結婚16周年張智霖竟然叫靚靚慳啲阿Sa聲帶發炎要抖大半年

娛樂 02-09

每日歌曲

容祖兒《時間的錯》

今日快報

秘撻神秘富豪　廖碧兒升呢住千萬豪宅

現年38歲、華姐冠軍出身嘅廖碧兒（Bernice）入行多年，曾經與劉愷威同陳豪拍拖，但都系無疾而終。Bernice近年不時話系單身，但其實已經秘撻一名神秘富豪男友，男方對佢照顧有加，水頭充足嘅Bernice衣食住行全部升呢！

變富貴嘅Bernice除咗搬離同父母一齊住嘅將軍澳寓所，獨自秘密搬入大埔倚龍山莊千萬豪宅！平日由父親做柴可夫嘅Bernice，仲請咗一名女司機管接管送，勁豪呀！Bernice有「大水喉」射住，決心向商界發展，早前仲喺法國買下近千萬港元嘅酒庄，又喺中環開酒吧，更豪擲逾百萬喺香港仔工廈開設中央廚房搞自家制食物加工場，可以話系財來自有方！

平日唔使工作嘅日子，Bernice就過住闊太生活。為咗唔想男友呷醋，佢變咗異性絕緣體，連司機都系女仔，平日出去都只系搵女仔朋友見面。呢幾日，見佢約女仔朋友嘆茶行名店，又去美容院扮靚靚，又做瑜伽keep住弗爆身材，認真豪呀！

結婚16周年　張智霖竟然叫靚靚慳啲！

藝人袁詠儀（靚靚）同老公張智霖（Chilam），向來人前人後都好恩愛，系圈中嘅模範夫妻。原來佢哋唔經唔覺已經結咗婚16周年，昨日系佢哋結婚周年，佢哋冇選擇二人世界慶祝，反而孖囝囝魔童同埋一眾好友，好似有伍詠薇夫婦、邱淑貞夫婦、蔡一智夫婦等，一齊慶祝，相當熱鬧。

有「愛妻號」之稱嘅Chilam仲送上鮮花畀靚靚，靚靚急不及待喺微博分享，留言話：「好驚喜！張先生竟然送花，真是開心得飛起來。謝謝見證我們16年的好朋友一起來慶祝，謝謝。」Chilam除咗識得送花冧老婆之外，仲好識趣手寫咗張卡，內容系「Dearest老婆，16上有您（你）」簡單字句已經感受到Chilam對靚靚嗰份真情同浪漫！

事後聯絡張智霖，佢話：「送咗扎花同卡畀佢，乜都冇?嘞，系得呢啲，物輕情義重吖嘛。其實同朋友食餐飯，都唔系送咩驚喜，佢嚟到咪送扎花畀佢囉，我又冇收埋扎花。」張智霖又話9日要去北京拍戲一個月，嗰邊又凍天氣又差，佢話：「我呢啲名符其實捱世界，所以今晚出嚟玩番晚。」

問到結婚十六年來有咩說話要同太太講，佢即刻打情罵俏話：「冇乜要講，叫佢慳啲啦。叫佢慳啲有好多意思，可以系慳啲啦Baby。」靚靚聽到即搶住話：「慳啲喺唔同場合、唔同情況都有好多不同定義?。我就會叫佢慳啲錢，唔好買咁多車，慳啲力水唔好成日出去玩。」對於老公送花，靚靚開心話：「好似中咗六合彩咁，咁多年來佢真系好少送花，好感動呀，冇諗過佢會送花，好難得。」

陳茵媺一拖三拜年　陳豪幫座駕扮靚

廖碧兒搬入大埔豪宅，與舊愛陳豪一家所住的比華利山只有約5分鐘車程。眼見舊愛一家相當活躍，為免撞口撞面，廖碧兒經常由司機接載早出晚歸，甚少在大埔區露面。日前，陳豪和陳茵媺又分頭出動，陳豪幫座駕扮靚，陳茵媺則一拖三帶仔女去拜年。

當日中午12時許，陳茵媺替子女悉心打扮，由司機接載往深井拜年。抵達後，她抱實9個多月大的幼女陳凱婷落車，只見小公主穿上一身中式賀年裝，面珠肥嘟嘟，相當可愛！陳茵媺邊行邊幫女兒撥頭髮，大仔梓燁和二子浩鋒則由傭人照顧，一行人齊齊往友人家登門拜年。

