收工飯都唔食！心穎趕住買銀包畀馬明婦女節被寸系「土豪」張栢芝大反擊

娛樂 03-12

今日快報

遺憾！欣宜冇得捧鄭少秋場：對佢唔住

藝人欣宜去尖沙咀出席好友Babyjohn（蔡瀚億）新片首映。受訪時，講到父親鄭少秋即將舉行演唱會，欣宜表示很遺憾當日不在香港，要出埠工作，問到會否拍片支持？她說：「乜都得！做到就做！佢今次慶祝50周年，我嚟唔到，覺得好對佢唔住！（佢話唔識唱你首女神！）咁佢應該唱男神?嘛！希望佢60周年嗰次我有機會幫到手！」

母愛爆棚！祖兒攬實得意梁浸浸

藝人鄭希怡（Yumiko）的女兒梁浸浸下月即將兩歲生日，由於樣子萌爆可愛，吸引不少天王天后「埋身」一親香澤！

昨日Yumiko及天后容祖兒分別上載梁浸浸，以及容祖兒的合照，相中與梁浸浸面貼面合照的祖兒洋溢一臉母愛，並留言大讚梁浸浸可愛及有女人味，她寫道：「希望這位小朋友永遠快樂！」而Yumiko則在女兒與關智斌的合照留言說：「媽咪話介紹個小鮮肉我識！」

收工飯都唔食！心穎趕住買銀包畀馬明

無線小花黃心穎與馬國明的戀情逐漸浮面，他們近日忙於開劇未能約會見面，幸好心穎BB識得花心思凼男友開心，昨日心穎於電視城開完工未曾醫肚，便驅車前往銅鑼灣，停車後她隨便於附近的咖啡店買了杯咖啡，以及一件餅便步入名店挑禮物。

心穎步入名店後完全沒有流連女裝部，全程專攻男裝，看完衣服再挑銀包，期間拿著一個印有火辣比堅尼女郎的銀包左望右望，望足五分鐘最後放下。心穎深知男友作風踏實，太過潮的款式未必合其心意，最後挑選一個配合男友低調性格的全黑方形銀包。心穎揀啱心頭好，面上露出甜甜笑容，付款後由售貨員精心包好便離開，急急往停車場取車，登車後火速失去蹤影，未知是否趕往送禮物，讓男友日夜貼身袋住自己的心意，就算見不到面都份外窩心。

同關之琳做番朋友？劉嘉玲：咁要睇佢！

藝人劉嘉玲出席活動，透露丈夫梁朝偉近日學畫油畫，大讚他天分高。問到老公有沒有畫她？她笑說：「冇，畫我好高難度。（咁佢第一幅作品系咪送畀你？）已經送咗啦，系畫一棵樹，佢搵咗英國皇室御用老師教，跟咗去寫生，學咗兩三日，其實佢一路都想試，幅畫系無價寶。」

早前她被關之琳指責與前夫陳泰銘行山是不顧及別人感受的行為，逐問她是否仍介意？她續說：「我了解佢嘅心情，唔會介意。（你哋可唔可以做番朋友？）咁要睇佢，但我相信時間可以解決一切。」此外，提到賭王何鴻燊千金何超鳳離婚一事？嘉玲認為離婚沒有大不了，倘若能找到更開心和自在的出口，未嘗不是好事。

婦女節被寸系「土豪」　張栢芝大反擊

張栢芝多年來都與「是非」扯上關係，就算如普通人一樣行街Shopping，都會屢被醜化，有指她揸靚車是「土豪」又話她跟髮型屋職員狂噴口水，在「三八婦女節」收到如此「大禮」，一向對負面新聞都會保持緘默的她，決定在這個婦女節日發聲還擊，她接受訪問時，不慍不火地先對負面新聞逐一回應：「話我去髮型屋同職員噴口水，其實咁多年畀網路世界已經調整得樂觀咗，好多嘢冇乜所謂，但系髮型屋嘅職員其實系陪住我出埠工作嘅團隊人員，大家已經系朋友嚟，我唔想我朋友嘅媽咪見到個女話畀個明星用口水噴，我作為媽咪，會明白系好心痛嘅事，普通傾偈寫成咁，對我團隊嘅人唔系咁公平。」

對於被指「土豪」，栢芝則表示：「其實我覺得人與人之間系平等嘅，唔應該用『土豪』字眼去形容任何人，我喜歡車，揸架好啲嘅車唔系乜嘢新奇嘅事，唔明點解今日就要用土豪嚟形容，同埋唔明焦點成日放喺我度，會唔會唔系咁公平？系咪故意針對呢？！其實我有小小愕然，點解有我嘅負面消息嘅同時，又有一啲唱好某位男士嘅消息出現呢？我唔會開名，唔想畀人攻擊，自找麻煩，但點解人哋屋企揸架車五百幾萬，就冇人話土豪？其實點都好，可唔可以唔好提我個名，究竟系媒體針對，定系某啲人（針對），我都仲懷疑緊，唔知究竟系乜嘢事。」

栢芝直言對針對自己的「負聞」，一向都保持沈默，但覺得「三八婦女節」，女人應開心收禮物，而不會是收「負面新聞」作禮物，所以決定發聲：「其實咁多年我都已經懂得自我安慰、睇化咗，唔知邊個Party送畀我嘅大禮都好，個禮實在有啲大，下年可唔可以唔好送畀我，今日我同大仔（Lucas）去學校嘅野外旅行，佢送咗條藍手鍊畀我，我只接受仔仔呢份禮物，其他嘅，真系唔使客氣！」

談到兩位兒子，栢芝即甜在心裡，不少接觸過Lucas、Quintus的人都知道，兩位小朋友很有禮貌及乖巧，媽媽當然功不可抹，問栢芝會否擔心負面新聞會影響兩個兒子？栢芝表示：「冇擔心，兩個仔仔乖，我唔敢講系我嘅功勞，繫上天畀咗一個好好嘅底子佢哋，好聽話，作為一個母親好感恩，佢哋會識得辨別是非，而佢哋對我嘅愛，亦能夠蓋過好多嘅唔開心，好似我攰瞓覺嘅時候，大仔會同細仔講，媽咪要休息，我哋唔好嘈媽咪；佢哋見到我唔出聲，又會擔心我唔開心，總之一切一切都成為我一個好好嘅動力。」