【分手一周年】鄧麗欣遇上方力申真真假假黃翠如洪永城現實終成眷屬

娛樂 03-15

今日快報

家鄉開發布會　祖藍曬流利東莞話

由王祖藍主理的娛樂公司日前於東莞舉行發布會，由副總裁冼偉智率領旗下藝人黎瑞恩、羅敏庄、張彥博以及陳嘉佳（細細粒）亮相，而身為董事的祖藍因工作關係未能現身，身為東莞人的他以一口流利的東莞話錄製VCR，向在場的各位打招呼，並展現其招牌幽默個性令現場笑聲不斷。同樣是東莞人的羅敏庄亦即場以東莞話向現場各位問好，獲得熱烈掌聲。

而活動上，細細粒搞笑自薦在內地開演唱會，更即場獻唱周慧敏的《自作多情》，雖然期間數度忘詞，但搞笑的她成功炒熱氣氛。而張彥博則憑藉其超大眼及童顔成功贏得全場女性注意，不少人都對他在《一屋老友記》的演出印象深刻，令當地人留下深刻印象，爭相跟他自拍。

全數上繳老婆！張頴康自爆每日配給$100

無線藝人張頴康及太太麥雅緻拍拖出席公開活動。康仔全程拖實老婆，原來麥雅緻帶病現身，康仔表示：「昨晚佢發高燒，我瞓上床發現佢好似火爐咁滾，完咗活動會同佢睇醫生嘞。」

談到首次同場出席商場活動，康仔近日積極練歌表演。問到酬勞是否很豐厚？他笑謂：「好似差唔多，不過梗系想個個星期都有（外快）啦。其實我唔知搵幾多，全部都交曬畀老婆，佢真系每日俾番100蚊我咋，有時放工想買支酒飲嚇，都要儲兩日先得，更加唔可以請同事食飯啦。」

麥雅緻解釋自己「配給政策」謂：「唔想佢買酒飲，況且食飯、入油我全部都負責曬喎，100蚊只系零用咋。」康仔即反駁老婆「唔跟通脹」，多年來沒有增加零用錢，不過打情罵俏成份居多，二人又同聲同氣於台上分享夫妻相處之道，康仔坦言：「最緊要槍口對外，大家嘅態度要一致，即使鬧交都唔可以講分手，通常冷靜完之後我就算好悔氣咁講聲對唔住，佢都會接受。」

真真假假！黃翠如洪永城現實終成眷屬？

黃翠如與洪永城再次合作拍劇，飾演一對瞞婚夫婦，正所謂人生如戲，現實中二人雖各自擁有另一半，但始終被人認定為最匹配的一對，是否只差一點點，兩人就可以終成眷屬？

兩人同為「有線幫」過檔無線，翠如於2012年與洪永城合作主持《走過浮華大地》傳出緋聞，當時網民已認定他們是最佳拍檔，兩人亦不避嫌於節目中做鬥氣冤家，甚至打情罵俏，「熒幕情侶」形象深入民心。

2015年10月，與蕭正楠打得火熱的翠如與洪永城在《星和無線電視大獎2015》手拖手走紅地氈，即成網民熱話，事後更出現名為《我諗每個男人心裏面都有一個黃翠如》的潮文，內容大致指男方一直鍾意女方，惜未能走在一起。及後翠如發文澄清關係，並表明：「人哋永遠以為你哋一對，但你哋心裏面知道冇可能。」洪永城後來半開玩笑說：「好可惜佢最後揀咗Edwin（蕭正楠）！」

陳柏宇籌備七月婚禮如火如荼

歌手陳柏宇（Jason）昨日舉行簽唱會，現場與歌迷互動玩遊戲。講到同公司的林奕匡已求婚成功，將在今年內拉埋天窗，婚禮可會給對方先爬頭？Jason謂：「佢系9月返加拿大搞婚禮，我就系7月，呢啲冇分先後嘅。」Jason稱婚禮籌備已是如火如荼階段，趁女友這幾天旅行不在港，會的起心肝列賓客名單，之前亦見了婚禮設計師，會以簡約純潔為主，但就不是童話式。問到可出現超支情況？Jason坦言：「冇喎，都幾好彩!」

除結婚是今年大Project外，Jason表示都想年底可以開演唱會，但只是想，暫時未有任何計劃。問目標是否進軍紅館？他謂：「又唔想太將件事變成為名為利，任何場地都系想隨心隨住歌曲去做，希望演唱會予人有進步感覺更重要。」

