被封TVB首席男歌手！鄭俊弘見麥明詩即反眼吳若希孖男友搵Bob攞湊女經

娛樂 04-11

今日快報

被封tvb首席男歌手！鄭俊弘見麥明詩即反眼

鄭俊弘（Fred）同何雁詩認愛，齊齊成為新聞人物，Fred近日同麥明詩出席活動，麥明詩尋日唔知有心定冇意，喺社交網用「tvb首席男歌手」嚟形容Fred，即引起雙方Fans謾戰！今日Fred同麥明詩終於現身活動，到底會唔會火星撞地球？

現場所見，Fred玩遊戲時一見麥明詩就反白眼兼扁曬嘴，話曬畀人形容為「tvb首席男歌手」，莫非真系有心病，不過佢哋兩個之後又搭曬膊頭Friend番，都系玩嚇啫，唔使咁認真！

胡諾言否認跟陳琪離巢：首選仍是TVB

藝人陳琪早前約滿無線，結束近廿年賓主關係，與老公胡諾言育有三個小朋友的她，計劃在網上分享育兒經。昨日再有指胡諾言將緊隨老婆的腳步於年底離巢，工作多多的他更被指不愁出路，老婆更希望他能遇上伯樂，似指胡仔已找到新出路。

而胡仔就離巢一事，正身在橫店拍攝劇集《天命》的他透過短訊回覆媒體說：「份約還有一段時間，現在拍劇、舞台劇，好忙未有時間諗住，未有想過離開公司，首選仍是公司（TVB），任何給我機會嘅都系伯樂，包括TVB及以前監製導演等等！」

其太太陳琪亦澄清說：「老公年尾先續約，TVB好好，知佢唔系喺香港，都等佢返嚟先傾，等大家可以諗一諗。（有指唔續約？）我成個家都系TVB畀我，會真系好慎重咁考慮，依家根本未滿約，續約嘅嘢都系未有任何決定，要等老公返嚟同公司認真坐低傾先。（話你期待老公搵到伯樂？似指胡仔已搵到新公司？）其實每一個畀機會我老公嘅都系伯樂，冇話系指邊個。」

關係緩和　吳綺莉指卓林主動來電

前亞姐吳綺莉（Elaine）與女兒卓林關係似有緩和，Elaine接受媒體訪問承認女兒早前已秘密轉了另一家私家醫院，情況良好，此外Elaine更稱女兒主動致電：「佢有打電話畀我，（大家有偈傾？）OK既！（講咩內容？）唔講啦！」對於女兒讀書問題，雖準備外國升學，但目前卓林仍就讀香港的國際學校，而又因身體不舒服而有兩個多星期未有上學，Elaine稱日前已為女兒到學校跟進情況：「校長好好人，佢好明白卓林情況，願意畀我交住學費留住個學位，等卓林好番，就可以返學！」上月23日吳卓林報警稱遭人刑事恐嚇，其母吳綺莉同日被捕，母女關係因此陷入僵局，吳綺莉昨天到警署報到後，下月中仍需返警署報到。

徐少強同艷星劃清界線：見到會打X佢！

66歲武打藝人徐少強與太太育有一仔一女，家庭美滿。怎料，日前卻鬧出徐少強背妻搭上內地某艷星，由於徐少強覺得有人借他炒作新聞，故此，近日作出了大反擊，力數某艷星自製緋聞炒作，令他怒不可遏！

原本徐少強將與該艷星合作網路電影，但因徐少強不想再與對方有任何瓜葛，堅決要求新戲老闆換角！身在內地的徐少強爆粗表示：「見到呢啲炒作真系好嬲，我同老闆講要換角，或者唔好再同我有任何同場戲份，老闆都應承咗，如果畀我再見到佢（指該艷星）會打X佢呀！我同佢永不合作！」

徐少強指跟該艷星曾合作過三次，每次都有騎呢事發生，他謂：「第一次同佢合作，佢帶埋攝影師嚟片場，想影我同佢床上面嘅相，我即刻趕走佢嘅攝影師，因為我唔知佢哋影呢相嚟做乜！拍第二次套戲，佢做我情婦，佢又成日話要我同自拍合照，我都拒絕，到第三次合作，佢就話應劇組要求嚟內地機場接我，咁佢代表劇組，我唔會拒絕，嗰日系新戲記招，之後夜晚劇組同佢慶祝生日，就影咗我同佢切蛋糕嘅相，點知呢啲相就成為咗炒作嘅相片。」徐少強指自己一向極少惹緋聞，名氣又不是很大，不明白為何對方要千方百計借他炒作，令他甚為氣憤，現表明永不合作，希望同是非人物一刀兩斷！

就嚟生B！吳若希孖男友搵Bob攞湊女經

依家喺度安心養胎嘅歌手吳若希，已經有一段時間冇同大家見面，藝人林盛斌就比較好彩，可以喺呢日見到吳若希同佢男朋友Alex。

林盛斌今日喺社交網上載咗一張合照，睇到張合照入面有吳若希同男友、林盛斌夫婦、梁烈唯、同埋著名魔術師甄澤權，林盛斌留言話：「餐飯食咗四五粒鍾，成晚嘅話題得一個........... 「生BB」。」哦，唔怪得知啦，林盛斌已為三女之父，而吳若希就嚟生B女做新手媽媽，今次聚會吳若希相信系嚟學嚇湊女之道嘅。而梁烈唯都系啱啱升呢人父冇耐，當然要參與埋一份喇！