粉碎分手傳聞！洪永城孖住唐詩詠去團拜鍾嘉欣收身成功曬腰

娛樂 02-04

今日快報

粉碎分手傳聞！洪永城孖住唐詩詠去團拜

藝人洪永城（Tony）同有「絕世好女友」之稱的唐詩詠拍拖一直都恩恩愛愛，不過早前被指感情生疏，除咗唐詩詠經常「單身」出巡之外，二人亦一反常態好少喺社交網站放閃，唐詩詠去睇Big Bang港騷都冇預男友份，情侶關係明顯轉淡，雖然洪永城已經火速澄清二人情不變，但系傳聞一直未停過。

洪永城講過新年期間會孖住女友唐詩詠齊齊拜年，早幾日初四晚，洪永城果然如佢所講咁樣，孖住唐詩詠現身一個新春團拜活動，見佢哋笑曬口滿場飛，仲以情侶姿態同唔少人影合照。今次孖住上現身團拜活動，睇嚟佢哋嘅分手傳聞都可以平息。

收身成功曬腰　鍾嘉欣教囡囡Say Hi

靚媽鍾嘉欣現身時代廣場舉行的「金龍醒獅賀新歲」活動，產後6個月的她穿上露腰裝，現場所見已成功收身。嘉欣透露現時體重跟從前只差兩磅。新年期間有到長輩家拜年，不少親友買新年服給愛女Kelly，令其化身洋娃娃般，她謂新年願望是學識剪髮，準備將來為愛女及老公操刀。

由於今次回港是即日來回，故嘉欣只單拖回港，笑指未感疲累，反而感到刺激，她謂：「喺加拿大我都系湊女，所以返嚟工作好享受，老公都好支持。（系咪想多啲工作？）想投入多少少。（有冇趁今次搵無線高層樂易玲傾嚇？）時不時都有聯絡，但拍劇都未收到消息住。（同TVB仲有約？）有呀！」

嘉欣更大讚6個月大的愛女很乖，坐飛機齋睡覺，起飛、降落也食人奶，所以沒有耳仔痛而哭，更大談夫妻二人更為囡囡第一句說話而爭議，她謂：「我哋分別想佢叫爸爸同媽咪，最後共識系叫Hi，因為個女成日笑，如果佢講個Hi字一定好冧。（咁會唔會再生？）會，但唔會即刻，我湊唔切，自己同哥哥、家姐都系差兩年，所以等個女兩歲先。」

舒淇結束肥師奶假期　林熙蕾繼續放蕩

女星舒淇於2016年9月初下嫁馮德倫婚之後，多次傳出懷孕的消息，但當事人一直未有好消息要公布，不過她現正開始養肥自己，佢喺微博上載咗相，見佢嘟嘴食雪糕，不知幾咁滋味！留言：「終於結束胖胖人的假期，要好好減肥了。」連好朋友林熙蕾都有分享佢張相，留言附和：「我胖胖的假期還沒結束。」

陳展鵬愛犬不得了同主人合唱《財神到》

藝人陳展鵬在將軍澳出席無線賀歲劇《乘勝狙擊》之「人人大贏家」活動。攜同愛犬包包出場的他獲大批粉絲撐場。問為何帶包包出活動，他即指之前應承過粉絲帶牠出來拜年，亦不放心獨留牠在家：「佢好乖！（幾歲？）七歲喇，男仔嚟。」

展鵬更在訪問中即席示範與包包合唱賀年曲《財神到》，期間包包勁有Beat地「高呼」幾句，非常過癮。問有冇特別訓練牠唱歌，他即指是天性識，更笑住大爆試過在房中自彈自唱時，聽到客廳傳出怪聲附和，原來是包包在唱歌：「試過阿媽帶佢去剪毛時，咁啱播緊我同定欣《城寨》首歌，大家都問點解只狗識唱！」又謂緋聞女友胡定欣、陳山聰等同事都有見過包包。他亦在訪問中大爆年內會「拉埋天窗」，問是否代表他做老爺，他即笑謂：「我系佢阿哥啫！（介意畀細佬爬頭？）唔介意，但會收少咗利是，因為啲朋友都會封利是畀佢！」

胡杏兒被誤傳有喜：睇牙醫啫！