何韻詩新歡曝光親密合照疑公開戀情城嫂方媛做GYM證冇孕

娛樂 03-28

今日快報

有圖有真相！城嫂方媛做GYM證冇孕

近日傳出天王郭富城（城城）話要成家立室，更有指下個月要同女友拉埋天窗，亦有傳女友方媛已經懷孕，但城城同方媛一直都冇否認結婚同懷孕嘅傳聞。

而方媛近日就喺社交網站上載咗兩張玩健身嘅相，明顯想否認有孕傳聞。方媛就留言：「準備出門結果沒去成，好吧那就換來健身房打卡吧　夏天快到了，大家準備好了沒有。」反而令一班網友議論紛紛認為方媛準備做城嫂，所以要keep fit。

何韻詩新歡上載親密合照　疑公開戀情

歌手何韻詩早前被斷正背正印、台灣舞台劇女演員鄧九雲啜女，對方更系其新入職助手方迦南，因而傳出與鄧九雲的消息。之後方迦南又被指讀書時與主持人方健儀的妹妹方君儀關係密切，五人關係非常複雜……

尋日（25號）經典組合達明一派嘅紅館騷圓滿結束，何韻詩同方迦南及一班工作人員都有現身後台，電咗一頭捲髮嘅方迦南本身都只系喺社交網甫咗同大班人嘅合照，之後佢忽然上載咗張何韻詩幫佢整理頭髮嘅合照，見方迦南坐定定任由何韻詩舞佢啲頭髮，二人又齊齊著到好似孖公仔咁，方迦南並寫道：「大詩級改造」

其實自二人被斷正後，方迦南嘅社交網已甚少出現有何韻詩嘅相，今次忽然咁高調曬相，唔知系咪想公開戀情呢？雖然佢冇講到明，不過就有似系何韻詩粉絲嘅網友，留言恭喜二人，又指佢哋放閃，似乎二人嘅關係已經被粉絲接受，其後，記者致電何韻詩求證此事，何韻詩表示沒回應。

參加《歌手》遭圍插　恭碩良撐女友憶蓮

音樂人恭碩良（Jun）接受電台訪問，提到天后女友林憶蓮參加內地歌唱節目《歌手》，有不少歌迷表示反對，在節目中為憶蓮打鼓的他說：「我唔可以代表任何人講嘢，但我覺得呢個只系一個job，系一個娛樂節目，don"t take it too serious，calm down，just music，但依家個社會風氣系咁，咩都插咗先。」Jun表示現時上內地拍節目可讓他練習講國語：「我本身唔叻，中文系近呢十年先講得好啲。」又指有人曾建議他到內地發展，但他認為不是自己能控制，只會做好自己本份。

點解嘅？岑麗香老公唔舒服搵黃宗澤幫手

藝人岑麗香接受電台訪問，提到她在劇集《溏心風暴3》的角色，她透露角色有好多兵，而王浩信是其中一個，又指很期待之後將去西班牙拍攝愛情戲。問到拍完《溏心風暴3》後可會繼續拍劇？已為人妻的她坦言會再拍一套劇，但不方便透露。談到婚後的轉變，香香說：「我都以為會有好大轉變，但原來唔系，我哋結婚之後唔再系long distance，有好有唔好，好似會多咗衫要洗，但佢就會幫我手。（你煮嘢食畀佢？）想嘅，等我進步啲先，佢幾日前唔舒服，我有搵Bosco（黃宗澤）教我應該煲咩湯，我就煲咗蘋果雪梨瘦肉湯畀佢。」

祖兒Side Track騷　眾星後台打氣

天后容祖兒共16場的Side Track騷《容祖兒?MY SECRET?LIVE》演唱會，假香港演藝學院歌劇院舉行，24號及25號兩場演出是不作公開售票的優先場，而這兩場的圈中捧場嘉賓有蔡卓妍（阿Sa）及其媽咪、鄭希怡及女兒及經理人霍汶希等。

到了昨日26號晚，捧場嘉賓陣容更鼎盛，包括有英皇老闆楊受成夫婦、英皇娛樂集團行政總裁許佩斯、謝霆鋒、蘇志威及大女兒蘇君蕎、泳兒、洪卓立、湯怡等。而霆鋒入場時，記者說笑叫他說幾句《藍雨》，他即擰轉頭笑一笑，而英皇老闆楊受成夫婦、英皇娛樂集團行政總裁許佩斯、謝霆鋒、蘇志威及大女兒蘇君蕎更先到後台為祖兒打氣及合照留念。

昨晚是祖兒（Joey）演唱會公開發售門票的頭場，一開騷有阿Sa聲演的聲帶呼籲歌迷不要拍片，於晚上8時19分熄燈開騷，歌迷拍手大叫Joey，台上有一黑幕，聽見Joey唱出《最好時光》的第一句，之後黑幕見其人，之後再唱另一首歌時就見粉紅色頭及裙的Joey現身，又見黑幕有芭蕾舞投影，之後又見如睡房的布置，有貴妃椅及公主。