深夜帶女幽會調情，東窗事發後心急撞車，原來陳展鵬另有新歡！

「拳佬」陳展鵬打遍天下無敵手，而且閱女無數，擁有一張俊朗的面孔，之但系好奇怪，佢1994年入行，至今23個年頭，佢都冇正式認過拍拖，連同亞姐冠軍姚嘉雯嘅地下情，都系分咗手先肯認，但系過咗大台之後，緋聞女友就傳過唔停。

根據鵬哥嘅情史記載，佢喺大台擔正做主角之後，緋聞女友一個接一個，煲水嘅新聞一單接一單，緋聞女主角九成都系花旦，仲要系女主角，而每一次都系有新劇嘅宣傳期，緋聞女友就會應聲彈出，做咗封面女郎，鵬哥嘅緋聞都系因拍劇而結合，套劇播完就無疾而終，嗱！數下手指有《巨輪》鍾嘉欣、貝安琪，《張保仔》龔嘉欣，仲有《城寨英雄》嘅視後胡定欣。

佢同一班女主角嘅關係睇嚟都係為咗宣傳，緋聞傳到似層層，傳得最耐要數鍾嘉欣，o依家系人妻嘅鍾嘉欣，當年同陳展鵬先後拍《巨輪》同埋《大葯坊》，當時拍劇已經傳陳展鵬勁冧嘉欣，仲出口術話想追掂嘉欣，但系嘉欣同伍允龍已經地下情多年，所以嘉欣系不為所動。

點知，有一次《巨輪》去澳門宣傳，陳展鵬咁啱要做嘉欣柴可夫，又咁啱被人影到，途中仲遇上交通意外，陳展鵬借朋友架車撞花咗，鍾嘉欣被人影到坐陳展鵬架車去宣傳，咪搞到「水洗都唔清」，之後嘉欣喺微博斬釘切鐵話同陳展鵬冇發展機會，呢單煲水新聞即刻不攻自破。

橋唔怕舊，最緊要受，搞緋聞可以穀人氣，借嘉欣之力，成功增強曝光率，於是《城寨英雄》陳展鵬同胡定欣情侶檔，谷出疑幻似真嘅緋聞，結果雙雙成為視帝視後，去到電視台嘅高峰，隨住時間的流逝，陳展鵬同胡定欣嘅視後戀，慢慢褪色，最終事實證明，原來真命天女系另有其人。

前晚約10點45分左右，陳展鵬被影到同去年落選港姐單文柔現身中環，當時陳展鵬同單文柔一齊，陳展鵬揸咗架車去擺花街，由單文柔落車負責買嘢飲，去咗coffee shop買嘢飲、又去咗一間西餐廳買外賣，單文柔呢晚好跳脫，又抵得諗，買完一轉嘢即擺上車，來回行咗幾轉，買好曬嘢。

陳展鵬揸咗架車上山頂，未知系唔系有女伴喺身旁，加上夜深人靜，陳展鵬先泊咗一個側邊位，似乎唔啱心水，跟手又倒車，再泊咗喺一排過咪表位嘅中間位，記者上前影相，陳展鵬一臉愕然，表現好驚青，當時好似想將個麵包，遞俾單文柔食，忽然被撞破戀情，單文柔未有遮樣，反而陳展鵬好閃縮，先撥低車廂太陽擋遮樣。

陳展鵬發現被拍，即急於離開，開車退後借位駛走，而佢開車退後時，未知是否沒留意到有採訪車，並撞至採訪車右方車頭凹陷，擾攘一輪之後陳展鵬就揸車絕塵而去。

單文柔去年參加港姐時，曾以黑馬姿態殺入最後十強，佢除咗被傳媒形容為「黑馬」之外，更有報道指佢系佳麗心目中嘅是非精。

當時有報道指單文柔鍾意黐埋大熱佳麗搞小圈子，但系佢就好大方回應傳媒話全部佳麗都系大熱，冇可能避開佢哋，因為賽後大家就各散東西，所以會爭取時間互相了解。

而單文柔同陳展鵬結緣，都要數番上年港姐選舉，作為星級評判嘅陳展鵬力已經支持對方。

兩個人喺ig都有互相follow，連陳展鵬噚日凌晨貼上ig嗰張「一笑置之」相，單文柔都有俾like。

雖然TVB女藝人嗰網頁未見單文柔嗰名，但佢同港姐朋友就經常被無線派去出席公開活動，最近一次就系今個月9號出席花卉展。

今天陳展鵬接受訪問，講到被指趁定欣出trip約會其他女仔一事，展鵬話：「其實我一直都冇同定欣拍拖，我冇結婚，又冇拍拖，呢啲正常生活，當晚真系乜嘢事都冇發生，所以咪咁囉！」

問到佢同單文柔有冇發展機會，展鵬話：「我又未結婚，同邊個女仔都有機會發展，不過都要有時間俾大家相處。」

本來展鵬喺15號要去北京拍《天命》，點知又廷遲咗出發，於是促成咗今次約會：「我哋識咗半年，佢0依家幫我做stylist，其實一直都想約食飯，但系夾唔啱時間，咁啱又遲咗出發，所以咪約見面，不過嗰晚周圍食飯都好多人，最後咪決定買嘢喺車食。」

至於離開嗰陣撞到採訪車，展鵬話：「始終系發生交通意外，所以事後都去咗備咗案。」

好吧，攤手~

?轉載授權微信：lama129

? 商務QQ：1900556960

?投稿郵箱：tghkchannel@163.com

推薦幾款又污又好玩的小遊戲給大家

無需下載

點擊「HKChannel」菜單欄就能玩！

Mr.H每天也偷偷的在玩哦！

2017讓我們一起闖關吧！

↓↓↓戳閱讀原文無需下載，點擊即玩更多好玩的遊戲！

喜歡這篇文章嗎？立刻分享出去讓更多人知道吧！