余文樂賣甩女友王棠雲飛泰國會長腿女！梁烈唯狂甫囡囡出浴照

娛樂 03-30

今日快報

余文樂賣甩女友王棠雲飛泰國會長腿女

型男余文樂早前公開宣布認與台灣皮帶大王女兒兼女星王棠雲拍拖三個月，雖然拍拖短短時間，不過近日余文樂就撇低女朋友，被網友發現喺泰國曼谷，網友仲話佢一行幾人去曼穀日本街某間酒樓開餐，聽店員講佢平時每個月都會去一至兩次，似乎系酒樓嘅熟客仔。之後更有內地消息傳出，指余文樂有個靚女喺隔籬，不過個靚女並唔系女朋友王棠雲。

另外，余文樂尋日喺IG上載同爸爸媽媽嘅合照，仲留言：「Family time（家庭時間）。」似乎想話畀大家知佢今次嚟曼谷其實仲有同屋企人嚟嘅，咁王棠雲可以放心曬啦！

余香凝曬鑽戒唔認嫁：唔戴擺喺度好嘥

影壇新貴余香凝（Jennifer）與英皇藝人陳家樂拍拖多年，早前兩人發生交通意外，Jennifer受傷入院，獲家樂發表愛的宣言願意照顧她一世，日前Jennifer出席活動時，被發現右手中指戴上鑽戒，難道與家樂秘密訂婚？Jennifer承認鑽戒是男友所送，但否認訂婚：「絕對唔系，可能系一個肯定。（幾時送?？）幾時就唔講，不過系近日嘅事，初頭覺得好珍貴唔捨得戴，佢話唔戴擺喺度好嘥。」

Jennifer坦承車禍後學懂更加珍惜身邊人，與男友感情更進一步：「我知呢樣嘢對佢嚟講唔系飾物咁簡單，系好重要，但未去到訂婚，我哋都好認真對待呢段關係，我依家先23歲，仲想做多啲嘢同儲嚇錢先。」至於陳家樂承認鑽戒是他所送，是紀念日的禮物，笑言訂婚、結婚的戒指鑽石不會如此細粒。

有女萬事足！梁烈唯狂甫囡囡出浴照

新手爸爸梁烈唯（唯唯）同老婆Tina今年1月誕下囡囡Karina，榮升爸爸嘅唯唯雖然仲要開工，但一得閑就會陪住囡囡，幫輕喺屋企休養嘅老婆。正所謂有女萬事足，同囡囡朝夕相對嘅佢難掩喜悅，最近喺社交網post親都系囡囡嘅「寫真」。

呢日唯唯又貼出多張Karina得意出浴照，並留言：「Baby Spa好舒服啊！又可以做運動，又有按摩，好開心喔！thank you.」相中Karina眼仔睩睩，而且仲好乖冇喊，又識得望住鏡影相，對鏡頭敏銳度極高，果然似足爸爸呀！

吳業坤？Aka自爆分手到依家都未放低

組合Super Girls接受媒體訪問，講到新歌《從今以後》講述分手後在人面前扮堅強，問到她們可都是這樣？Aka表示：「一分手梗系會喊，但驚人哋覺得煩，所以返屋企先喊。（最長康復期系幾耐？）最長時間系依家都未。我試過有次分咗手，隔咗兩年我check電話時覺得佢應該會send message畀我，先驚覺其實已經分咗手。」Heidi亦謂讀書時跟男友拍拖一個月後對方突然消失，連分手兩字都沒講，自己花了兩、三年時間都放不低。Jessica則謂分手後就算已有新伴，但心仍會痛；Yanny則謂自己比較隨緣、洒脫。而Cheronna則謂不喜歡自己喊，自己喜歡逃避。

撇甩男友！林頴彤孖西裝男行街騎騎笑

電視台姐仔林頴彤（Bella）去年情人節公開和容天佑的戀情，可惜短短半年即宣布回復單身，幸好兩人分開一段時間後「仍是覺得你最好」，最終都能夠翻撻成功，為保得來不易的感情及上位中的事業，今次一於戀事密冚，低調地發展地下情，直至不久前於寓所下攬攬才令戀情曝光。

不能和男友公開拍拖曬恩愛，日前下午5時多Bella出席完活動後，相約西裝骨骨的男經理人去街，兩人乘車往荃灣一商場，其間邊行邊密密斟表現得相當投契，然後結伴往物流中心提取貨品，即取即拆站在街頭研究剛拿到手的東西，現場所見Bella不時展露甜甜笑容，直至她接到電話，便在經理人陪同下，登上的士直回葵涌的公屋寓所。