老來得子！謝安琪爆蘇永康勁冧超溫柔，36歲熊黛林認生仔有壓力

今日快報

老來得子！謝安琪爆蘇永康勁冧超溫柔

藝人蘇永康夫婦和謝安琪（Kay）夫婦相識於微時屬多年好友，而蘇太及Kay更差不多時間懷孕及分娩，十分有緣！對於蘇永康的BB仔率先出世，快將臨盆的Kay接受媒體訪問時表現得極開心，頻頻傳來笑聲，她說：「好開心呀！因為昨日佢嘅BB出咗世，其實之前我哋日頭都有通過話，佢就一啲都唔緊張，繼續系好有型同瀟洒咁樣嘅，哈哈！到BB出咗世啦，佢都send咗BB同太太嘅合照畀我，好溫馨囉！我真系感受到一個從來未見過嘅蘇永康，個樣好冧冧豬呀！好難形容嗰種溫柔，真系好戥佢開心！佢之前一路都同我有好多分享，大家交換嘅唔系好多心得嘅，而系交換嚇感受！所以成個過程我都好似同佢有好多溝通，到BB出世，我都好感動、好開心囉！可能大肚婆又容易感動啲啦。」

見曬家長！JW否認同男友同居

歌手JW（王灝兒）將以香港代表身份出席3月24及25日於伊館舉行的音樂交流，JW出席綵排時坦言感榮幸，她說：「都考起自己，因為系同班朋友仔唱A cappella。（驚唔驚到時因壓力而演出失准？）唔驚，後面成班人令我膽大。」

近年頻頻孖富二代圈外男友到馬場的JW說：「我同馬會有啲合作，好多時都出席佢哋嘅活動，有時佢啲朋友有馬出賽，順便支持嚇。（半個身踏入豪門？）唔好咁講，我都好勤力工作。」並大方透露已見雙方家長，問到有否獲未來奶奶贊是好新抱？JW說：「唔系咁，暫時大家都穩定。（同居？）唔系。」

亞洲電影大獎：36歲熊黛林認生仔有壓力

36歲的藝人熊黛林（Lynn）現身「第十一屆亞洲電影大獎」紅地氈，入圍「最佳女配角」的她穿上肉色薄身晚裝谷胸上陣。對於盛傳有喜，Lynn否認謂：「未有住，努力緊，系ready咗好耐，呢排睇緊中醫。老爺奶奶都叫我唔好咁大壓力，仲叫我哋去旅行，唔好成日諗住，愈諗愈冇。」又指每次到奶奶家吃飯除了有靚湯飲之餘，還有花膠及鮑魚。

問到身邊朋友可有傳授生仔秘方？Lynn謂：「好多朋友講好多嘢，都叫我唔好有壓力，放鬆啲。（姑奶郭可盈話家人冇畀壓力你。）系呀，我自己畀自己，見到津津（郭可盈囡囡）咁乖，覺得如果有個女就好，望住津津都想快啲有個女。（你一定要生個仔？）最好有哥哥先，哥哥可以保護妹妹，我自己都有個哥哥，呢個系幸福事。」

Lynn表示暫不會放假造人，因不想常常留家，認為工作可給予自信及保持狀態。問到其丈夫想生仔還是女？她謂：「老公鍾意女仔，因為可以黐住佢，我建議生兩個，但要生仔先，最後兩個都笑，話唔到我話事，冇咩所謂。（舊愛郭富城都話想開枝散葉。）系好事嚟?。」

薛凱琪膝患影響跳舞：以前行路都痛

歌手薛凱琪（Fiona）接受電台訪問，宣傳4月6至9日假麥花臣場館舉行的演唱會。提到在演唱會海報中拿著書本《反璞歸真》，她指當天的拍攝指引是郊遊：「做少少，但玩多多，我帶咗台灣買嘅私伙紙鳶去，又帶咗嘢食去野餐，同一本買咗但未有機會睇嘅書。」她之前看同一作家寫的《前世今生》覺得很好看，所以買了《反璞歸真》，認為這本書的內容比較浪漫。

至於開騷時打算跳現代舞，Fiona坦言因為沒有跳過：「以前跳舞係為咗氣氛，為咗令大家同我一齊跳，但現代舞每一個動作都系一句對白、一個心情。有時你可以寫信、寫詩或者唱歌去解釋你點樣愛一個人，但都未必表達到個愛幾大，我希望現代舞可以畀我表達一首歌入面嘅心情系點。」她表示整個流程也會有現代舞的元素，感到非常困難，而且曾有膝患：「依家跳耐咗都會有卡卡聲同痠痛，但已經好過以前好多，以前行路都痛。」她透露找了治療師啪骨以及進行能量治療，現在跳舞已沒問題，不過到時會以唱歌為主。

撇低嘉穎！陳凱琳嘟嘴冧攬大隻仔

藝人陳凱琳（Grace）同鄭嘉穎拍拖以嚟一直都非常恩愛，間中仲流傳出婚訊，二人關係已經去到相當穩定嘅階段，就算日前Grace喺《博愛歡樂傳萬家》活動上與鄭嘉穎舊愛王馨平（Linda）同場，Grace都表現得十分大方，同對方打招呼之餘仲講「Good Show」，連Linda都大方贊Grace好nice、系好女仔。

不過，始終女人都系鍾意鬥氣，唔知系咪想向男友示威，最近有份主持節目《搵食飯糰》嘅Grace，就喺Instagram上載同另一主持溫家偉（大隻仔）嘅親密合照，留言話：「Work CAN BE FUN! Food-buddies since "14! #搵食飯糰 #chubbybunny」相中，Grace攬住大隻仔，仲cute爆瞇眼嘟嘴，而大隻仔亦都捉住Grace只手臂擺出一副古惑樣。雖然係為節目宣傳，但系唔知向來對女友嚴謹嘅鄭嘉穎會唔會呷醋呢？

馮盈盈情挑黃宗澤：怕變喜劇效果

應屆香港小姐冠軍馮盈盈在將軍澳電視城為TVB 50周年台慶劇《溏心風暴3》拜神。劇中馮盈盈要情挑黃宗澤，她笑：「未拍，可能我拍出嚟系另一個效果，變咗喜劇效果，哈哈。」拍激情戲要放下港姐形象？馮盈盈笑說：「作為一個專業演員，唔單只系港姐形象，連自己都要放低，努力融入角色。」與黃宗澤拍挑逗戲可會尷尬？她說：「唔會，Bosco好似大哥哥咁，之前合作咗一場，佢好照顧大家。」

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！