林家棟惠英紅導演會稱帝封后黃宗澤鬧蕭正楠：思想污穢

娛樂 03-07

今日快報

向翠如投訴　黃宗澤鬧蕭正楠：思想污穢

黃宗澤、黃翠如、王浩信、岑麗香、李司棋、夏雨、米雪、關菊英到荃灣一間荼餐廳為無線劇集《溏心風暴3》舉行記招，眾演員親手炮製奶油豬及沖奶茶比試一番。黃宗澤近期腸胃炎消瘦了不少，現時肚子仍感不適，近日甫出操肌照的他被蕭正楠留言取笑：「咇咗出嚟就唔好。」黃宗澤即對旁邊的黃翠如說：「叫你啲家人思想唔好咁污穢，成日都諗埋啲屎屎尿尿。」黃翠如笑說：「收到、收到，唔關我事嘅。」

黃宗澤與黃翠如劇中飾演一對，初期是講述兩人的兄弟情，後期黃翠如才明戀黃宗澤，兩人指暫未未見有咀戲，黃翠如笑說：「有場戲我喺屋企著得好性感，但系佢就無視我。」黃宗澤與黃翠如曾經在《幕後玩家》拍過激咀戲，變相蕭正楠是否會放心？黃宗澤說：「佢兩個私下系點我就唔知，我哋四個阿聰（張繼聰）、阿蕭、翠如就好似兄弟咁玩，成日互窒，其實我同阿聰、阿蕭仲親密。」黃翠如說：「佢（指蕭正楠）都當我系仔，我哋出街唔拖手，凈系傾偈，佢哋真系好冤氣。」

林家棟惠英紅導演會稱帝封后

香港電影導演會昨晚於尖沙咀舉行春茗，席間頒發「最佳男主角」獎項，結果由林家棟奪得，最佳女主角則頒給《幸運是我》的惠英紅，兩人上台都有眼濕濕，不過，都不忘發揮搞笑本色，惠英紅上台致辭時指過去沒有導演誇過她，現在獲獎她就會當全場導演「兜口兜面」大誇她；而林家棟上台領獎時，則繼續幽默，笑言：「自己畀小紅姐（惠英紅）好，因為好多導演會提起我...鬧我。」帝後齊發功，結果引來不少笑聲。

林家棟在台下接受訪問，一時感觸，眼濕濕未能實時受訪，待情緒稍為平伏，他表示：「Sorry，因為我有好多畫面出咗嚟，咁多年拍戲好多犯錯，會好在意人哋點睇，好開心今日能夠由咁多導演選出嚟成為最佳男演員，真系無諗過，之前佢哋叫我嚟春茗，我因為搞緊劇本，未知嚟唔嚟到，頭先，見到許冠文上台嘅畫面，好感觸，因為佢都四十年，我自己與有榮焉（指與許冠文齊在導演會獲獎）。」

至於惠英紅受訪時表示入行四十年半，一直屈在心裡，就是久缺人家當面的誇獎：「心情仲好空白，唔知點解，我需要當面，每次我都問李添勝，點解唔表揚我，我覺得自己做得好好，一直郁喺心入面，心有條刺，今次（攞獎）當佢哋一次過誇我！阿媽同我咁多個十年，佢從來唔誇我，但喺人哋面前，好似同王祖賢、小寶（爾冬陞）嘅阿媽面前就會誇我，其實我系需要正面嘅鼓勵，今次我當佢哋一次過誇我，好似（甄）子丹、祖哥（張同祖）都未誇過我，但頭先佢哋都會同我講啰，我唔介意邊個，只系介意導演表揚，因為導演系一套戲嘅領導，導演誇我：紅姐，呢場戲你做得好！嘩!我心情曉飛啦！有時我會諗，系咪覺得我老，唔好意思誇呢？喺我細嗰時，又系咪覺得我似??仔，而又唔使講咁呢？有次我做訪問，見到添哥都特登問番佢當年點解唔誇嚇我？佢話得?啦！其實，鼓勵真系好重要！」

陪阿仔學校面試忙辦公　千嬅惹家長誤會

藝人楊千嬅於尖沙咀出席香港電影導演會周年晚宴暨年度頒獎典禮，她表示身為電影工作者一份子，每年都會出席以示支持。講到有爆料指阿仔面試國際學校表現緊張，千嬅否認：「似乎系爆料嘅家長緊張過我哋，當時我唔繫緊張，撳電話係為公事，因為同老公丁子高都要處理公事，唔想畀老師見到用電話好唔專心咁，所以要喺手袋入面用電話，仲用簿同筆MARK低公事，可能因為咁睇好似幫個仔炒緊筆記咁啦，其實就唔系嘅。」

問為何選擇國際校？千嬅說：「自己同老公都系希望睇番囝囝長處去加以栽培，囝囝長處系創作力，對音樂同閱讀都有興趣，國際學校嘅制度會比較適合囝囝發展，壓力亦冇咁大，所以安排佢讀國際學校，並唔系因為鐘意佢哋乜嘢。」

講到近期有講法指幼兒園學生5歲前不應該執筆寫字，會影響手部發育，千嬅表示：「我個仔都幾鐘意寫字，佢會寫到英文名Torres，但丁字嘅英文又唔識串，佢就會寫『Torres丁』，好彩丁字得兩劃，學得冇咁辛苦。」

唔系咩大事　樂基兒認男友結過婚

名模樂基兒日前在網上被指於早前新加坡秘婚，還被指她是小三，破壞別人家庭，昨晚她出席時裝活動澄清十年冇出過新加坡亦冇結婚，說：「我嗰段時間應該喺泰國，rosemary喺泰國有個瑜伽活動，我十年冇去過新加坡，亦冇結婚。（寫你系小三嗰個人你識唔識？）唔識，佢寫中文我都唔識睇，我個account成日有個人每日寫十幾個訊息嚟，而且佢成日轉唔同account，我估系同一人，啲手法差唔多，不過無所謂，大家有言論自由，我唔會理。（你有冇得罪人？）我自己唔知，唔一定個個都鐘意我，自己同自己朋友知我系點就得，唔會因而影響心情。」問到男友是否單身冇結過婚？她說：「佢結過婚，但已離婚七年，咁唔覺得咩大件事，我都結過婚。（二人有冇結婚打算？）我哋兩個都結過婚，呢分鐘講結婚太早。」

羅嘉良趁機抽心穎水：結咗婚嗱？

藝人羅嘉良（撈家）在將軍澳出席無線新劇《與諜同謀》之「有智有謀再創高峰」活動。會上，離巢八年返娘家的他指今次回無線拍劇「好開心、好開心、好開心」，而司儀蔡康年就指撈家在《天地豪情》、《富貴門》及《與》劇中均姓卓，撈家聞此即笑謂：「可能我最叻啅人！」當聽到蔡康年抽同場的黃心穎與馬國明的緋聞水時，他又抽埋一份：「結咗婚嗱？打電話問嚇明仔先！」非常搞笑。

問經常在內地拍劇的他，現在是否有監製與他傾再回巢拍無線劇，他坦言現正在考慮當中：「你哋覺唔覺首主題曲特別好聽，邊個唱?呢？（好聽！）難得返嚟無線拍劇，所以我都要求自己唱返主題曲。」但是否出碟就隨緣。問今次來港老婆和囡囡有否同行，他表示四歲囡囡留在北京準備升小學，老婆忙著為她籌措，亦坦言做藝人面試學校有著數。