【冇料扮四條】蔡思貝濕身塞橙谷巨胸楊千嬅43歲生日做女王

娛樂 02-06

今日快報

【冇料扮四條】蔡思貝濕身塞橙谷巨胸

藝人蔡思貝與張振朗開工拍攝劇集《踩過界》的落水戲份，蔡思貝在劇中本身要帶牙套扮哨牙，面上又有刀疤，不過落水戲的造型更重口味！她面戴「臉堅尼」，穿上白背心及短褲，胸前更塞兩個橙造成激凸效果，谷出事業線，視覺效果令人震驚！

蔡思貝接受訪問時笑謂，自己要跟上潮流，故戴上大媽至愛的「臉堅尼」，更笑指「臉堅尼」早已登上法國的潮流雜誌，說到她以橙裝假狗，她笑言本身身材已不錯，想好上加好才用橙營造更豐滿效果。談到她在劇中已是丑角，今次更是丑上加丑，可會覺得大犧牲？蔡思貝表示是一種突破：「頭先服裝姐姐都話你港姐嚟?，做咩搞到自己咁，但我依家系演員！」她亦坦言起初不接受丑角，現在亦冇自信，張振朗就笑她：「丑角嚟講你系演繹得最好嗰個！」

蔡思貝又自爆瘀事，她指落水前有幾個準備下水的動作要拍，在練習動作時不小心跣腳跌落水，搞到濕曬身拍不成！在旁的張振朗揶揄她：「你真系好利害，做十次我笑足十次！」談到有傳洪永城與女友唐詩詠分手，曾與洪永城傳緋聞的蔡思貝就說：「我有留意到呀，假嘅，佢哋一齊去拜年，不知幾恩愛！」而張振朗亦被拍得與緋聞女友陳芷尤拍拖行街，他繼續否認戀情：「嗰日放工喺附近，咪一齊食飯啰！（依家都唔認？）工作為上啦！（攞視帝先認？）如果有機會攞咪認啰！」

蔡少芬愁爆拍拖　張晉女廁門外靜待老婆

藝人蔡少芬（Ada）與老公張晉2008年結婚至今恩愛不減，自從一對女兒楚兒及信兒先後出生後，一家人經常出動親子樂，大曬溫馨，日前兩公婆鮮有地撇下兩名女兒現身逛商場，並翹到實拍拖，不過卻見她一面愁爆，未知所為何事！

最近忙與郭晉安拍新劇《老表，畢業喇！》的Ada，難得有假期與老公獨處，見她捉實老公邊行邊傾，期間遇上友人，即停步熱情地傾了片刻，然後蔡少芬依依不捨地和對方抱抱告別。

兩公婆繼續手挽手閑逛名店，期間見到Ada皺曬眉頭，低頭行路，似乎有心事。之後，Ada突然人有三急往洗手間，「愛妻號」張晉則站在洗手間外玩電話等候，半步亦沒有走開，待老婆步出後兩人再往超級市場選購女兒喜歡的食物，拍拖不忘照顧女兒的需要。

洪欣囡囡三歲生日　開心錫錫哥哥

藝人洪欣同老公張丹峰生嘅囡囡張晞彤今日三歲生日，佢哋一家四口加埋一班親朋戚友總動員為壽星女慶祝，張丹峰喺微博上載多張溫馨慶生照，晞彤非常活潑可愛，表情多多，一時錫哥哥張浩鋒，一時又吹蠟燭，勁得意！張丹峰留言祝賀囡囡：「寶貝女兒，生日快樂！健康幸福的長大，爸爸、媽媽、哥哥永遠愛你喲！」而洪欣亦有轉發老公貼文，留言：「彤彤生日快樂！要聽媽媽的話哦！」真系凈睇相，都feel到幾有愛呀！

熊黛林呢？郭可頌單拖撩細路曬父愛

名模熊黛林去年與郭可盈弟弟郭可頌正式結為夫婦，榮升郭太的熊黛林迎來婚後第一個新年，不時孖住老公到處去拜年派利是。不過日前其夫郭可頌暫時撇下太太，獨自駕車現身跑馬地，期間遇上友人一家，郭可頌立即笑曬口掏出利是派給小朋友，他繼而彎腰逗玩小朋友，其冧爆笑容完全流露出恨做爸爸的心情，看來他今年都要加倍努力，和老婆生個雞年BB。

老公揼本開豪P　楊千嬅43歲生日做女王

前日系歌手楊千嬅43歲生日，家庭事業兩得意嘅佢，絕對稱得上系幸福人妻！踏入43歲，千嬅除咗有老公丁子高同囝囝Torres錫之外，其實仲有一大班朋友陪，好似姚子羚（Elaine）就出席佢嘅生日派對，之後子羚仲喺社交網站Instagram曬出二人嘅合照，並嗌網友估嚇Party主題，佢留言：「Happy birthday 丁太 and 人日快樂預祝電影大賣！」

相中千嬅打扮到好似女王般，化上誇張眼妝又著上白色露肩連身裙，認真搶眼！至於佢身旁嘅子羚亦一啲都唔惹少，著上黑色喱士裙優雅十足！兩人合照時，千嬅仲嘟曬嘴仔，心情好靚咁啵！話時話，姚子羚男友鄭子邦同丁子高老友鬼鬼，子羚去得千嬅嘅生日Party，相信鄭子邦都有份去喇啩，點解唔見佢Post男友蹤影相嘅？