另一日下午，陳豪與哥哥先到位於荃灣的公司向員工派開工利是，然後到土瓜灣幫座駕扮靚。兩兄弟行出行入與車行職員研究一番後，最後放下座駕，由友人接載離開。

賀入行10周年　周柏豪開個唱搞到周身債

歌手周柏豪入行10年，將於4月28至30日第二度登上紅館，舉行名為《One Step Closer Pakho Live 2017》的10周年演唱會。樂迷期待已久，優先訂票，開賣迅即爆滿，前天演唱會門票公開發售後亦火速售罄。很多樂迷紛紛留言埋怨買不到飛，要求再度加場，可是因場地期滿，已經不能再加。歌迷知道後均呼籲他舉行part 2演唱會，而柏豪亦希望能加開幾場，跟更眾多歌迷分享10年的經歷和回憶。

柏豪得悉消息後說：「非常意想不到！諗唔到三場嘅門票咁快賣曬。同事send售票處出面告示嘅相畀我，睇到『全滿』嗰刻真系感動到想喊，感激大家支持！」他還透露有很多圈內外朋友陸續向他留飛，所以也在擔心如何安排，笑言今次周身債。

情人節拍劇　陳凱琳龔嘉欣出埠曬水著

無線劇集《平安谷．逐個捉》在將軍澳電視城拜神，出席藝員包括陳凱琳、龔嘉欣、朱晨麗、劉江、韋家雄、阮兆祥、譚凱琪、沈卓盈和陳庭欣等。

陳凱琳與龔嘉欣表示她們正計劃劇集煞科後組「少婦聯盟」去旅行，地點仍在考慮中，龔嘉欣笑說：「希望可以租一間度假屋一齊游水，又可互相幫大家影靚相。（泳裝相？）可能系一件頭泳裝或者潛水衣呢。」而陳凱琳則說：「好難得一班女仔合作得開心，大家又熟絡，所以唔希望拍完劇就各散東西。」

問陳凱琳如何慶祝情人節（2月14日）？她表示當天將與龔嘉欣一齊開工度過。問會否提早與男友鄭嘉穎慶祝情人節？她說：「13號系嘉穎套《迷》首播，希望可以抽到時間食飯兼睇首播慶祝，情人節禮物準備緊，保持神秘。」至於單身的龔嘉欣則無奈地說：「我開工反而仲好，公司幫我安排咗情人節嘅節目。」

聲帶發炎要抖大半年　阿Sa為巡演逼住唱

歌手蔡卓妍（阿Sa）過年前因過勞而胃酸倒流，引至聲帶水腫發炎，不停看醫生針灸之後，已經好轉之中，不過醫生建議她最好休息大半年，少說話不唱歌。但阿Sa指根本沒可能做到，因為除了2月19日要去美國RENO巡演出，接著在舊金山又有歌迷見面會之外，之後的巡迴演出也非常密集，去完美國後便是大陸巡唱，到福州、東莞、重慶、南寧及廣州5個地方，年底還有馬來西亞等地演出，她謂：「我已經好聽醫生話，努力改變自己的生活習慣，戒咗瞓前食野，聽曬醫生講，依家每日朝早7點至9點期間要起身食飯。我叫傭人姐姐煮定飯，叫我起身食囉，真系身體好咗，把聲都開咗好多。針灸要針埋個鼻，其實幾痛，不過針完之後我發覺又幾好，黑眼圈都好似細左。之前克勤哥哥（李克勤）都有同我講，佢都試過聲帶有事，搞咗年幾先好得番，我希望我後生過佢，可以快好過佢啦。」

鍾欣潼（阿嬌）就表示自己都一樣，早上7至9時要食飯，因為之前荷爾蒙失調，肥了20磅，之後營養師調節她的飲食才慢慢減下來，她說：「新年期間，我就真系好唔乖，喺台灣狂食，食到盡咗?啦，由今日開工開始又再食番營養師餐囉，不過遲啲又要去拍美食節目，食盡全世界，去美國之前去日本拍，我都唔知點算好，明明減緊肥，又要不停喺鏡頭面前食。」

至於兩人情人節如何度過，阿嬌就透露會在日本工作，沒有情人。阿Sa亦一樣，不過是去紐約時裝節，她說：「我個髮型師已經借啲意帶埋女朋友一齊去啦，我到時一個人，咪惟有做佢兩個電燈膽囉，坐喺佢哋中間整蠱佢！我冇情人你都咪使旨意過情人節！但系我覺得我今年可能會有桃花運行喎，因為每年我媽都會幫我過年買桃花，舊年桃花開得好好，但系呢，我一個情人都冇。今年有?啦，因為我去完泰國返屋企，發現我屋企啲桃花竟然系一粒花都冇，得番啲樹枝！我問工人同媽咪，點解會咁?？冇人答到我！咁照舊年開曬花冇情人的情況，今年冇花就一定有情人啦！」阿嬌聞言笑道：「嘩，你呢啲咩歪理？咁啦，一系情人節嗰日，我喺日本打Face Time畀你囉！」

本期話題

祝福阿嬌阿Sa早日覓得有情人啦！