問到新碟銷量如何？Jason稱沒有問公司，不過現今已進入數碼聽歌年代，3、4年前在數碼平台收回的版權費可能只是五位數，但現在已變六位。Jason說：「所以周杰倫凈系收版稅已經可以唔使做，因為佢有作曲填詞，都會有有版稅。（你都可以唔使做？）夠用就一定夠，但就唔可以維持依家嘅生活模式，不過多有多使嘅，我有10蚊，會用9.9，儲起1毫。（咁唔使畀老婆？）咁老婆畀$6.4佢啦，我用$3.5囉！」

十年好姊妹！鍾舒漫王君馨BB終於出世

歌手鍾舒漫（Sherman）與王君馨（Grace）日前為合唱歌《隱型》拍攝MV，希望藉歌曲世界呈現一個真實自己，也帶出尊重自己和尊重別人個性的正面訊息。兩人認識了差不多十年，私底下原來是好朋友，Sherman說：「我哋共同初衷就系唱歌跳舞，而且鍾意嘅類型相近，所以話題特別多，多年嚟大家經歷咗『做唔到自己』嘅辛苦。因為上年喺英皇福音專輯機會，終於能有一首屬於我哋嘅合唱歌，速成咗今次嘅合作！」Grace續說：「我哋都經歷過對自我形象嘅迷失，曾因期待別人嘅好評而對自己作出調整，又因而失去咗獨特嘅個性。咁啱一次我哋傾開鍾意嘅音樂時，發現『有型』系我哋嘅共同喜好，於是諗起兩種關於型嘅態度，就系『SWAG』同『CHOK』，前者系輕鬆做回自己，唔理人哋點睇，後者則需要用力、刻意咁去討人開心。最後我哋將概念話咗畀C君，就寫成咗《隱型》！」

希望讓人看到由創作意念、歌詞、鏡頭、服裝都忠於原創，就像《隱型》做自己所想的宗旨一樣。二人又分享道：「由計劃一開初，大家就話銳意做首貼近歐美風格嘅快歌，創意都系由舞蹈出發，所以搵嚟我哋覺得跳舞好正、好性感嘅排舞師Ali編舞。」結果耗時19小時拍攝的MV中不乏扭腰趷籮，視覺畫面極盡誘惑，性感舞衣加上一眾舞蹈員襯托確實令人想入非非，更用了脫掉裙子、面紗去表達放下枷鎖，做回自己，展示出大家未見過的鍾舒漫同王君馨。大家對MV成果大表滿意，最希望沒有學過跳舞觀眾睇都感覺好看！

【分手一周年】鄧麗欣遇上方力申

藝人鄧麗欣（Stephy）出席第五屆背水一戰比賽，她表示這天5時就要起床，通常去旅行才會這麼早，她說：「今年都冇乜練過跑，都系儘力。今次要背住4.5升水跑山15公里，真系要專門練，但今年冇，有啲擔心。」她笑言剛去完日本旅行，有購物當負重練習，加上這次是慈善活動，不用太大壓力。

至於與前男友方力申（小方）一起參賽，

Stephy

指已是第三年：「年年都一齊，但起步時間唔同，佢遲我

分鐘，今年我同我隊排球隊一齊參加。佢跑得快過我，應該好快過我頭，睇嚇途中會唔會遇見。（感觸？）順其自然，大家都同呢個慈善團體關係好好，我哋上次見都系喺呢個活動記者會，今次又系，幾特別。」她表示沒有難受的感覺，因為大家都為了慈善，剛去了日本放鬆心情覺得幾好。說到分手一周年，她直言時間過得很快：「順其自然啦，唔需要成日諗住。頭先有記者問我系咪放低咗，我覺得唔需要特別放低或者執著，大家順其自然過自己生活。」

提到她與公司約滿，她指現在是自由身，正安排一些事，與不同公司接洽中，亦有考慮自己開公司，待有決定才公布。問到舊公司有否留她？她謂：「其實合作愉快，就算唔續約都系愉快咁分開，冇話留唔留。如果我想嘗試新嘢，或者有唔同發展，我諗大家都明白。」她稱知道小方滿約，但詳情不清楚。她認為自己在這行多年，應該夠成熟開公司，但也擔心應付不到太多範疇。