向華強之子入獄關淑怡襲擊店員被捕葉佩雯舊病複發手腫似蘿蔔仔！

娛樂 03-23

今日快報

獲提名最佳女配角　欣宜隨時法國拎獎

「女神」周秀娜（Chrissie）和鄭欣宜（Joyce）主演的新戲《29+1》，在昨日公布的法國尼斯國際影展入圍名單中，獲得四項獎項提名，包括最佳外語劇情片、最佳導演（外語劇情片）、最佳原創劇本（外語劇情片），而欣宜更是首次獲提名最佳女配角（外語劇情片）。欣宜當知道自己有份入圍爭獎後就激動到喊出嚟：「系癲咗，喊到眼腫曬！我從來都對自己演戲冇信心，冇諗過有任何演戲上嘅提名，所以已經系贏咗。我喺拍攝時好質疑自己會唔會影衰呢個角色，會唔會令到咁好嘅故事carry唔到呢？

但導演喺拍攝過程話「

Joyce，你雖然話自己系個歌手唔系演員，但我想話畀你聽你系啰。

」當時我好感激佢畀我嘅信心，但我始終都未信，雖然知道自己依然有好多嘅進步空間，但系今次提名真系一支非常大嘅強心針，更加估唔到系海外提名，希望可以繼續有機會喺演戲方面發展，更加努力學多啲嘢，喺演戲方面發展，同埋多謝彭秀慧導演同蕭定一畀呢個機會我嘗試，你哋搵我好大膽呀！」

而導演彭秀慧同樣亦是首次在影展獲提名，她坦言十分開心：「我都受寵若驚，希望套戲多啲人識、多啲人鍾意，獎項唔系自己控制，但再一次畀非華語地方睇到呢套戲，仲畀到四個提名系值得光榮嘅事。我自己有劇本、導演提名系好開心，我喺導演方面都真系一個新人，唔知自己用咩方法做最好，但會繼續努力！舊年五月我哋喺巴黎拍外景，今年五月可以返去法國，好有意義！希望公司所有人都去。」

《29+1》報捷唔停，Chrissie既開心又感動，對於電影喜獲尼斯國際影展四項提名，Chrissie說：「好興奮，消息陸續嚟，恭喜導演同Joyce，我哋《29+1》有四個提名，真系好戥佢哋開心。我對佢哋有信心，希望佢哋攞獎，我哋一齊去法國吖！呢次真係為我哋5月上映嘅《29+1》打咗支好大嘅強心針，希望香港上映時都有好成績。」

開騷向哥哥致敬　基仔化妝整頭自扲荷包

歌手古巨基於九龍塘浸會大學會堂舉行《Salute To Dear Leslie音樂會》，騷後接受訪問，身為古太的Lorraine一直在後台打點，基仔透露每次做騷太太都提他多飲水，對於穿窄身皮褲疑似激凸，基仔說：「冇留意，依家唔方便留意。」

基仔承認非常眼淺，他說：「我系寫咗稿，希望大家睇完回憶嚇，舒舒服服返屋企。（喊足半首？）都已經歪曬，好彩近尾聲。」由於音樂會給予指定網站獨家直播，問到直播權是否很貴？基仔說：「唔知，要問古太，不過佢哋贊助咗音樂會製作。」並再次強調所有收益全數撥捐張國榮哥迷會。問到籌款目標，基仔說：「如果哥迷會有啲活動需要我幫手，我都願意去做，今次都系義唱，一蚊都冇袋落袋，希望可以出少少綿力。」問到為何不借哥哥的歌衫亮相？基仔睜大眼說：「咁珍貴，唔掂得，我又多手汗。」最後經理人霍汶希補充基仔的化妝

及整頭費都是基仔自掏腰包支付。

向華強幼子向佑入獄哥哥向佐心情受影響

香港娛樂大亨向華強的幼子向佑，前年乘的士時疑與的士司機爭執，其間自稱是「向華強兒子」，其父是「全香港最大家族龍頭大佬」，又打司機臉及掐其頸，去年經香港裁判法院審訊被裁定刑事恐嚇、襲擊致造成身體傷害等3罪成，被判入獄半年。向佑不服提出上訴，並獲保釋等候上訴，香港高院3月13日駁回他的上訴申請，向佑即時還押監獄看管及服刑6個月。

代表向佑的資深大律師求情時曾透露向佑童年的不快經歷，他覺得父母偏愛哥哥向佐，其父向華強動不動就體罰他，其母就對向佑講什麼都不信。向佑遷出家庭豪宅後，為求跟女友雙宿雙棲，搬至上環，但兩人年齡差距大，不為家人接受。

向佐與向佑

向佐與父親向華強和母親陳嵐昨晚出席活動，同行還有一個女性，向佐否認對方是其女友，澄清只是幫朋友帶朋友進場，強調自己現時單身，要為事業拼搏，要拍劇和參加真人秀，所以沒時間戀愛，父母也沒催他談戀愛，他與父母之前還一齊參加節目。

