51歲郭富城娶方媛，女方或已懷孕兩月，熊黛林苟芸慧齊送祝福！

51歲天王郭富城（城城）於兩年前上載與大陸網路紅人方媛拖手相後，兩人愛得高調，多次被催婚。

而方媛更於今年二月突然喺微博貼相稱「我有一點小變化呢」，因而爆出懷孕疑雲，但後來遭郭富城否認咗，仲開金口護花指會好好珍惜呢段感情。

早幾日，有大陸網友透露有朋友話要換港幣，係為咗下月要赴香港參加表妹婚禮，仲指出新郎哥正是郭富城，因而令兩人婚事傳聞再次炒熱。

曾以「好乖」及「好善解人意」贊方媛的城城，早前和好友飯敘時提起人生大事，直言是時候結婚，很想生兒育女組織家庭，並有感母親年事已高，想一圓母親飲新抱茶的心愿。

到咗今日，真相終於大白！原來郭富城同方媛日前已正式提交「擬結婚通知書」，申請註冊結婚。

在擬結婚通知書中，城城和方媛申報的職業為「Artiste」（藝人）及「Fashion designer」（時裝設計師），地址同為城城大坑寓所。

另外，方媛喺微博寫嘅出生日期系1988年6月11日，令外界一直以為佢28歲，但根據佢喺「擬結婚通知書」上報稱嘅資料，佢真正嘅出生日期其實系1987年7月6日，計番手指即系29歲，同現年51歲嘅郭富城足足相差22年呀！

據知城城和方媛已有共識，不想婚禮大事鋪張，只希望和至親好友分享喜悅，低調進行。

而身在上海的城城據說難掩喜悅心情，劇組台前幕後紛紛送祝福，令城城全程笑不攏嘴。

經紀人小美亦感謝各界關心：「對於城城已有結婚的計劃，已經是在年初的事，而他亦公開表示過他在這方面的意向。至於其他的細節、流程，就真的是尊重城城家人的意願，他們是希望完全簡約低調去完成，城城亦只是作為一個適婚年齡的人要做的事，所以並不存在任何大驚小怪。

同時被傳有身孕的方媛仍活躍於微博。她前晚上載健身照，明顯為做弗爆新娘子而作準備。不少網友請教她瘦身秘訣，方媛亦一一解答，但問到懷孕時，她即刻意避談，沒有回應。

至於有關懷孕傳聞，小美向城城了解一下，他笑說：「現在冇，但將來一定有。」而小美則表示：「他身邊的朋友都有小孩了，所以我同團隊夥伴們，真的希望佢成家之後，快點成為父親嘅。不過，呢一刻就未有任何消息公布住。」

「准城嫂」方媛喺12年嚟香港組成女子組合之前，曾喺上海參加過「沙灘寶貝大賽」，當時臉圓圓仲有啲baby fat。

除咗系沙灘寶貝，原來喺12年試過化名「愛麗絲」，參加過大陸相睇節目《非常完美》。方媛喺節目報稱當時得23歲，從事會計工作。當時其他男參加者就贊佢有明星臉，除咗似日本女模藤井Lena，仲有幾分似趙薇。

方媛在節目中，話因為憧憬爸爸媽媽嘅愛情，所以就參加咗呢個節目，她承認自己拍過6次拖，非常鍾意浪漫，希望男朋友會系一個有禮貌、注重細節，仲認為男仔應該要寵愛女朋友。

依家睇番佢啲擇偶條件，城城真系100％中曬。其實誠城入行後，與不少女星傳出緋聞甚至拍拖，每位「女主角」都各有美貎。

此次對於舊愛郭富城入紙結婚，曾與城城拍拖七年、最終於2013年分手嘅名模熊黛林，就大方表示﹕「很恭喜他們，祝他們幸福快樂！」

至於另一前緋聞女友苟芸慧則回覆說：「如果系真嘅當然恭喜佢，結婚系人生大事，祝他們白頭到老！」

恭喜城城啦~

喜歡這篇文章嗎？立刻分享出去讓更多人知道吧！