張敬軒撤換風波後首現身唐詩詠心事未解決同阿田呻4粒鍾

娛樂 02-07

每日歌曲

蕭正楠《不變的愛》

今日快報

水腫一様索　吳若希曬腿自爆重68公斤

歌手吳若希（Jinny）佗B女差不多有6個月，現已停工休息留在澳門安胎。她早前在新年前返港與家人共享天倫時，更被拍得與澳門闊少男友何兆鴻（Alex）纏綿，感情非常要好。

准媽媽Jinny經常上載生活照片紀錄懷孕點滴，前晚就貼上舉V靚相，雖然相中面容略帶水腫，但她大曬長腿成功搶焦，並留言：「本來腫成這樣，拍完照都會留給自己看～可是因為這件毛衣是巴拉媽親手織的～所以要表揚一下。」她還加上「68kg的好孩子」的標籤，自爆現已重達68公斤。

此外，她又上載親手製作的口水肩，笑言似雀多過雞：「無（冇）嘢嫁（?）！拆咗佢再縫過囉～」有網民好心留言提醒孕婦不宜使用針線及塗指甲油，勸腹大便便的Jinny萬事小心！

關唔關洪永城事　唐詩詠同阿田呻4粒鍾

藝人洪永城（Tony）與有「絶世好女友」之稱的唐詩詠拍拖2年多，不時傳出感情亮紅燈，早前更有指因為洪永城翻撻舊愛令他和唐詩詠陷入冷戰，消息傳出後兩位當事人急急否認，不久前更趁新春結伴合體出席團拜活動，以行動粉碎傳言。

否認感情生變的唐詩詠似乎仍有心事未解決，日前相約人妻好友田蕊妮吐苦水傾到唔願走。當晚約7時，素顏的唐詩詠戴上粗框眼鏡，一身便服打扮駕車離開寓所，隨即駛往西貢，只見她將自己座駕停泊好，然後登上停在不遠處的田蕊妮車，兩人直往附近的西餐廳，抵達後踫見相熟朋友，兩人打過招呼即坐在落角邊食邊傾。

全程苦瓜乾麵口的詩詠，講多過食，不停吐苦水，傾足3小時依然未有離開的打算，此時田蕊妮開始頂唔住，要求轉枱到露天位，方便吞雲吐霧。轉枱後，詩詠冒著寒風繼續講不停，只見田蕊妮頻頻開解安慰，最後兩個人的晚餐食了約4小時才埋單。離開時唐詩詠仍未釋懷，依然木無表情，由田蕊妮載往取車後獨自駕車回家休息。

側田幫手求婚　新娘超驚喜感動爆喊

歌手側田最近參與求婚真人騷，與新郎哥夾計向女友Joey驚喜求婚。當日側田於酒樓扮拍MV，期間MV女主角受傷，於是他邀請在場的Joey協助拍攝，當Joey著上婚紗扮得靚靚埋位時，新郎哥便上前求婚。

側田表示當日很感動，而問到有否衝動結婚，他說：「暫時未有，見到人結婚已好開心。」

朱千雪講追求者即游花園

昨日是前港姐蔡思貝

歲生日，

藝人朱千雪到洪水橋，拍攝無線劇集《踩過界》，並準備了生日蛋糕，為壽星女蔡思貝慶生，千雪表示：「我自己入行以嚟都系喺工作中過生日，呢個班底，王浩信、監製林志華都幫我慶祝過生日，所以我覺得都應該幫思貝慶祝生日。（送咗咩禮物？）蛋糕，佢咁大個人咩都有啦，同埋祝咗佢生日快樂！（知唔知佢有咩願望？）佢話保密，咁希望佢保密嘅願望成真，佢都有話希望《踩過界》收視爆燈，呢個我都希望願望成真

。」

問到千雪有否介紹男仔予思貝，千雪表示：「唔使啦，系嘛，佢需要咩？我覺得佢個願望唔系呢樣嘢。（你同之前講過嗰個可以交流電影同書本嘅男仔，進展成點？）我未生日，所以未有資格許願新一年有新戀情，而且又要返學又要工作，都冇乜時間，感情方面希望隨緣。」

撤換風波後首現身！軒仔冇將得失放喺心

歌手張敬軒（軒仔）原定參與的內地節目《歌手》，早前被離奇撤走，即使已錄像的內容也被抽走，自事件後軒仔深居簡出。到了昨晚，軒仔終現身有份配音的動畫首映，一頭紅髮的他透露已第三次為動畫配音，配音時也有加入藝人朋友的金句，他指其配音的角色也似自己一樣，口多多兼口衰衰。

對於Instagram上載一番感言，軒仔謂：「因為錄歌嗰日系節目被抽起同一日，想用當日嘅事去介紹呢首歌，等聽眾知我系咩心情，發生呢件事唔煩就假，牽然大波，令個人、家人、Fans同公司都煩到，上一個節目冇諗到會平地一聲雷，搞到家人都擔心，咁大個仔都繫上娛樂版，點諗到會上港聞同時事版，成件事太多狀況，不知從何說起。」雖然被節目組抽起其部份，但軒仔仍大讚節目誠意十足，他謂：「團隊專程睇我演唱會，將我出道以來嘅歌聽一次，好專業，打動咗我。（有冇了解點解被抽起？）冇特別了解，都了解人哋難處，我喺舞台度都有準備咗首歌。」

談到曾於Instagram談愛國論，但最終亦被內地節目抽起，軒仔坦言當時只想重申自己是中國人，更謂：「好多人話我內地出世拎香港身份證，其實香港身份都系中國人身份。（系節目組要求你寫？）當時好多聲音，好多人對同一件事有唔同觀點。（有傳愛國論唔系出自你手筆，系節目組準備畀你再上載？）（軒仔苦笑一下）過去就唔好提，細節我都唔記得，我冇將上節目嘅得失睇得太重要，林憶蓮系我偶像，我希望有機會同佢同台。（都有傳你被抽起節目後有抑鬱？）我冇，大家關心我知，咁寫唔太好，都未向我或我公司了解，其實可以再謹慎啲，本身收Message都系支持你，仲叫我唔好畀流言影響，後來就變成問我食咗葯同睇醫生未，我都好耐冇睇娛樂報道，我不嬲都系打唔還手，鬧唔還口，但系今次真系想澄清。」更指今次現身內地節目壓力重重，即使見慣大場面也感驚慌，屬猴的他還表示去年犯太歲，幸而如今本命年已過，預計一定會變好。

怕食Wasabi？香香用生仔法解辣

好多人都鍾意食日本魚生、壽司，自然唔少得加少少Wasabi（山葵）調味，但Wasabi有時點得太多，辛辣味道確實幾攻鼻。究竟有咩方法可以抵抗攻鼻嘅辣味呢？就等「女神」岑麗香同大家示範，點樣食Wasabi唔會攻鼻、流眼淚。

香香好細心逐步教大家食Wasabi唔會攻鼻及標眼淚的方法，首先要夾一大嚿Wasabi，然後毫不猶豫將成嚿Wasabi放入口，見香香表情就知開始有辣味。當開始辣嘅時候就要轉用鼻呼吸，香香就即場示範了生仔時的呼吸方法：「用鼻吸氣、口呼氣、用個鼻吸氣，口呼氣，完成了，系咪好Good？」睇見香香齋食完吃Wasabi後都面不改容，就知道方法相當有效啦！

本期話題

謝謝香香啦！