。」

小方更謂多年來從沒有女仔向他主動追求，笑言樣子太過正直，變了絕緣體，他續說：「好似拍葉念琛電影經常都話要愛就要搶，我又怕丑，已經唔識追女仔，啲人成日話方力申好多女友，識我都知…（擔屎唔偷食？）系呀。（公開徵女友？）大家想我快啲拍拖，就要主動啲，等我機會都多啲。」

重重包圍！黎明兌現承諾現身音樂節

由A Music主辦的戶外音樂活動《Dragonland Music Festival》今日於中環海濱舉行，繼美國歌手Redfoo表演後，著名DJ Steve Aoki緊接於晚上8時08分出場，在場觀眾氣氛仍然非常高漲。而天王黎明（Leon）昨晚開騷時送飛給粉絲今、明兩日睇騷，更表示自己都會入場做觀眾！