對於弟弟向佑被判刑半年，向佐坦言心情受影響，因為只有一個弟弟，但事件已等待多時，他大概知有此結果，故已有心理準備。問到服不服判刑？他說：「都已經判了，沒得說服不服。」至於可有探監，他直言：「弟弟進去了兩日，他有寫我名字，我可以去探他。」

關之琳話放低咗！劉嘉玲：順番條氣

女星劉嘉玲因與關之琳（之之）前夫陳泰銘行山而觸怒對方，事後二人同場出席活動時，被記者問到會否尷尬？之之指嘉玲應該要尷尬多點，火藥味甚濃。近日兩人再同場碰頭，前後腳相隔五分鐘現身，更被大會安排坐同一張枱,二人進場參加儀式，嘉玲再出來接受訪問，問她與之之見面沒有？她表示事前不知道會同場兼同枱，但其實之前都有見面，因為大家有很多共同朋友。

問到其他好友有沒有做和事老？嘉玲續說：「唔好將件事化大，唔好撩事斗非。（大家唔清楚內容嘛？）其實我都唔系好知個內容，你哋應該知得多過我，唔好夾硬整到有啲嘢咁！（之之話淡化咗事？）其實冇事，我哋呢啲age，最緊要健康快樂，順番條氣啦，自在啲！」問到會否幫襯之之的睡衣生意？她指自己向來喜歡shopping，有合適都ok，自己也有做時裝。可會跟之之crossover合作做生意？她說：「crossover好遠喎講到，其實女仔都鍾意講時裝、化妝。（咁你哋咪有共同話題可以傾番偈？）我同你都可以傾架！」

此外，對於女星張曼玉被拍得獨自憔悴放狗？嘉玲聽罷甚大反應說：「其實我哋真系冇見，唔系好熟，系以前一齊拍戲，私下唔熟，（呢個圈）做到朋友好少。（話佢好落寞？）落唔落寞系出面人睇佢，可能佢內心好充實好豐富，好似啲人話竇唯一個人坐地鐵好落寞，我唔覺喎，我覺得佢好自在，唔好成日將自己眼光價值放喺人身上。」

關淑怡涉刑恐及普通襲擊被捕

歌手關淑怡（Shirley）又出事！有消息指Shirley於近日在大嶼山愉景灣一間酒店的餐廳內與職員發生爭執，期間雙方發生肢體衝撞，有人出言恐嚇對方，警方接報後到場，把涉嫌刑事恐嚇及普通襲擊的關姓女子拘捕，疑犯已保釋候查。

據警察公共關係科回覆，在大嶼山分區海澄湖畔路一餐廳，一名29歲男職員姓陳，與50歲姓關女子因瑣事爭執，期間雙方發生肢體碰撞，有人疑出言語恐嚇：「信唔信我攞刀斬你！」餐廳男職報稱胸口痛，警方接報到場，經初步調查，案件列刑事恐嚇及普通襲擊，關姓女子涉案被捕，案件交由大嶼山警區刑事調查隊第二隊跟進。疑犯已獲准保釋候查，須於三月下旬向警方報到。據悉，關淑怡離開警署時，曾對人否認在酒店餐廳與人發生爭執，更聲稱到警署是報失有關她的計算機，晚上她再度現身愉景灣酒店，期間情緒一度激動，有點語無倫次，不肯正面回應事件。

關淑怡最近鮮有露面，昨日突然在社交網發「聲明」：「十年來，我有求必應，一一回答，關淑怡已是誠意地配合，但抹黑的情況像理所當然。」她在文中表示從今以後出席任何活動或新歌宣傳，如非在工作大前提下，不會受訪回應任何私人事，包括其兒子或她認為無必要交代的事件，望各界給予私人空間及見諒。

怪病複發翻脹　葉佩雯手指腫到似蘿蔔仔

前歌手葉佩雯（Grace）年多前自爆患怪病令體重不停飆升兼左邊頸部腫凸起來，當時遍尋名醫又照超聲波、又去腫瘤科檢查，均找不出病因，後來經中醫調理後控制病情，一度回復窈窕，日前4時多，Garce現身中環，身體明顯翻脹，似是舊病再度複發。

Grace早前和著名音樂人老公郭偉亮（Eric Kwok）往北海道滑雪，老公受傷一度動彈不得，經過個多星期休養火速傷愈，Eric Kwok當日駕車與愛妻及家中兩隻寶貝愛犬出街。一身潮人打扮的Grace步出車廂，縱使穿上厚厚大衣亦難掩腫脹，十隻白雪雪的手指更是腫到如同小蘿蔔，只見她慢步行去遍布診所的商業大廈。

媒體致電葉佩雯，她輕鬆地坦認病發，笑說：「上年到依家都睇緊醫生，唔使擔心，冇辦法嘞，上咗年紀系咁！」問到病況，Grace直言一度氣餒，她說：「因為呢個病，唔可以接啲好辛苦工作，又唔可以捱夜，一路要keep住調理，身體時好時壞，成日都要食住葯，中西醫都有睇，醫生話因為荷爾蒙問題就算減肥都減唔到。」雖然受病患影響，Grace心情依然開朗，並以自己的遭遇鼓勵病者要開心、正面去面對，還呼籲大家要注意健康。