陳偉霆話毋需迴避Angelababy 朱慧敏否認系何志堅新歡

今日快報

想同祥嫂修補關係　兆尊：單手拍唔響！

鄧兆尊母親祥嫂日前在魯芬喪禮上大談兆尊，直言不想評論長輩的兆尊於訪問中表示自己原本都會於當日露面：「當日原本我都會去喪禮，點知要返大陸所以冇去。我熟祥嫂脾性，佢唔系因為我而唔開心，而系鍾意見下你哋（記者）。我覺得其實佢應該入行，能收能放。」

談到近年與祥嫂關係麻麻，兆尊指起因之一是曾跟弟妹被祥嫂拒諸門外：「我哋去到佢屋企門口，佢話唔舒服要休息，唔肯開門。其實佢病，我哋系咪更加應該要睇下佢呢？」他又指當日原本要處理有關八千萬遺產稅：「之前遺產稅嘅官司系需要一張收據去證明，當日我哋搵祥嫂就系想要番張收據畀稅局睇，但喺佢嘅角度覺得點解要畀張收據人哋睇！結果我哋額外用多咗錢，系嬲架，好多嘢無法理解。」問到有否考慮解開大家心結？他指：「我哋幾兄妹都有自己嘅性格，如果傾唔埋，咪各自追求自己想過生活，依家都OK。（有冇做和事佬？）有，但單手拍唔響！好多嘢勉強冇得做，點解大家唔諗嚇自己有乜嘢令對方唔開心同厭惡呢？」

否認系何志堅新歡　朱慧敏：有去佢屋企

前日驚爆賭王何鴻燊二房千金何超鳳和丈夫何志堅於去年已離婚，隨後何超鳳單方面透過電郵發聲明，證實離婚消息及指兩人已各自展開新生活，23年的婚姻正式划上句號。雖然何超鳳已發聲明，但坊間傳出不少消息傳聞，當中有指何志堅現在已有女友，惟何志堅透過秘書否認此事。不過，有讀者透過電郵爆料，指何志堅的新歡正是今年35歲的前TVB藝人朱慧敏！

電郵中明顯可見該讀者似乎掌握及清楚何志堅及朱慧敏的行蹤，先後列出四條問題來「教導」記者去詢問朱慧敏，當中包括：「認不認識何志堅先生？」、「如答不認識，是否最近幾個月曾不只一次單獨到過何先生位於淺水灣之住所？」、「如答沒有，是否對上一次到過何先生之住所是今年2月份？當時身穿淺黃色的毛衣？」後再指可追問朱慧敏是否經某集團大老闆安排的飯局而認識何志堅！

朱慧敏接受訪問時，坦承認識何志堅，並以對方的洋名Simon作稱呼。她說：「我系認識Simon，我哋系有共同朋友，我有去過Simon淺水灣屋企幾次，每次都系成班朋友去食飯。」她續說由於自己投資餐室，同時又已報讀工商管理課程，對於投資及從商很有興趣，認識很多從商朋友，她說：「我哋根本唔系拍拖，好多朋友都知我認識Simon，大家都系正常社交活動，毋須大驚小怪。」

張兆輝撞擋風玻璃險盲

張兆輝與苗僑偉（三哥）日前為無綫新劇《使徒行者2》開工，拍攝一場反車槍戰大場面，不過二人就分開拍攝。獲三哥邀請於劇集開首客串演出的張兆輝，飾演警察卧底單拖上陣以一敵眾，惟最終死於歹徒槍下。

拍慣大場面的張兆輝，面對連場槍戰也應付自如，他說：「其實呢啲大場面，依家電視同電影都買少見少。（客串兩集唔夠喉？）都好過癮?喇！（拍爆破動作戲會唔會好危險？）今次都好安全，其實我好耐之前試過拍嘢，劇組要我成個身飛落架車嘅擋風玻璃，但系個位就唔系幾啱，好彩我下意識擰一擰轉塊面，最後只系撞到耳仔，如果唔擰就撞到塊面，再撞上啲就系隻眼。」

三哥感激張兆輝友情客串，更指劇集將於本月底煞科，但還未來得急休息，便要飛往上海參與張家輝新片：「呢次輪到我客串，拍十日之後就會返香港。（呢套劇咁多大場面，太太戚美珍會唔會好擔心？）又唔會，佢都知我會小心，識得分寸嘅！」

哥哥致敬騷炒貴三倍！古巨基吁勿買黃牛

古巨基為「哥哥」張國榮推出致敬大碟，重新演繹10首哥哥於不同年代的經典金曲外，今個月16號即大碟推出當天，亦在大學會堂還舉行致敬音樂會，基仔早前自公布開騷消息後，一眾「哥迷」為之期待，加上基仔已有一段日子未在港開騷，可謂一解Fans歌癮，所以，門票在網上接受公開訂票後，在秒速間全場門票已告「售罄」，正因「一票難求」，網上迅即時湧現黃牛黨「吸水」，以頭排前三行的「超筍位」來招客，將原本$680炒高三倍，叫價$2,100港元一張，相當誇張。

對於有炒飛出現，乘為黃牛黨的吸金目標，今日基仔呼籲歌迷不要助長黃牛黨：「門票已售罄，但希望大家不要買炒飛，因為這次音樂會背後的意義是把門票所有收益捐到哥哥的「哥迷會」，不想被黃牛黨從中賺錢。」然而因只演一場，門票有限，基仔亦想盡方法解決「冇飛」問題，據知有關方面已進行「急救措施」，決定將場內的控制台位置作調動，再騰出少量座位，即會放到古巨基Facebook官方Fan Page給歌迷訂購。

巴黎時裝周：陳偉霆毋需迴避Angelababy

陳偉霆（William）於巴黎時間7日現身當地出席2017秋冬時裝騷，他與內地女星白百何同被安排坐在第一排睇騷，同場遇到台灣女星張鈞甯，兩人即時密密斟，又玩自拍，還相約食飯。

William表示正在象山拍攝古裝劇，今次抽空一星期到巴黎，因為跟品牌有合作計劃：「今次系第二次睇騷同合作。（好勁？）好開心。（會唔會趁機周圍去？）本來想請假，但冇時間，我會喺巴黎有啲野做同會拍我隻歌嘅MV，因為同呢邊單位有合作。」

另外，早前William為內地節目《奔跑吧》擔任嘉賓，有指因他的前度女友Angelababy正在坐月而暫別該節目，他才肯現身，他解釋：「其實由第一季開始，佢哋已經請我上節目，我都好想支持，今次終於夾到個檔期。（唔關Angelababy喺唔喺度？）大家當系娛樂新聞咁睇蘿，至於合作機會自己冇刻意迴避。」

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！