36歲阿嬌被爆戀大陸富二代？索爆大肚寫真！吳若希半裸曬巨胸

娛樂 03-23

今日快報

公寓幽會！36歲阿嬌被爆戀大陸富二代

現年36歲、單身的藝人鍾欣潼（阿嬌）被爆與內地富二代秦奮戀愛，日前阿嬌以素凈的黑色上衣外搭牛仔服裝扮現身上海，她被影到與助理走入一幢大廈，未幾助理先行離開。有指該處正是秦奮的公寓，有指兩人在寓所內幽會長達三小時。

晚上阿嬌忽然又到體育館現身，未幾身穿灰色衛衣的秦奮走向阿嬌，原來阿嬌是陪秦奮打波，但阿嬌齋睇冇打，秦奮換上綠色球衣上場，阿嬌就好似小粉絲一樣，雙眼一直跟住秦奮跑。她一時拍掌，一時掩嘴大笑，全程一面冧樣，似乎真的很崇拜秦奮喎！中途休息時，秦奮更親暱用手揪阿嬌耳仔，狀甚曖昧！媒體就此事聯絡阿嬌，阿嬌透過經理人霍汶希回應只是朋友關係。

其實去年7月阿嬌與秦奮已傳出緋聞，當時阿嬌於微博上載兩人的合照，更稱對方為「最帥氣的風」祝他生日快樂，之後惹來網友紛紛猜測兩人是否拍拖，不過阿嬌隨後卻斬釘截鐵否認，另外，有指秦奮是「紅三代」名門之後，父親秦曉曾是大企業領導層，秦奮曾因在上海撞毀價值二千萬港元的法拉利跑車而揚名。

避談遭整蠱事件　邵珮詩默認戀圈外男

藝員邵珮詩在將軍澳電視城為《愛?回家之開心速遞》舉行滿月派對，慶祝劇集播映一個月。

邵珮詩最近被拍得與新歡行超級市場選購食材回家煮飯仔，活動期間被湯盈盈等演員取笑她有新戀情。問到邵珮詩是否拍拖？她默認說：「朋友唔系男仔，就女仔，嗰日屋企開party，佢幫我攞嘢。（男友有冇贊你廚藝？）自己好少煮嘢食，佢都有贊我整得好食。（拍咗拖幾耐？）唔講得，未肯定。（男友叫咩名？）佢系圈外人，唔方便講。（男友系富二代？）邊有咁多富二代。」邵珮詩早前在社交網呻遭其他演員整蠱，她指只是自己太入戲，太大壓力，又不夠休息有所抒發，事情亦已過去不願多談。

容祖兒積極備戰個唱　粉絲嗌：太瘦了！

天后容祖兒（Joey）的14場《Joey．My Secret．Live》在3月26日開鑼，已經投入演唱會排練工作的祖兒，近日在社交網上載一張在保母車內的自拍照，她留言：「演唱會倒數中，腦子分了很多部分，不停轉動，記歌詞（因為不想用歌詞機），記舞步（到時應該都系亂跳），記得要同大家說甚麼（應該到時都系亂up），真系好充實。」

相中所見祖兒瘦到得番個頭，連好多粉絲都留言她太廋了，祖兒回覆：「我嘅精神狀態好好，不停練歌，可能張相角度問題，飲食都系同平日正常，冇話減得好犀利，系食清咗！今次以唱歌為主，唔系太太運動量，健身都唔多，所以請大家放心，買咗飛嘅朋友，就準時入場，做多啲準備功夫，早啲聽嚇我啲side track歌。」

資深金馬影后李麗華離世　享年93歲

有「影壇長青樹」之稱的資深演員李麗華昨日驚傳死訊，曾與李麗華合作的前輩級男演員翁午於社交網站留言：「李麗華今日離去，小咪姐，一路走好﹗」期後他亦向身邊友人證實消息，而新加坡和台灣亦有相關報道。據知，李麗華於新加坡辭世，享年93歲。

身為李麗華好友的吳思遠接受媒體訪問時說：「我都系啱啱聽到（消息），要求證嚇。（好耐冇見李麗華？）2015年我向金像奬提議頒『終身成就就奬』畀佢，不過畀金像奬否決咗，然後我同金馬奬提議，金馬獎方面話好。佢得奬之後，佢個女請咗我哋食咗餐飯，佢食咗一半就先行離開，席間大家都有簡單對答嘅，嗰次應該系最後一次見面喇。」

翌年，「第35屆香港電影金像奬」頒發「終身成就奬」給李麗華，可惜她已因身體狀況未能親身到場領奬。至於甘國亮對這位演藝前輩離世回應﹕「93歲是笑喪！大家記著她的風華絕代是無人可及就已經是一份敬禮。」

索爆大肚寫真！吳若希半裸曬巨胸

藝人吳若希（Jinny）早前宣布佗B女，依家停工安胎，準備迎接小生命，預產期系5月。Jinny趁住佗B，佢仲孖澳門闊少男友Alex影靚靚大肚寫真，Alex喺IG曬相留言：「無論你變得幾肥美，我都會一樣咁錫妳～～」嘩！押曬韻咁，冧死人咩！佢仲＃張相無咩點執、＃真系咁大隻、＃第一次畀你影半裸相、＃第一次亦都系最後一次。

呢張相真系不得了呀！Jinny原本身材平平，可以話系微波一族，但睇番張相，佗B嘅佢實時升Cup，由A去到C，真系睇到人流曬鼻血！媒體聯絡到Jinny，佢話：「呢段時間系我人生高點（指個胸），點都要留倩影，我今次都做足曬做足安全措施，個攝影師我系朋友，唔尷尬嘅！（你同Alex有冇尷尬？）個攝影師系男仔，我諗全場最尷系佢，我同Alex就冇尷尬！」

楊怡呂頌賢《我和春天有個約會》將登陸廣州深圳