61歲「古惑仔」基哥中風2年拒見圈中人，停工沒收入靠社團救助

影圈「四大惡人」……走咗「大咪」何家駒、「大傻」成奎安……現時只得黃光亮同「吹水基」李兆基，喺古惑仔電影題材橫行嘅年代，冇理由未聽過佢哋個名，黃光亮目前仲在拍戲，而基哥去咗邊呢!?

今天有周刊報道指，基哥兩年前曾中風，出入以拐杖代步，有江湖外號「高飛」嘅基哥，喺慈雲山長大，同當年大佬陳慎芝終日打架，亦有「慈雲山十三太保」之稱，後嚟患毒癮食白粉，再接受福音戒毒，由轉做牧師嘅陳慎芝幫助下，離開江湖，1977年轉投電影圈，因為基哥識黑幫題材，喺電影演「吹水基」一角成名。

《古惑仔之戰無不勝》

古惑仔系列更套套有基哥份演出，又開過電影公司做顧問，又做過張文慈經理人，早年有同「大咪」何家駒去下大陸登台。

據報道指，自從好友大咪離世，基哥又行動不便，已停工兩年，日前農曆年間，報道影到基哥一個人去九龍城茶記食嘢。

基哥對話有啲口齒不清，佢憶起好友大咪同大傻，佢話其實兩人都唔惡，不過要走就走。

2015年，基哥仲參加何家駒葬禮

基哥自從病咗都冇再搵圈中人，怕人哋覺得佢系借錢，雖然以前做過監製關照過唔少人。

不過依家又冇曬能力、冇入息，現時仍有聯絡都系昔日嘅社團兄弟，會畀錢佢。

基哥又話年紀大睇得開，之前由大埔物業搬咗去九龍城，而陳慎芝亦向周刊指新年先見過基哥，有畀錢佢使，對基哥系又愛又恨，更反問基哥以前咁巴閉，啲錢去曬邊!

基哥除咗當年拍古惑仔系列，仲拍過唔少周星馳嘅《食神》、《算死草》及《行運一條龍》做一啲搞笑灰諧嘅角色，令觀眾印象深刻。

《食神》

希望基哥保重身體

?轉載授權微信：lama129

? 商務QQ：1900556960

?投稿郵箱：tghkchannel@163.com